هالخاتم ريلي شرالي اياه ب 5 الاف ... وايد حلو صح

[طيرشلوا]

المهايط تندبل جبد جبدي منة ومن راعيتة

هذى تسمي شفاحة يعنى وحدة مومصدقة عمرها ولاشايفة خير

مثل وحدة شارية جنطة وتستعرض فيها يمين ويسار وقدامها تبي احد يسألها عنها محد سأل
جان تقول تصدقون هذى جنطتى كلفت زوجى 300دينار

ووحدة معاى بالدوام مريت من عندالكرسي وكانت معلقة جنطتها علية ما انتبهت حركت الكرسي وطاحت
عطيتهاوقلت لها ماشفت جنطتج وطيحتها ردت حراااام عليج هذى ب99 وتطيحينها
عاد الله يهديهم المحل لية 99 مخلينها 100 احسن هههه

عموما الله يهنيها ولايغير زوجها عليها ويهديهم لبعض ​

 

[O-flower-O]

رد : هالخاتم ريلي شرالي اياه ب 5 الاف ... وايد حلو صح

الله يهنيهم إذا كان الموضوع صج
لأن في نوعيه من الرجال يحس بالنقص إذا زوجته إطلبت شي وما جابه
:wqedqw:
وإذا قادر ليش مايجيب

وعندي قناعه بأن اللي يلبس علشان الناس يقولون لابس هذي الماركه يكون موشايف خير

:blueSmCLR:

 

[silver cat]

وااااي من صجج شكثر هالاشكال والله لوعو جبدي انا عندي بالدوام وحده مسافره سويسرا وايطاليا من عشر سنين ولي يومج هذا كل ما جبنا طاري السفر تحجت عن سفرتها وتعيد وتزيد نفس الحجي لييين صج لاعت جبدي جنه محد سافر إلا اهي

 

[LuLiTa]

رد: رد : هالخاتم ريلي شرالي اياه ب 5 الاف ... وايد حلو صح

لوووول صااجه ,, على طاري اللكزس عندنا وحده من جماعتنا شرت لكزس ,, و صارت ما تقعد بالبيت ,, و سوت ايميل + نك بالبلوتوث +نك بالـ بي بي >>راعية اللكزس ,, و ما تصور الا و اهي راكبه السيارة ,,, و تعالي شوفي الطنازة عليها لووول

 

[فنكيه]

كل عيال الفقر اذا يتهم النعمه فجئه يسوون جذي ههههه

 

[حـنـيـن 83]

رد : هالخاتم ريلي شرالي اياه ب 5 الاف ... وايد حلو صح

لووول الله لا يبلانا
ما اذكر مرت علي هالاشكال
بس كسرت خاطري راعيه الجاكور هههههه

 

[زهره الريف]

المشكلة وحده اعرفها تهايط جنطتي بربري و كريستيان وغيرة من الماركات __ فجأة دخلت بيتها يفشللللللللل ووصخ واثاثها من الضجيج مع احترامي لهل المكان اول رتبي بيتج ونظفيه بعدين تتبعي الموضه اللي مو لايق عليها والله هههه :lololoe:

 

[!الجادل الصعب!]

رد : هالخاتم ريلي شرالي اياه ب 5 الاف ... وايد حلو صح

مآعندي بمجتمعي الي تحب تهآيط .. بس بالدواآم معآنا وحده كل مآتكلموآ البنآت عن ديره تقول يوم كنت بآمريكآ ويوم كنت بآلمآنيآ .. وهالشي شريته يوم كنت بآمريكآ .. ومآيحتاآج اشتري ملآبس الشتآ من سوق الكويت المعفن .. جنآطي مسكره مليآنه ملآبس من آمريكآ ..!
المشكله وين ..!
مٍاسافرت هالديرتين الا علآج مع وآحد من عيآلها تعبآن يكآفينآ الشر ..واخر سفره من 3 سنين ..!
شر البليه مآ يضحك ..! تكسر خآطري مآدري ليش ..!:flower:

 

[hooryah q8]

