هدية اول حفيدة

[GAP]

السلام عليكم




بنات ودي اسوي شي سبشل حق بنت اخوي لانها بتكون اول حفيدة وراح تكون على اسم امي الله يرحمها


فمكانتها اكيد بتكون غير



ودي اسويلها شي ماصار ولا استوى ابي فكرة حلوووه وتظل مده طويله شي يتعلق او مجسم ما ادري شنو اسوي ابي افكاركم


يعطيكم العافيه مقدما

 

[القرآن ربيع قلبي]

الله يجزاج خير ونعم العمة والله
ان شاء الله البنات يفيدونج

 

[كويتيه توب]

السلام عليكم ..
حبيبتي قريت موضوعج والله يرحم الوالده ومثواها الجنه .. حبيت اشارك بفكره بسيطه ان شاء الله تعجبج ..
اول شي في سله ينحط فيها الطفل مصنوعه من السعف تلاقينها بفاشن واي بالسالميه روعه وسويلج مجسم على طير ابيض رافع جناحاته وعلقيه من فوق عالسله ويصير شكله كأنه بيطير بالبيبي .. والله شفت هالمنظر بس للأسف ماعندي صوره له ..
وتقبلــــــــــــي مروري حبيبتي ..

 

[شيهانه]

سويلها كرسي على اسمها او سرير ..

 

[SILVER ROSE]

روحي الفارس سويلها قلب وترجية على اسمها ذهب مطعم بالماس ويبقى طول العمر والله يخليها لكم

 

[GAP]

مشكورين حبايبي




شهيانه من وين يسوون هالكرسي







سلفر روز والله خوش فكره بس ما تدرين شكثر يطولون وعلى جم اسعارهم ؟؟؟؟

 

[GAP]

كويتيه توووب مشكوره حبيبتي على الفكره بس اخاف اسويها وما تقعد على الكرسي ودي شي عملي اكثر


يعطيج العافيه

 

[Al Atwan]

عندي لج فكره ماكو الا تسوين نفس ما انا سويت لاول حفيد بعد
احنا سوينا استقبال فصورت البيبي وسويت رزنامه بالشهر اللي انولد فيه وياليوم حطيت علامة وسويتها بالفوتوشوب
وبعدين حطيت الصوره علي علبه صغيره وسويت عليها طريقة الديكوباج وبطيقة التعتيق
كل من اعطيه العلبه واللي ما شافوا البيبي قاعدين يطالعون العلبه واستانسوا عليه وظلت ذكري

 

[أم بدير]

انشالله توصل بالسلامه وتفرحون فيها والله يخليها لكم
تقدرين تسوين صندوق خشب تحطين فيه هدية للبنوته وتحفرين عليه اسمها وتاريخ ميلادها واهداء اذا تحبين
تحتفظ بالصندوق طول عمرها انشالله وتراويه عيالها انشالله واحفادها

 

[GAP]

مشكورين حبايبي على افكاركم

 

[.]

الله يرحم الوالده يارب..

فكرتي مثل فكرة روز يبولها طقم ذهب ع اسمها مو شرط من الفارس اي محل ذهب تتعاملون معاه وماتوقع يطول ..

والله يحفظ النون يارب ..

والله يرزقج الذريه الصالحه يارب..

 

[q8sweeta]

سويلها البوم صورعدليه وزينه ورتبيه وحطي اماكن لصور الايكو والسونار اذا بامكانج انتي تاخذينهم تحطينهم زين على زين اذا لا بس حطي اماكن فاضيه لهم ومرت اخوج تحطهم وبداية الالبوم حطي قلبه ذهب بسيطه او بروش ذهب حق البنت تلبسه حتى لو كبرتطبعا بتكون هديتها سواء على حرف اسمها او على اسمها او الماسه صغيرونه .. وممكن تشترين بروز وتزيننه ويصير طقم ويا البوم حق البيبيات ..هذي احلى هديه وبدوم طول العمر ويالبنت
انا سويت حق ولد اخوي سنه 2001 ايام محل اللي في مرينا مادري المحل موجود او لا الحين bear factoryدبدوب معاه شهادة ميلاد بنفس يوم ميلاده يعني عمر الدبدوب وولد اخوي نفس العمر ونفس الشي
وتتربى بعزكم انشالله

 

[GAP]

مشكوووره حبيبتي على الفكرة الروعة


وحسافه المحل بير فاكتوري صكر ==========> شاريه حق نفسي منهم دبدوب يهبل