هدبة للأم والخالة بمناسبة رمضان !شنو؟؟

[Teta]

السلام عليكم
شلونكم يا حلوين
أنا متعودة كل بداية رمضان أهدي أمي هدية وخالتي هدية بمناسبة الشهر الفضيل مرة أهديتهم سيادة مع ثوب على اسمهم ومرة خذيتلي من هيل وزعفران طاسات مشكلين بس هالسنة قاعدة أفكر أبي شي مميز قلت مالي إلا بنات المنتدى يساعدوني شرايكمممممم؟
شي يصلح حق مرة كبيرة (مو وايد كبيرة ) وشي تحتاجه وتستانس عليه غير العطووور والبخوور ودهن العود ؟؟؟؟
تجاربكم مع أمهاتكم وخالاتكم شنو الهدية اللي استانسوا وكيفوااا عليها ؟؟

 

[زهور الجمان]

انا شريت لهم خاتم ذهب

 

[Saroona86]

اذا تحب المواعين اشتري طقم ناعم :eh_s(22):
او مطارات حلوه:eh_s(15):
او عبااااية وشيلة :eh_s(10):
او بخور شيوخ من العربية للعطور عجيب وشكلة حلو:eh_s(9):
قطعة خامة او دراعة
اختاري حبيبتي:eh_s(15):
ميرسي

 

[Teta]

يزاكم الله خير خواتي
الباجي ما يعطون هدايا ولا شنو ؟؟؟هههههه

 

[أم الحلوة جمان]

والله شووفي ...
عندج ممكن تشترين لهم :
-دراعة كشخة لاستقبال رمضان
-ثوب صلاة و سيادة و مصحف
-قطع خاام كشخة تفصلهم على ذوقها
-اطقم عطور عود و بخور
-طقم فضة ( اذا الذهب غالي) تكشخ فيه برمضان.
طقم جنطة و جوتي
-طقم مواعين
- طقم مطاطير
- طقم استكانات و فناجين قهوة
- او ممكن الهدية اللي احلى من هالاشياء .. تحجزين لهم للعمرة في رمضان معاج ..

 

[pink-rose]

بالنسبه لي انا متعوده كل سنه اهدي خالتى دراعه لرمضان -------و للحين صار لي سنتين علي هالعاده ------اهي بصراحه تستانس من هديتي والاقيها من ثاني يوم كاشخه فيها

 

[mrmr mrmora]

طقم مطاطير صواني تقديم فناجين وإستكانات
دراعه حق الأستقبال

 

[Teta]

مشكورين على الردود يا حلوين بس آنه أبي فنتق خالتي عندها دراريع وعطور وأطقم وذهب وكل شي ما شاء الله أبي شي فنتق

 

[ام يوسف الكويتية]

عزيزتي شرايج تشترين لهم هيل و قهوة عربية ممتازه وزعفران وماي ورد وماي لقاح ولا تنسين التمر الاصلي وتحطينهم في سلة وتقدمينها .. اتمنى انها تعجبج الفكرة ..وتقدرين تزيدين عليهم شغلات ثانية تشوفينها مناسبة لهم .......

 

[ام مضاوي]

ام يوسف الكويتيه فكرتج حلوه

بس من وين اخذ هالسوالف هذي بنوعيه ممتازه؟؟ وخصوصا القهوه العربيه والتمر
ولازم نغلفهم بشكل راقي

 

[ام يوسف الكويتية]

عزيزتي ام مضاوي .. القهوة العربية تقدرين تاخذينها من بن العميد او الرفاعي وتقولين لهم يضبطونها لج عدل ..والتمر بتلاقينا في محلات التمر بشويخ اخذي اجود نوع . وتقدرين تحطينهم بزبيل مثل مال اول ومافي داعي تغلفينهم لان في نوعية تكون لها غطا ....

 

[الفنانه79]

ماادري شدني الموضوع لان الصراحه يهمني واااااااااااااااااايد
وانا بعد جذي احب افنتق كل سنه المهم ان صارلي 4 اسنين متزوجه وهذي الخامسه
اول سنه كنت عروس (وديت حق خالتي دهن عود وبخور ورشوش وغيره مع افلوس ) لاني ماكنت اعرف شنو اتحب
السنه الثانيه وديت لها طقم مبخر من امل الكويت مع سجاده وثوب وايهبلووووون
السنه الثالثه وديتلها الاساسيات حق ارمضان جريش وهريش واشياااااء وايد من المعرض وحطيتهم بصندوووق كبييييير عندي امبيت صار شكله حلو وكل شي تستفادت منه
السنه الرابعه شريتلها طقم مطارات واستكانات وفناجين قهوه وصواني وكنت رايحه رامز وخذيتلها دولكات اتينن حق العصاير اتهبببببببل
بس هالسنه ابي شي غييييييير ومميز وفكره(ام يوسف الكويتيه اعجبيتني)
بس مايمنع نسمع من البنات

