هالاسبوع لازم اخذ قرار اي بنك اختار؟؟

[! بــدويه وآآيــد !]

،



السلام عليكم بنات

انا توظفت وهالاسبوع باخذ مباشرة العمل وقالو لي جيبي ورق تحويل راتب
انا عندي تحويل راتب من التمويل بس ترددت وماعطيتهم مايمدحونهم بالقروض
انا باخذ قرض اشتري للوالده سياره تستاهل فديتها واشتري لي سياره صغيرونه ف ابي بنك فوائده شويه ومو حراميه
اخوي نصحني بالوطني وفيه نصحوني ببوبيان
محتااره بنات فيدووني وجزاكم الله خير !!

 

[بنفسجيه_Q8]

حبيبتي يسعدني اكون اول من يرد على موضوعج وتستاهل الوالده
الله يخليها لج
ومبروك على الوظيفه


انصحج بوبيان اسلامي ومو ربوي
انا اخذت منهم قرض طبعاً بعد ما خيروني بين التمويل وبوبيان


مميزات بوبيان احسن مو حراميه


ومبروك على سياره مقدماً

 

[! بــدويه وآآيــد !]

،


ويخلي لج غاليج يارب يبارك فيج

حبيبتي قرضهم سهل؟؟ وفوائدهم شكثر؟؟ انا اخوي قالي رفيجه خذا15 الف من الوطني فوائدهم 1500 بس
اذا مافيه احراج قوليلي جم خذيتي وجم الفوائد طلعت عليج قوليلي بالخاص اذا ماتعتبرينه خصوصيه لان خاطري ببوبيان بس محتاره وزوجي يقولي انحاشي من الوطني فاحترت اكثر

اشكرجعلى ردج ان شاءالله يارب تسهل امورج ويقبلونج تفرغ دراسي وتدشين الي خاطرج فيه

 

[noran89]

انا عندي بيت التمويل بس وايد ما يمدحون في تعاملاته فقلت بسوي الوطني و ما ادري شلون الله خلاني اسوي ببوبيان و شرح صدري له . فقلت الحمد لله الخيرة فيما اختار الله
اتوقع بما انه بنك اسلامي اكيد تعاملاته مع القروض مريحة ان شاء الله .

 

[زبــــــــدة]

ريلي خبرة بالبنووك

فقالي فتحي حسابج ببنك وربه ...ماياخذون فوااائد واايد وموحرامية وفوق هذا بنك اسلامي ...

 

[بنت الكويت العسل]

لاتاخذون فوائد من بنوك ربويه انتبهوا
بيت التمويل ياخذ وايد
سئلي عن الاهلي المتحد كان قبل اسمه الشرق الاوسط وصار اسلامي وبوبيان سئلي البنوك وقولي لهم يعطونج ورقه بالحسبه القوانين تتغير لاتتوهقين واحسن بنك بالنتظار العميل بمديونياته لو تاخر اهو التمويل بس فوايدهم وايد

 

[بنت الكويت 25]

حبيبتي علشان ربي يبارك لك في فلوسك وخري عن الفوايد دوري الحلال ربي يبارك لك فية اذا اسلامي عندك التمويل او وربة او بنك الاهلي المتحد او وربة بس نصيحة مهما كانت معاملة البنوك الربوية سهلة وراها اثم عظيم ومن ترك شيئا لله عوظة الله عزوجل بافضل من الشي الذي تركة

 

[دلوعةمآمآ]

وعليكم السلام ورحمة الله وبركاته

ماشاءالله ألف ألف مبــروك الله يوفقك يارب ويرزقك من حيث لاتحتسبين ,,,,

انا كنت متابعه للمنتدى وكنت معجبه بأسلوبك وسجلت علشانك والله

ياحُبـــــي لك بدويه

طبعاً ماعندي خلفيه عن الموضوع بس دخلت ابارك لك ,,وتصدقي حبيبتي من معاشك عشان ربي يبارك لك فيه وتذكري مانقص مال من صدقه

موفقه إن شاءالله

 

[زبــــــــدة]

فتحي ببوبيان واايد زين حساب انت ..

انا امس فتحت ... وفوائدهم شوية مو وايد ...

واهم شي ان اسلامي

كنت بروح وربه بس مشكلتهم ماعندهم فروع واايد وماكو فرع قريب علي

ففتحت ببوبيان

 

[مطيريه ماركه]

مبروك الوظيفة بس نصيحة مووو حلوة تبدين وظيفتج بقروض دشي جمعية سنتين انا سويتها وحصلي ١٠ الاف وكنت اقط ٦٠٠ وشريت كاااش

 

[عادت ذكرياتي]

آنا سويتلي ببيت التمويل سمعت إنه بنك إسلامي الوحيد وسويت فيه والله أعلم بنيتي وما أدري عن القروض لأني أحب كل شي بالكاش



وموفقة بدوية والله يباركلج حبووووبة ^-*

 

[Dalal.E]

انا اقول خلج بالحلال التمويل او بوبيان
ووخري عن الحرام .. الوطني

 

[* Snow White *]

بوبيـان،،

 

[! بــدويه وآآيــد !]

،


مشكورين بنات ماقصرتواعالردود وشكلي بدش جمعيات احسن مابي التزم بقرض احس شايله همه من الحين استغفر الله
وجني ناويه على بوبيان
دلوعة ماما حبيبتي لله يبارك فيج اسعدني كلامج ماقصرتي حبيبتي

 

[Pearla & Ribbons]

حبيبتي ديري بالج من القرض بأجر وراج اعيال والتزامات ماتقدرين تأخذين حتى أمومة أو إجازة زواج وأحسن بنك التمويل لان فوائده ثابته مانصحج فبوبيان لانه يخضع للسوق موثابت لا يقصون عليج بورقة القرض راح تقرين تحت ملاحظة وتقدرين تأخذين سيارة أقساط بدون قرض بس ها ديري بالج تأخذينها على بنك الوطني ترا ما تخلص اقساطهم الله يوفقج

 

[Mrs.H]

والله مادري شقولج.. بس القرض بياكل وااايد من معاشج وفوق هذا بتتمين سنين تسددين فيه.. فأنصحج دشي جمعية واشتري حق امج سيارة.. والسنة اللي وراها انتي اشتري سيارة والله يوفقج مبرووك الوظيفة

 

[Pippa]

حيااااتي :* والله مادري بس حبيت اباركلج ع الوظيفه ♥

 

[! بــدويه وآآيــد !]

،



حبايبي بنات مشكورين ماقصرتو انا استخرت وقررت ما اخذ قرض كلش
واخترت بنك بوبيان للحين محتاره بس سلمتهم تحويل الراتب وان شاءالله خير ويكون زين يارب

 

[عتآق الخيل]

بدويه
مبرووك الوظيفه والله يسهل امورك بالبنك
والله يجعلهـآ مفـآتيح السعـآده غلآتي .~

 

[ام عفراء]

موفقة