هالحبوب ولله الحمد سدت نفسي! :>

[Japanese]

السلام عليكم

ان شاء الله كلكم بخير ومرتاحين ومستانسين

من فتره وانا ادور حبوب تسد النفس لآن من رديت الدوحه وانا كل شي ابي آكله

وخصوصا مع اليمعات والآهل صايره ماضبط نفسي :eh_s(16):

المهم ،، اول شي فكرت بإبر السكري فرتوزا رحت اخذها من الصيدليه ولا القاها وايد وايد غاليه :<

وبنفس الوقت الصيدلاني انصدم مني لووول قام قالي انتي مينونه رسمي

وقالي خذي زنيكال ،، مارضيت لان مالي خلق لوعه جبد وبنفس الوقت انا ماآكل اشيا

فيها وايد دهون فحسيت انه ماراح تفيدني وايد :/

المهم لقيت هالحبوب في امازون وطلبتهم ،، قلت اجرب شوراي يعني ،،



اخترتهم ع اساس الرفيوز اللي عليهم

اول ماوصلوني خذت حبه وحده

قبل الآكل بنص ساعه

يوم ييت آكل حسيت انه اوبيه جني ماآبي @@ قلت يالله خل آجوف يمكن شغله نفسيه لول

وتميت مب مصدقه!

كلت وماخلصت الصحن " ماشاء الله "

احين صارلي اسبوع تقررييبا او آقل على الحبوب ذي وحدي مستانسه عليهم

اول شي قمت آكل شوي وشي ثاني بعد صرت آختار الآكل الصحي اكثر

مشكلتي الازليه كانت التشوكليت ،، حدي حدي حدي احب التشوكليت ولازم كل يوم آكل ولا احس

انه فيه شي ناقص !

مع هالحبوب صايره آكل حبه وحده باليوم لا وساعات اكل نصها بعد وساعات ابدلها بفاكهه

مثل الجح << الرقي يعني على حسب المزاج بس جد جد صايره ماآكثر عن حبه وحده

وهالشي بالنسبه لي يعتبر انجاااااااززززز

اللي خلاني اكتب هالموضوع موقف صار وياي قبل شوي ع السحور!

جيت باكل فاست فود بس ماقدرت لآن طعم المايونيز لوع جبدييييي وحسيت اوبيه

مابي كل هالزيوت تدش جسمي :eh_s(9)::eh_s(22): ،، قبل حتى لو ع الويت وايتشرز

دايتي اللي كتبت عليه من فتره عادي عندي اكل فاست فود بس بحساب بعد

احين لاء خلاص ماآبي اصلا الحمدلللللللللله رب العالمين ،، شهيتي وااااايد خفت عن قبل

حدي حدي مستانسه

انا اول اسبوعين تميت ع دايتي اللي كنت اسويه قبل بس بعدين قررت ارد له بعد رمضان لآنه حسيت

اني ماآقدر اقعد احسب نقاط ف رمضان ف تميت ع التخفيف

و هالشي خرعني لآني اعرف نفسي ماعرف اخفف يا آسوي دايت ياآخربط

وشكلي بتم ع الحبوب ذي حتى بعد رمضان لما ارد ع الويت واتشرز

وان شاء الله قدرت افيدكم ​

 

[لمسات فتاة]

نصيييحه مو اي حبوب تستخدمين والحبوب الوحيده المعتمده صحيا : الزنيكال فقط

ومااانصح بحبووب ابداا

صدقيني الاضرار ع المدى البعييد ...

فكري فيها لاتخسرين صحتج عشان بس تضعفين

ضعفي بصحه وبعافيه ( خلي لج هدف وبعد التوكل ع الله والدعاء كل شي يسهل ) نصيحة الاكل الصحي والرياضه استمري وبتشوفين لاتحرمين نفسج من شي بس اكلي بالعداال .

طبقي كلا م الرسول عليه السلام بترتاحين وبتضعفين بصحه وسئلي مجرب ..
1- ثلث لطعام
2- ثلث لشراب
3- ثلث للهواء

مطبقتها بصير لي سبوع والله خواتي يقولون باين عليج ضعفتي وبستمر ع هالشي طول حياتي باذن الله ..

