هالموضوع شامل عن اختبارات القدرات الاكاديمية

[ya al3rosa]

بسم الله الرحمن الرحيم
والسلام عليكم ورحمة الله وبركاته ..

شلونكم يا طالبات !!!***

موضوعي اليوم عن " القدرات " حديث الطلبة !! وكل اللويه الي مسويها ان شاء الله بتنحل ،. وبإذن الله تتضح الصوره ^^ وما ابي منكم الإ الدعاء
​

يشمل الموضوع :

1) ماهو القدرات ؟ أوقاته ؟ وأهميته ؟
2) ماهو المعدل المكافئ ؟
3) الكليات المتطلبة معدل مكافئ .
4) المعدل المكافئ المطلوب للكليات + طريقة الحسبه .***
5) الكليات الغير متطلبة معدل مكافئ + الحد الادنى لاجتياز مقررات التمهيدي .
6) نصائح للنجاح في اختبار القدرات
7) كلمة أخيره .


أنا بطلت هالموضوع لاني أدري شكثر طلبه/ طالبات ضايعين ومو عارفين شنو القدرات ! وليش نحتاجه ؟ وأنا كنت وحده منهم

وايــد سمعت يقولون مو مهم ! تقدر تطوفه وتآخذ تمهيدي ! ومن هالحجي الي يتداولونه طلاب الثانويه :/ بس هالحجي كله بيتضح إن شاء الله .***


••• نيي ل ( ماهو اختبار القدرات !! ) ؟؟

إهو إختبار بدأت تطبقه جامعة الكويت في عام 1996/1997***بغرض تحسين مدخلات الجامعة ( الي اهم الطلبه الملتحقين )
طبعاً إهم ثلاث اختبارات ( انقلش - رياضيات -كيمياء )***


•••أوقات الاختبارات وعدد المحاولات ***:

تكون دايماً بيوم عطله الي إهو (السبت )

خلال السنه الوحده لك ثلاث محاولات
الاولى شهر 12
وشهر 4
والاخيره شهر 6 بعد امتحانات نهاية السنه

ب الصف 11 لج3 محاولات مثل ما قلنا !! وبالصف 12 ايضاً لك 3 محاولات ، مجملاً لك 6 محاولات

وانصح بشده انكم تستغلونها كلهاا***
ومو دايماً الاختبار ينزل النسبة أحيانا يثبتها او يرفعها ؛)

••• ليش سوه !! أو أهدافه :***

نقاط ذاكرين منها ***
* تتيح للطلبة التعرف على مستواهم الأكاديمي
* الحد من تسرب الطلبه للجامعه

خلونا من هالأمور كلها XD الي ما تهمنا ؛p


أدري إنه أغلب الطلبه مو عارفيين اذا مهم او لأ واذا يحتاجونه !! فيه لدخول كلية أحلامهم !!
بكل بساطه أقوووووولكم

((((((((((((( مهــــــــــم )))))))))))

وماعليكم من حجي الي يقول مو مهم وإنك تقدر تآخذ تمهيدي !!!

بقولكم ليش !!

لأن سالفة التمهيدي ما تنطبق على كل الكليات + إنه اختبارات القدرات تدخل مع المعدل المكافئ ( لبعض الكليات وراح أذكرهم إن شاء الله )

​

••• طيب شنو المعدل المكافئ !!​

إهو نسبتك بالثانوية العامه + نتائج القدرات

القدرات أهميته كأهمية الثانويه بالضبط !!

{{{أوحده من رفيجاتي نسبتها فوق 90 ( ماشاء الله ) وما خذت إختبار القدرات لان عبالها مو مهم !! وإهي طموحها هندسه ***بس للأسف ما إنقبلت *** لان الهندسه من الكليات الي تتطلب معدل مكافئ يعني لازم إختبار القدرات !! وإهي ما خذته فعتبروا إنها ماخذه صفر فيه !!! ووووو شكثر ناااس مثلهااا ***}}}

​

••• الكليات المتطلبة معدل مكافئ !***​

مركز العلوم الطبيه
كلية الهندسه والبترول
كلية العلوم الإداريه
كلية البنات الجامعيه

(( الإختبار بهالكليات الي ذكرتهم يستخدم كأداة قبول ))
بالعامي : الإختبار أول خطوه للقبول في الكلية . وبدون الاختبار ماكو كلية !! وماكو تمهيدي !!