رد : هالخاتم ريلي شرالي اياه ب 5 الاف ... وايد حلو صح

هالاوادم مريضه الله يعينهم على نفسهم

عيل سمععوا هالسالفه وحده اعرفها ماتروح مجمعات وايد وتشتري من محلاتهم ومره تبي تتشيحط علينا جان اتقول ذاك اليوم طلعت مع اهلي وشريتلي جوتي من بدي شوب !!!
واحنا عيونا جذي @@؟؟؟؟

:dddds: ماتترقع السالفه جوتي من بدي شوب

 

[عقارية]

رد : هالخاتم ريلي شرالي اياه ب 5 الاف ... وايد حلو صح

الله يعين بس

 

[ELFAD3Ah]

رد : هالخاتم ريلي شرالي اياه ب 5 الاف ... وايد حلو صح

وحده من رفيجاتي توها متزوجه يايتني بجنطه lv جان تقولها وحده من رفيجاتنا حلوه جنطتج جان تقولها اي توني شاريتها من الصالحيه طبعا انا ادري ان اهي مو ماركه لان مبين من اللون ومن داخل ولا جرانتي ولا عمات عين ونظام كل ماتشوفنا لبسنا ماركه يت قالت لنا عندي نفسه

 

[sharshora80]

رد : هالخاتم ريلي شرالي اياه ب 5 الاف ... وايد حلو صح

نفس ما قالت الاخت اذا الوحده اسكتت قلنا نحيسه وخايفخ من العين واذا قالت بجم ونمو شاريلها قلنا مو شايفه خير ومشفوحه

 

[ام شووووق]

رد : هالخاتم ريلي شرالي اياه ب 5 الاف ... وايد حلو صح

والله انا استانس واقول ريلي شرالي بس بدون تفاصيل السعر ولاكاش

:wqedqw: وبنعمه ربك فحدث

 

[قمر وربي امر]

انا اقول ماجايفه خييييييييييييييييييير مسكينه


لانه الي جايفه خير ماتوفشر ريلي شرالي وعطاني وسوالي عسى ماشر


عندي 2 من خوات ريلي يلوعون الجبد نفس الشي عاد انا ناطره وحده جي تسوي جدامي عشان افشلهاا

عدل

 

[وردة-الكويت]

ياكثر الي مرو علي من هلحريم بس يونسون لاني اضحك عليهم من قلب ههههههههههههههههههه

 

[وردة-الكويت]

ام زوجي سابقا شاريه ساعه من الفراوله بو دينار ونص وكل شوي تقول ترا هذي مااااااااااارييييييييييييكه


ماريكه ههههههههههههههههههههههههههههههههههههههههههههههههههههههههههههههه

الحين خواتي وبنات اختي كل شوي يقولون نفسها ماريكه مو ماركه ونموت من ضحك هههههههههههههههههههه

 

[سلطة]

عجبتني يالله نروح بالجاكوار

 

[زمزم 2010]

رد : هالخاتم ريلي شرالي اياه ب 5 الاف ... وايد حلو صح

هههههههههههههههههه

الله يقطع ابليسكم ..... صج صج ابداع والله ضحكت ووسعت صدري بهالمواقف

بنظري اللي تكشخ واحد اسالها تجاوب عادي مافيها هياط الناس سألوها ....بس المشكله باللي تعطيج التفاصيل وتوريج اغراضها وهي محد سألها هذي هي اللي تهايط


اذكر موقف

وحدة من جماعتنا اذا لابسة ساعه مهما كانت قيمنها ...... المهم ... قبل تدخل الصالة او الغرفة ايدها اللي فيها الساعة تدخل قبلها يعني شوفوها >>> وانا مدري

وكل شوي رافعه كمها ... وكل شوي اشوف الساعة

الله لا يبلانا
ناس مريضة

 

[جـــواهر]

رد : هالخاتم ريلي شرالي اياه ب 5 الاف ... وايد حلو صح

يااااكثرهم بالدواااام :bbbiu:

 

[noo7a]

لوووول
اعرف وحده جذي نظامها
الله يعينها على نفسها
هالناس مريضه
احسها بس تتكلم و تبالغ عشان تخفي الواقع