هام لكل وحده عندها قرض !!

[iTaLiyA]

السلام عليكم حبيباتي عساكم بخير؟
اول امس وانا بالدوام ولا يدخل علينا موظف يشتغل في بنك من البنوك المهم جان يسأل منو منكم عندها قرض و متوهقه فيه عاد انا الوحيده اللي بالمكتب صغيره اللي معاي حريم كبار عاد وحده منهم قالتله انا عندي عاد شوفوا اشقالها !!
سألها جم قرضج؟ قالتله 25 الف على 12 سنه خلصت منهم 4 سنين و بسبة الفايده للحين ما تسدد منه شي كل هالسنين راح عالفايده !!
جان يقولها انه بنكهم الوحيد بالكويت اللي نسبة الفايده عندهم اقل من البنوك الثانيه فقالتله و شنو الحل؟ قالها حولي راتبج عندنا و راح نجدولج قرضج مره ثانيه و في طريقتين:-
1- القصد يقل مثلا اهي قصدها 280 يصير 220 بس المده المتبقيه نفسها
أو
2- القصد نفسه بس المده تقل
و قالها بعد انه الاقصاد اللي ياخذونها مو كلها تروح للفايده !! جزء للفايده و جزء للقرض نفسه !!
و فوق كل هذا يعطونها الف دينار كااااش لأنها حولت راتبها و قرضها عندهم ...

و أي استفسار انا حاضره والله اني كتبت هالموضوع بس عشان افيدكم
على فكره انا اشتغل بوزاره عشان لا تقولون هذي تشتغل في بنك و بتفيده
احبكم واااااااااااااايد يا احلى بنوتات :*

 

[الكروان]

شكرا شكرا على الفائده .. ان شاء الله البنات يستفيدون

 

[iTaLiyA]

العفو يا قلبي

 

[Hello_kitty]

عرفت اسم البنك لأن بعد بدوامنا مروا علينا وتكلمو بنفس الموضوع

يعطيج العافيه مشكووووووره

 

[baby_sweet]

هذا اي بنك؟؟

 

[laura mercier]

وليش يبي الخساره هالبنك؟؟؟........الظاهر في ان....والله اعلم

 

[iTaLiyA]

baby sweet
هذا بنك برقان
ضبيه ابو ظبي
والله مادري ليش بس اعتقد لأنهم يبون البنوك الكبيره نسبة المساهمين فيها تقل وهذا البنك حاليا قاعدين نشوفهم يقدمون هدايا و عروض مو طبيعيه والله اعلم ..

 

[بنت جنيف]

ماقصرتي ان خطروا بنات المنتدى على بالج حبوبه

 

[malak_alroo7]

مشكوره حبيبتى

 

[iTaLiyA]

العفو حبايب قلبي ما سويت شي

 

[mimi_el3so0ola]

مشكوووووره غلاااتي ع الافاده ^__^ ربي يعطيج على قد نيتج ان شاءالله ،
ماتقصرين حبيبتي والله يعطيج الصحه والعافيه ...

وان شاءالله راح ابلغ ماماتي عن هالخبر ويارب تكون فعلا فيه فايده

يسلموو aGain قلب ^^

& تاااااااااانكيوو ،،

 

[yam_yam]

ممممممممممم خوش خبر للي عندهم قروض

 

[meen_ana]

حبوبه ممكن تعطيني اسم البنك ولا عليج امر

 

[ghalaty]

برقان لاااااااااااااااا والف لا ما انصحكم فيه كلش

 

[dima]

السلام عليكم حبيباتي عساكم بخير؟
اول امس وانا بالدوام ولا يدخل علينا موظف يشتغل في بنك من البنوك المهم جان يسأل منو منكم عندها قرض و متوهقه فيه عاد انا الوحيده اللي بالمكتب صغيره اللي معاي حريم كبار عاد وحده منهم قالتله انا عندي عاد شوفوا اشقالها !!
سألها جم قرضج؟ قالتله 25 الف على 12 سنه خلصت منهم 4 سنين و بسبة الفايده للحين ما تسدد منه شي كل هالسنين راح عالفايده !!
جان يقولها انه بنكهم الوحيد بالكويت اللي نسبة الفايده عندهم اقل من البنوك الثانيه فقالتله و شنو الحل؟ قالها حولي راتبج عندنا و راح نجدولج قرضج مره ثانيه و في طريقتين:-
1- القصد يقل مثلا اهي قصدها 280 يصير 220 بس المده المتبقيه نفسها
أو
2- القصد نفسه بس المده تقل
و قالها بعد انه الاقصاد اللي ياخذونها مو كلها تروح للفايده !! جزء للفايده و جزء للقرض نفسه !!
و فوق كل هذا يعطونها الف دينار كااااش لأنها حولت راتبها و قرضها عندهم ...

و أي استفسار انا حاضره والله اني كتبت هالموضوع بس عشان افيدكم
على فكره انا اشتغل بوزاره عشان لا تقولون هذي تشتغل في بنك و بتفيده
احبكم واااااااااااااايد يا احلى بنوتات :*

7beeebtiii ana ashtgheeel fe bank !

hatha ashkara ga3d yesaweqlahaaaa 3aleh target o yabe 3umala !

ga9 3alaiha ibhal s'hola !!!!!

 

[شيهانه]

اختي انتي قاعده تنشرين الربا !!!!!!


هذي بنوك ربويه والفايده ربا وكل وحده شجعتيها تاخذ قرض ربوي ثاني ما تخافين تأخذين اثمها ؟؟؟

الله يفكنا من شر القروض

 

[دانة-الكويت]

ماادري احس بالموضوع فيه لبس
لان كل البنوك ادور الفايده

 

[iTaLiyA]

اختي انتي قاعده تنشرين الربا !!!!!!


هذي بنوك ربويه والفايده ربا وكل وحده شجعتيها تاخذ قرض ربوي ثاني ما تخافين تأخذين اثمها ؟؟؟

الله يفكنا من شر القروض

حبيبتي انا ما شجعت احد ياخذ قرض اقري كلامي عدل قبل لا تقولين كلام ماله داعي و تطعنيني بنشر الربا عيب عليج هالحجي !!
ثانيا انتي وين حاطه معاشج مو ببنك؟ ولا حاطته بصندوق خشب؟؟
لو سمحتي قبل لا تحذفين فهمي عدل بعدين تحجي ...
استغفر الله العظيم كل واحده صارت واعظه و تفتي بكيفها !!!
انا قلت اللي اصلا ماخذه قرض و مبتلشه فيه تجدوله وحبيت اساعد مو انشر الربا !!
والله بلشه خير تعمل شر تلقا:eh_s(14):

 

[iTaLiyA]

ماادري احس بالموضوع فيه لبس
لان كل البنوك ادور الفايده

في فايده بس على كلامه اقل !!

 

[iTaLiyA]

7beeebtiii ana ashtgheeel fe bank !

hatha ashkara ga3d yesaweqlahaaaa 3aleh target o yabe 3umala !

ga9 3alaiha ibhal s'hola !!!!!

والله يا قلبي ما ادري عنه انتوا اللي بالبنوك تعرفون حق بعض و انا نقلت اللي قاله اهو حق زميلتي
شاكره لج مرورج و توضيح المعلومه و راح اترجم كلامج للي ماله خلق يقرا انجلش بعد اذنج طبعا

حبيبتي انا اشتغل في بنك هذا اشكره قاعد يسوق لها عليه تارجت و يبي عملاء قص عليها بهالسهوله