***

••• المعدل المكافئ المطلوب للكليات :***​

أولاً : مركز العلوم الطبيه***
35٪ نتائج الاختبارات مقسمه كالتالي :
15٪ ***من درجه اختبار الانقلش
10٪ من درجه اختبار الرياضيات
10٪ من درجه اختبار الكيمياء***
65٪ معدل الثانوية العامة
مع العلم ان مركز العلوم الطبيه مافيه تمهيدي
للقدرات ،، اي ان النجاح بالاختبارات شرط من شروط القبول ***

ثانياً : كلية الطب المساعد :
***30٪ نتائج الاختبارات مقسمه كالتالي :
15٪ من درجه الانقلش
7.5٪ درجة الرياضيات
7.5٪ درجة اختبار الكيمياء
70٪ معدل الثانوية

ثالثاً: كلية الهندسه + البنات + العلوم الإداريه***
30٪ نتائج الاختبارات مقسمه كالتالي :
15٪ درجه الانقلش
15٪ درجه الرياضيات
70٪ معدل الثانويه العامه

(( هالكليات الثلاث ما تحتاج إختبار كيمياء

​

 

[ya al3rosa]

••• انيي للكليات الي إختبار القدرات فيها يعد تحديد للمستوى وما يؤثر على القبول :

كلية العلوم
كلية التربية ( علمي وأدبي )
كلية الشريعه
كلية العلوم الإجتماعية
كلية الآداب
كلية الحقوق

(( هالكليات اهي الي فيها تمهيدي ))

بمعنى إذا ما نجحتى بالإختبار تآخذ تمهيدي وهالشي ما يمنع إنك تدخل الكلية الي تبي .

***عشان أكون أدق

طالب بيدخل كلية الحقوق ونسبته تسمح
( والحقوق تحتاج اختبار قدرات انقلش ) اذا :

1/ خذا الاختبار بس ما نجح !! او ماخذا الاختبار بالمره !!***
عااادي ^^ ،، يقدر يدخل الكلية ( الحقوق ) بس ياخذ تمهيدي انقلش،، لأن مثل ماقلت هالإختبار بحالة هالكلية مجرد تحديد مستوى ( يعني يحتاج تمهيدي ولا لأ ) وما يأثر ع القبول ^^

2/ خذا الاختبار ونجح !!
خير وبركه ^^ ما ياخذ تمهيدي ويبلش كلاسات عاديه ^^***

واخلي قياس باجي الكليات عليكم ***

​

••• الحد الأدنى في إختبار القدرات لإجتياز مقررات التمهيدي :​

اختبار اللغه الانجليزيه 60٪
اختبار الرياضيات 50٪
اختبار الكيمياء 50٪***

​

 

[ya al3rosa]

••• نصائح للنجاح بإختبار القدرات ...​

كثير يسؤلون عن طريقة النجاح بالإختبار***
ومن خلال تحريااتي >< XD

لقيت حلول وإن شاء الله بتستيفيدون منها :
***
أولاً : الدعاء الدعاء
***
وهالنصيحه أوجهها لنفسي أولاً ثم لكم ..***
الغريب ان دايماً ننسى هالجانب !! على إن نعرف أهميته ( >< talking 2 my self )***
والتوفيق من الله بالأول والتالي

***
فأوصيكم في الدعاء عسى ربي يوفقنا أجمعين ،، قولوا لأمكم / أبوكم يدعون لكم فدعوة الوالدين مستجابه بعد ***

***
***
ثانياً : بذل الأسباب***

طبعاً خلاص بعد ما عرفتوا أهمية اختبار القدرات !! مافي عذر إنك ما تجتهد وتبذل كل الي بإيدك عشان تتغلب على هالعقبه

***

يييب مدرسين ، روح للدورات ملوت الجامعه ، يمع الكتب القديمه وأدرس منهم ... >> هذا بذل الأسباب !!***
***
والأهم أدرس للقدرات كأنك تدرس لإختبارات الثانوية***

وهذولا بعض الارشادات في دراسة القدرات لبعض الأعضاء سواءاً من هالمنتدى أو غيره أو من ناس إنصحوني شخصياً ويزاهم الله خير على نصحهم

***

الإنقلش ...***

مالك الإ كتاب الدوره وحسب الي انقال ان 99٪ من voc وgrammar ما تطلع منه !!
حاول تقرا كتب بالانقلش أكثر ..
اذا عندك أحد بالجامعه خل اييب لك كتاب التمهيدي لأن يمدحونه ،،***
حل مذكرة القدرات وحط يمك مؤقت لي 60 دقيقة ،، ونم جانب السرعه عندك ..***

الرياضيات

***

يمدحون الدوره وايــــــــد عند د. بدر الشمري ،، و وفاء أمين ،،، و سامر السحار .. والمذكره بدون دوره ما تنفع ...

