هدايا التين ايجر

[rudy]

بنتي عمرها 13 سنه احتار لما تنعزم عند صديقاتها بالهدية الى اتقدمها مليت من بدي شوب وهداياه.
بليز الي عندها افكار عن الهدايا لسن المراهقات اتفضل اتنورنا يالله شنو عندكم​

 

[brownness]

انا لما كنت ابهالعمر احب الدبب واحب اييبولي من بيت الهدايا هالبراويز الي مكتوب فيها اشياء

عندج اكسسوارات جناط من مانغو وزارا حلوين واسعارهم حلوة امممم مادري شنو بعد الحين الناس مايعجبهم العجب

 

[supermarket]

هدوم بلايز لفات راقية

يعني اشياء تستفيد منها

 

[الاسطورية]

يموتون على سوالف كليرز
ودي في ديات

ودبب وسوالف الغرف التحق الغيره مثل اطاارات الصور وهالسوالف بلاند مارك

ملابس طبعا

جناط

 

[bambena]

آي بود

من اكسسورايز جناط او اكسسوارات

ساعه سواتش او غيس

 

[.]

عطر..

اكسسورات....

ساعه..

جنطه..

تحف..

كتب اذا اهي تحب القراءه..+بلوزه ولا كيكه..

تطالع شنو هوايه رفيجتها وتيب لها..

 

[كويتية أصيلة]

عفيه خل نتكلم بصراحه بنات هالوقت يحبون الدببه والبراويز؟؟؟

انا عن نفسي يوم كنت بهالعمر طفااارتي لما اييبولي دببه ولا قطاوه ولا شي من هالقبيل يعني حدي تصك فيني ام الدنيا .. والبراويز الحين قمت استانس لما اييبونها لي لما صار عندي بيت

هالعمر يحبون الاشياء الغريبه .. ويحبون الساعات اللي بسنهم والاكسسوارات والاحزمه وجذيه سوالف ..

وصراحه ما ادري اذا في ناس مثلي ولا لا من يوم كنت بهالعمر وليلحين صرت ام بيت وانا غرامي البجامات احب البجامات اللي تصير قطعتين بنطرون وقميصه ولا شورت وقميصه او فنيلته

لا وبذاك العمر كنا هابين بالبجامات اللي تصير قطعه وحده يتسكر بسحاب بالنص ولا ازره صوب الجتف مثل ملوت البيبيات

شفيني اندمجت؟؟؟ قالو حق رفيجات بنتها مو حقج لما كنتي صغيره <<<<<<<<

هههههههههههههههه

 

[rudy]

مشكورين على الردود بس مثل ما قلتو الميول تتغير او الي يحبونه غير عن الي كنا نحبه الحين كل شي عندهم ما يفرحون بالهدية

 

[al7reyaa]

السلام عليكم
اتوقع مانجو ...........زارا...............جيس..............فيهم ساعات ونظارات وجناط وجزم وسلاسل واسعارهم زينه
سنتربوينت...اباجورات .زساعه حق غرفة رفيجتها .... براويز وخرابيط


والله ماعندي بنات ولا اعرف هالسن لاني ما عشت طفوله كلللللش

 

[دوللي]

كليرز سنتر بوينت زار مانغو كل هالمحلات عندهم شغلات حلوه وتصلح لسنهم من اكسسوارات وحزم وجناط وبلايز الحين كل شي متوفر وما في احد يحتار

 

[ضحكة الدنيا]

مثل ما قالوا البنات كليرز وسنتر بوينت فيهم شغلات تهبل حق هالعمر بس خل بنتج تشوف شنو ميول صديقتها ​

 

[الضاميه]

والله بنات هالايام مايبون الا اشرطة الاغاني وصور المطربين وبس


الله يهدي الجميع

 

[بنت الحزن]

الله يخليها لج
بس اهم يموتون علي الكليرز

 

[Pink GirL]

انا عندي اختي بسن المراهقة 14 سنه

تموت على سوالف كليرز وخرابيطه
تحب الحزم الماركات
تحب البراويز الملونه اللي عند سنتر بوينت
غرامها تراجي وسلاسل
وهم بيجامات
عندج بعد توب شوب يونس حق هالعمر كله خرابيط
وفيه بعد ماركت باينبل اللي بدبنهامز عندهم سوالف تونس حق البنات