هدايا لطالباتي

[عاااااايده]

يعطيكم العافيه وبليز ابي اقدم لطالباتي هدايا في نهايه الحصه ومو عارفه شنو اقدملهم خصوصا انهم ثانوي مو اي شى يصلح لهم مو مثل البتدائي او المتوسط الواحد يقدر يهديهم مذكرات وخرابيط ابو اميه واجد بس الثانوي مصيبه ومحتاره عفيه ساااعدوني ولاخلاولاعدم ياحلي بنات

 

[الهاجريه]

حبيبتي الله يعطيج العافيه
بصراحه اول مره اشوف مدرسه عندنا تفكر بطالباتها
وبالنسبه للهدايا مو مهم السعر والمهم انج تذكرتيهم وما تدرين اشكثر بترفعين من معنوياتهم
ونا اتكلم لاني ام وعندي بناتي توهم بالثنويه

 

[تسبييح]

الله يعطيج العاقية ، بس لما كنا بالثانوية كانت أبلة الرياضيات تجيب لنا كاكاو فليك مال لندن وتصير منافسة منو اللي بتحصل عليه في نهاية الحصة , , , ذكرتبني بأحلى أيام حياتي

 

[دموووع الووورد]

يعطيج العافية حبيبتي وربي يجزيج خير
تدرين البنات دايما يتعدلون ويسنعون اويوهم ويرتبون حجاباتهم
احسن هديه تاخذيلهم مناظر ( منظره مرايا )على قوله اخوانا المصريين في بسرداب الشايع اشكال والوان وعليهم شغلات خرز ومناظر صغيره ورسومات واحجامهم تونس صغار حق الجنطة او غلوسات مثل زبده الكاكاو والفراوله او مقالم زقرتيه او اقلام انتي روحي سرداب الشايع وبتشوفين شغلات واااايد وهذا رايي

 

[Strawberry Shortcake]

تقدرين تهدينهم غلوسات وزبده ككاو مثل ما قالت اختي دمووع الوورد
او اقلام شكلهم يكون حلو وبناتي

 

[غرور وايل]

بصراحة الله يعطيج العاااااااااااافية
انا طالبة بثانوية و لامره بحياتي مرت علي ابله تووزع هدايااااا
بصراحة احسن شي مرايا او ككاوات
ومووووووووووووفقه يارب

 

[II'3anomaII]

احسن هديه بتكون .................
.............
...........
.........
.....
...
.
. درجاااات



اتغشمر

كل افكارهم حلوه

 

[koosho]

يسلمووووووووووووووووووووووووووووووووووو

 

[**(فـيـلا دانـتـيـل)**]

براويز للصور ..

ابله الاقتصاد عطتني واحد
هالحجي قبل 8 سنين يمكن
وكان شي وااايد حلووو

بس عاد من وين مادري!!!

 

[اهواك بلا امل]

حبيبتى مالج الا الككاو احسن شى لانة بنات الثانوية عشتو يتشرطون مو نفس الابتدائى ياحلاتهم يستنانسون على اى شى
بس انا عندى اخت بالثانوية لو ايبلها استكز على سندرلا تستانس ترا سوالف ديزنى لو استكرات سندرلا ميرمند سنوايت هذول القدم يستانسون عليهم والحمدالله كل وحدة تقول انا هذى لووووووول انا قبل كنت حاجزة ميرمند ولحد الحين اقول ميرمند انا لوووووول<<<< والاخت ناقدة

 

[Om Ghalia]

كوكيز أشكال شخصيات الكل يحبها..

 

[caramel]

انا اقول كاكاوات احسن

 

[al-zabarjad]

آنا أأيد فكرة الكاكاو

الصرااحة كفاية إنج ذاكرتهم


وأتذكر ايام الثنوي كان اللي يوزع كاكاو يحمسنا ونحب حصته
ونتشجع نبذل الزين لها

 

[تباريك]

مع احترامي لكل آراء البنات

ما افضل اتيبن لهم مرايات أو قلوووس اخاف بعضهم يستخدمونهم حق الهده واذا وحده اسألتهم قالوا من الأبله الفلانيه لووول

بالنسبه لي مره وزعت حق طالباتي بالنادي وكانت اعمارهم متفاوته بين الصف الثامن والعاشر

شريت لهم ميداليات وتراجي بس مو من بو 100 رحت حق المحلات اللي يسون عروض مثل كليرز شريت ميداليات على
ربع بس كانوا حلوين وتراجي على 300 وحطيتهم بعلب بو 100 وصار شكلهم حلو

واذا تبين هديه فيها أجر واستفاده
اشتري براويز من بو 100 بس تكون نوعيتهم زينه
وطبعي فيهم دعاء أو ذكر أو فائدة
واختاري لون ورق حلو ولون خط حلو
وحطي الورقه داخل البرواز وبجذي يقدرون يحطونه بغرفهم
وبنفس الوقت أي احد يقراه الأجر يكون لج ان شاء الله

اتمنى اكون فدتج بأفكاري

 

[نووونتها]

آنا مع كلام أختي تباريك وأحب أضيف عليها بعد سالفة الدرجات ترى صج إهي اللي تحمس وتونس يعني إذا كنتي مسويه مسابقات وهالسوالف خلي الهديه درجه يعني بونسات وجذي بتلقين الكل متفاعل معاج
الله يعطيج العافيه ياااارب