الكيمياء :***

همن يمدحون الدوره و98٪ من الأسئلة ما تطلع من كتاب الدوره ،، بس للأسف ماحصلت أسماء دكاتره

إذا عندك كتب 10 و 11 و 12 عال العال

إدرس منهم الأشياء المطلوبه***
*** ياريت الي عنده تقسيمة محتوى الكيمياء ما يبخل علينا

بالنسبة للي ذكرته فوق |^| هاذا كله من تجارب غيري وأنا للأمانه ما جربتها من قبل

***

ثالثا : التفاؤل

والتوتر

***

بإختصار ( تفائلوا بالخير تجدوه ) بكل أمور الحياة التفاؤل حلو فإتبعوا هالسياسه ^*

التوتر X إبتعدوا عنه وهاذا من نصيحه شخصيه لأني وايد أتوتر حتى لو دارسه عدل ***أتوتر وأنسى المعلومات

إبتكر طرق تبعد التوتر عنك ***

رابعاً : حب الخير لغيرك***

قال رسول الله صلى الله عليه وسلم : (لاَ يُؤْمِنُ أَحَدُكُمْ بِاللَّهِ حَتَّى يُحِبَّ لأَخِيهِ مَا يُحِبُّ لِنَفْسِهِ)
ليش نلاحظ إن الناس صايره تخش الخير والزين ( مو الكل طبعاً ) !!! إذا ديننا حثنا ع فعل الخير !!! إخواني وأخواتي عمر فعلك للخير حق غيرك بنقص الخير الي عندك !!***
سوا خير بتلاقون الخير بإذن الله***
ليش سوالف أخش عن فلانه أو فلان عشان ما تطلع/ يطلع علي !!!***

Open a new page & do good

***

وهالنظام أنا بإذن الله عزمت أطبقه بحياتي***
الإنسان ماله بهالدنيا الإ الذكر الحسن

خل الناس تذكر شكثر الخير الي فيك ...***
ويزاكم الله خير لا تصيرين من النوع الي ياخذ وما يعطي

وبإذن الله ربي بيوفقكم كلكم

 

[ya al3rosa]

و راح اتحصلون كل الي تبونة اهني : http://cmtd.kuniv.edu.kw/
بس اختارو الاختبارات الاكاديميه .. ومنها اختاري : دليل الطالب لإختبار القدرات .. راح تحصلين في كل شي ..

وفي امتحان تجريبي انجليزي .. حلوة بالنت .. في منه اسأله تتكرر بالامتحان ..

 

[ya al3rosa]

الإمتحان يوم 17/12 إن شاء الله
والتسجيل للإختبار 20/11 إن شاء الله

والدورات أتوقع مدتها ثلاثة أيام و تخلص قبل الإمتحان بيوم
شدووووووووووووو حيلكممممم
​

 

[بنتmbc1]

تسلمين موفقه يارب

بس أنا ضاع علي اول تسجيل ان شاء الله اعوضها بالأمتحانيني اللي باقيين
أنا 12
و افكر أما ادخل علم نفس او فرنسي او آداب أنقلش

ادري ان الأداب الكل يقول عنها صعبة
والفرنسي ما احد قال عنه شي بس من قبل لا ادرسه كانت عندي رفيجتي لبنانية الله يحفظها و يذكرها بالخير اهي اكبر مني و جي قالت الأنقلش اسهل من الفرنسي لان الفرنسي قواعدة واايد صعبه
و نفس الشي علم النفس ابلات اللي عندنا كلهم يقولون لا احد يفكر يدخل علم النفس وايد صعب و بعدين لا احد يفكر يصير ابله
انا ما افكر اصير ابله ابي اتعمق اكثر بعلم النفس و اعرف الشخصيات و جي
بس ماني عارفه وين ولا شلون ولا احد قام يوجهني

ادري قرقرت وااايد

السموووحه


بالتوفيق للجميع ان شاء الله

 

[G!rla q8ya]

يعطيج العافيةة ع الشرح

كفيتي و وفيتي ya al3rosa

يسسلممووو

 

[سآرونه ـه]

شكرا ..
شكرا ..
شكرا ..