موفقه ونصيييحه ابتعدي عن الحبوب ماوراها الا الامراض والتعب

 

[Japanese]

الله يجزيج خير اختي ماقصرتي ، انا ماقلت تجربتي الا لآني وايد قاعده استفيد من البنات بهالمنتدى

ف ماحب سالفه اني استفيد من شي واخليه لنفسي بس

بخصوص الحبوب اللي خذتها بالعكس كل المكونات قريت عنهم ف مايو كلينك ويب سايت وماجفت انهم كاتبين شي مضر عنهم

شاكرتلج مرورج وردج
​

 

[هيبة ملك]

إن شاءالله تنزلين بصحة وعافية

 

[B7rainia]

سؤال شنو يعني اوبيه ههههه

مرتين جفتها في الموضوع ومافهمت

سوري طلعت عن الموضوع بس حدي فضوووولية

 

[modern]

الله يوفقك و تنزلين بصحة و عافية

 

[Japanese]

هيبه ملك الله يسلمج

بحرينيه اوبيه مثل امبيه او ويييه اظن فالبحرين تقولون شي مثل واعزال حااالي :/ جنه جنه وهم كلمات تستخدم للتعبير عن الإستغراب

لووول شرايج اعرف اوضح!!

مودرن الله يسلمج

حياكم الله بنات​

 

[Heaven Light]

والله محتاجتهم .. عرسي بعد 5 شهور ووزني من 3 ارقام مو قادرة على نفسي !!!

عفيه حبوبة فيها مادة سيبوترمين ولا لا ؟؟ لان هالمادة وايد مو زينه عالمخ ..

اذا ما فيها بشتريها ..

 

[مس استي لودر]

يسلوا حبيبتي

 

[حلاتي غير]

ماشالله بس اول مره اسمع عنهم

 

[Japanese]

تعبت لين قلت بس

يتروالي قصدج هاي الماده << Sibutramine

قريت بآمازون انه هالحبوب مافيها هالماده وهاي الكلام اللي مكتوب <<

No Ephedra, no Sibutramine! New & Improved all herbal formula, safe and effective! Made in USA.

اقري عنها ف امازون اكثر عشان تتطمنين ،، فيه بعد حبوب خذتها من الدوحه << صرت حقل تجارب ماعليه :<

المهم خذت حبوب من الدوحه هني بعد وايد تسد النفس ،، يمكن تقولون ليش كل طلبتي الاوليين وبعدين خذتي بعد غيرهم؟

انا من كثر ماكنت مستعيله ابي شي يسد الشهيه

مانطرت الحبوب توصلني من اميركا واشتريت هذولي من الصيدليه

اسمها : Slim efx وشركتهم اسمها natural assets

وهي مكونه من ال Hoodia and Green tea! ومافيها هالماده اللي قلتي عنها

قلت اقولج عن الحبوب الثانيه للإفاده واذا ودج بشي متوفر بالخليج بدال ماتطلبين من امازون

للآمانه انا اخذ من الحبوب الاوليه قبل الفطور والثانيه اخذها قبل ماروح النادي بنص ساعه لآنها تعطي باور يخليني اقدر اركض

مس استي لودر وحلاتي حياكم حبايبي​

 

[ريماR]

انا قبل طحت على حبوب تسد النفس بعدين مع الايام صارت بشرتي تهبلللللللل وشعري صار طويل
وصرت واااااااو فا استغربت ورحت الصيدليه وسالته عن الحبوب هذي جان يقولي
دي هرمونات يابنتي
انصدمت قلت امبيه فيها ادمان
قالي لا يابنتي دي هرمونات تييب سلطان ويعوذبالله
خفت وقطعتها
بس راح اجرب حبوبج

 

[الأميرة جوري]

مشكووووره

 

[Heaven Light]

مشكورة حبيبتي بحثت عن النوع الثاني ما له صيت كلش
انا بطلب النوع الاول وان شا الله ينفعون

 

[Japanese]

ريما اوبيه من قالج عنهم :/ عاد تدرين ذكرتيني بحليب الصويا وايد بنات ومنهم انا احسب انه بينعم بشرتي وبيخلي شكلي انثوي اكثر

وتوني ادري انه ممكن ينشط الخلايا السرطانيه او شي جي

الاميره الجوري حياج الله

تعبت لين قلت بس ،، ايه الثاني بعد انا حاولت اقرا عنه بالنت مالقيت حد كاتب شي ولا يبيعونه بآمازون ولا شي

خذته على مدح الصيدلي وكان وايد غالي بعد بس قلت يالله اجرب

بس حمدالله طلع صج يسد النفس

حياكم الله بنات​