 

[رفرف]

انا بعد عجبتني فكرة ام يوسف لأني والله احترت لي يبت لها دراعة او شي ينلبس حتى لو ذهب ماشوفها تلبسه يمكن ذوقي ما يعجبها فأبي شي تستهلكه ما تلبسه

وبالنسبة للأشياء اللي وديتها خل اقولكم يمكن تستفيدون ..
طقم فضة
قلب ذهب
خاتم ذهب
صندوق فيه مصحف وأشرطة ختمة وكتيبات أدعية
صندوق فيه دهن عود وبخور ومبخر
جنطة
دراعة كشخة
دراريع عادية من الامارات
شيلات ..
ثوب وسيادة طقم

وفكرت اييبلها طقم استكانات وفناجين قهوة ومطارات تذكرون اللي هبو فيهم السدو كانو وايد حلوين بس ما حصلتلها الطقم كامل الحين نزلو الشماغ بس ما عجبني وايد بس هم يمكن اخذه لها كامل اهوه مو كشخة بس حلو حق استخدام كل يوم ...

 

[ورده النرجــس]

والله خوووش فكره

اناا دايما اشتري مواعين ومطاطير

واختي ام مضاوي اذا تبين القهوه وهالسوالف انا اخذها من مطحنه الصباح اللي بالفحيحيل واااااايد حلو وزين شغله

 

[*سكون*]

انا شريت لهم طقم استكانات وفناجين وبكمل اشتري لهم الصينيه والمطاطير

والله يبلغنا رمضان واياكم

 

[حنون المزيون]

بنات بغيت أضيف على فكره أم يوسف لأني كنت مسويتها لأمي قبل سنتين .. شفتوا اللي كان يبيع بيوم البحار هذيله السلال اللي فيها كلاكيش لونه ولونها مذهب أو فضي ,,
خذيت وحده متوسطه وحطيت فيها ماي لقاح وشراب البيذان القديم تذكرونه وعلبه زعفران وقمر الدين مال قبل وكل شيء قديم ورهش وحلوى بس ما حطيت قهوه ( على فكره أكو قهوه عربيه سريعة التحضير يايبها خالي لنا من الرياض وبعلبه ومرتبه يمكن تلاقونها بالشويخ عند الحويس مال التمر ) وبما أن موسم التمر قرب بتحطين لج جم عثق رطب عقب تلفين المدوره ما اعرف شنو يسونها بورق سلوفان وتحطين عليه شكل هلال ونجمه تلاقينهم عند ملوت الكلف ... وتخلين ينزل منها شرايط إما ذهبي أو فضي على حسب لون الصحن المدور الكبير عندج ..
نطري معرض نادي الفتاة وتلاقين هالمحل يشارك معاهم .. وروحي المطحنه اللي بالمباركيه على الشارع صوب الصرافين عندها كل شيء قديم وحلو بعد

* بغيت أسأل من وين حصلتوا المصلى اللي عليه اسم مع السيده بلييز أبي لأمي وخالتي هالسنه

وعساكم تصومونه وكل سنه تعودونه

 

[الفنانه79]

عندي لكم فكره حلوه

اشرايكم نتفق على اشياء حلوه وغريبه كلنا وانوديها حق امهاتنا وخالاتنا؟؟؟؟
انا بقول اول شي (طقم سجادة صلاة مع ثوبها وجنطتها ونكتب عليها من بره اسم الام او الخاله (ام افلان الفلاني بالشوارفسكي الحلو))
انسوي سله حلوه من الطراز القديم واتحطين في الغراش الصغااااااااااااار فيهم ماي لقاح وماي زعفران وماي الهيل وماي الزعتر وماي المرميه علشان يقدمونه مع الجاي
وهذي صورة الغرشه

[/url][/IMG]

اذا تبين حلو اكويتي قديم انا كنت يايبته السنه اللي طافت بيوم القرقيعان بس مايمنع حق ارمضان (محل بوفتين) اللي بالديره يسويلج طبق قديم كبير فيه كل الحلو الكويتي القديم اصغاااار (درابيل حلوى خدود البنات زلابيا وووو الخ) واااايد حلو

يالله عاد قلت اللي عندي عطوني اللي عندكم

 

[حنون المزيون]

الفنانه فكرتج وايد حلوه بس وين محل بوفتين صاير؟
وتعرفين مشغل يسوي المصلى ويا السياده بالشوارفسكي

 

[زيـنـه]

شوفي هالموضوع

http://www.q8yat.net/showthread.php?t=10278

 

[الفنانه79]

مون 14

حبيبتي محل بوفتين مقابل البلوكات اللي في الديره ماعندي رقمه