استغفراللله
استغفراللله
استغفراللله
استغفراللله
استغفراللله
استغفراللله
استغفراللله
استغفراللله
استغفراللله

 

[ya al3rosa]

G!rla q8ya

هلااااااااا واللة شلوونج شخباارج
شلون الدراسة وياج
فقدج واللة

 

[الإسراء]

يعطييج الف الف الف عافية وما قصرتي .. مجهود رائع وموضوع يستحق التثبيت ..

 

[بنت الهيلا $511]

مشكوووووووووووووووووووووره يا قلبي
جد فدتيني
انا ب 11 وسجلت حق الاختبار تاريخ 17\12
بس نا عطوني مذكرات وبصراحه ابد مو فاضيه للدورات
وكنت محتاره شلون ادرس بس فدتيني
الله يوفقح يا رب ويحققلج الي في بالج
اميييييييييين

 

[ya al3rosa]

بنت الهيلا $511

العفو حياتى دخلى موقع جامعة الكويت وانا حاطتة فوق بتلاقين الاختبارات وكل شى نسخيهم ودرسيهم بالبيت واى شى مو فاهمتة عادى اتروحين عند رئيسة القسم اى قسم رياضيات او كيمياء او انقلش وما راح يقصرون وياج
وشدى حيلج بالامتحان
موفقة

 

[ya al3rosa]

بنتmbc1

حبيبتى عادى انا عندى بنت خالتى داخلة كلية علم نفس ما تقول صعب ولا شى بالعكس مستااانسة اشكثر
ما عليج من احد كل شخص وعلى حسب فهمة بالمادة وقدراتة مو كلنا على نفس الشى
اذ انتى تحبين المادة حيل حيل واتعرفين تدرسينها دخلى تخصصج علم نفس لان بنت خالتى تحب هلمادة وادخلت وماردت على احد
بس ييبى نسبة وشدى حيلج ان شاء اللة وما عليج من احد اهم شى مستقبلج
وموفقة

 

[lojeeen]

ان شاء الله يوم السبت اختبار القدرات يا رب كلنا نجيب فيه درجات عالية

بنات شوفو هل سايت وايد يفيد حق النجليزي فيه تمارين و يصحح الأخطاء حق كل الجرامرز القواعد لأن انا اصعب شي عندي القواعد

http://esl.fis.edu/grammar/index-q.htm

الله يسهل علينا قولو آمين

 

[ya al3rosa]

lojeeen
مشكورة حبيبتى ما قصرتى
يعطيج العافية

 

[Miss.Noone]

مشكوره حبيبتي ماقصرتي

استحمليني شوي لاان اسئلتي شوي غبيه ومادري وين الله قاطنني

لااسمح الله سقطت بالقدرات وبدخل طب او هندسه
يقبلوني ولا لاا

وفيي وايد بنات يقولون اذا سقطتي بالقدرات بتنزل نسبتج واايد ..!!

وموفقه حبوبه*

 

[*banota zo'3a*]

الرياضيات مادري شلون بدرسه لأني ما خذيت دوره ولا يبت مدرس

مادري شبسوي ؟؟؟

 

[ya al3rosa]

Miss.Noone

حبيبتى ما يصير الا تمتحنين واذ سقطتى لا سمح اللة ما يصير تاخذين تمهيدى واذ سقطتى بالقدرات خلاص ما تدخلين هالكليات
بنسبة انها اتنزل نسبتح اذ سقطتى فيها اى اتنزل واذ لا تتثبت ما اتنزلها حاولى كثر ما تقدرين انج تنجحين بالقدرات

 

[ya al3rosa]

*banota zo'3a

حبيبتى دخلى على موقع جامعة الكويت وانا حاطتة سحبى الاوراق منهم ودرسيهم
انا رحت عند رئيسة القسم مالت الرياضيات قالت لى درسى الاحصاء للصف الحادى عشر
ولا تدرسين النهايات للصف 12 ماراح ايي ولا سوال
درسى التحليل والمطلق حق 11
موفقة

 

[ya al3rosa]

وناااااااااااسة الامتحان سهل