هدايا المسابقات

[الغاليه]

مرحبا بنات


بسوي مسابقات حق اخواني وخواتي وريايهم واحنا طالعين البر اونسهم وابي اشتري هدايا حق الرياييل المره اللي فاتت شريتلهم عطور وبخور شنو اشتري الحريم خلصتهم
ضروري بنات لاطنشوني

 

[نونية]

اذا كانت الجلسة عائلية بحتة
انا افضل هدايا الفرفشة
بشرط تكون التغليفة بلونين
وحدة للرجال زرقا مثلا
ووحدة وردية للنساء
وللنساء:
مواعين -صابون معطر-شامبو-كريم-مشط
مواد غذائية مضحكة-شباصات-اي شي من البيت....
للرجال:
كاسيتات دعوية-ميداليات-تي شيرتات-
نوتة للهاتف- رغوة حلاقة-معطر سيارة......
ان شاء الله تعجبج الافكار..

 

[ضحكة الدنيا]

ذكرتينى كل عيد وطنى اسوى هدايه ومسابقات
بس حق اليهال والحريم
شوفى حبوبه
حق اليهال روحى بو ميه عنده شغلات تونس يحبونها اليهال
وطبى وتخيرى
وحق الحريم اشترى شغلات تضحك يستانسون عليها لانها حق الوناسه
اكثر من انها هديه رسميه
مثل طقم قلاسات او فرش للمكياج او برواز للصور او البوم صور
او جنطة ميك اب او ادوات منكير وبدكير او جل شاور يعنى من هالاشياء
وبالنسبه للرجال ميداليه تى شيرت ولاعه امواس حلاقه
علاقه للسياره
واتمنى انى افدتج
وموفقه حبوبه