هدايا يوم المعلم أشرايكممممممممممممممممممممممم بليز شاركوني

[بسكوتا كتكوتا]

السلام بنات


منو فيكم تبي تهدي معلمات عيالها في يوم المعلم


اللي ناويه فيكم
شنو تبون تهدونهم
شنو راح تيبون لهم

انا عندي اسم الله عليهم 3 عيال بالمدارس واذا بهدي معلماتهم ماراح اخلص

فشرايكم بس المدراسات الااساسسين ولا كل المواد علشان ما يزعلون


وشنو اييب اشرايكم
بس ورد كل ومعلم ومعلمه ورده وحده جورية وخلاص + بطاقه

او علبه صغيره فيها نوع من الحلو الفاخر مع ورد وبطاقه

وعندي ولدي اللي بثالثه ابتدائي يدرسونه رياييل
شنو نهديهم
بليييز بنات
ولا اشرايكم
بنات بلييييز اليوم لازم اشتريلهم واخلص ماكو وقت باجر يوم المعلم 5/10/2010

 

[بسكوتا كتكوتا]

اشدعوا


بنات



كلمة ولو جبر خاطر لو سلام من بعيد


ناطرتكم حبيباتي

 

[قمر ضاوي33]

والله انا بييب علبة كاكاو من لاكاشيت مع بطاقة بوزعها على مدرسات اللغة العربية والإنجليزية والتربية الإسلامية والرياضيات

او مثل ما قلتي وردة وبطاقة بس

 

[أحبك ياأغلى بلد]

أنا طلبت ريوق من مطعم راقي فقط لكل أبلة موجودة في جدول ابنتي الدراسي مع وردة قرنقل لكل وحدة مكتوب عليها شكرا معلمتي..وعزمت معاهم الرسبشن والناظرة فقط !!
يستاهلون بصراحة مدرسة المستقبل خلوا بنتي تحب الدراسة وماتغيب أبد

 

[كويتية منسية]

صباح الخير

والله حوستنا حوسة امس علشان الورد عندي اسم الله عليهم أربع بنات
وحدة أولى روضة اشترت 3 وردات
ووحدة بثالثة ابتدائي هم 3 وردات
ووحدة برابعة ابتدائي بعد 3 وردات
ووحدة بسادس وهم 3 وردات

رحنا جم محل زهور الورد مخلص عندهم
ولما لقينا محل فيه زهور كان المحل زحمة
وغصب خلصنا طلبنا ورجعنا البيت الساعة 9 مساءا

 

[مبايلي كويتي]

ويييي انا طول امس وانا احووووووووووس في السوق رحت محل الورد ولا ما ألاقي السلات الصقار الذربات وبس لقيت الوايد اصغار


المهم


جان اروح اييب هدايا وحلو وايد مرتبه ويبت

6 علب للبنت في الاول الابتدائي

و6 ثانيين لثالثه الابتدائي

2 للي في الروضه

بس ياني تعبت تعب

 

[اطياب طيبه.أم عبدالله]

حطيت لهم حق كل ابله كرت فيه اهداء وبس