هدية رمضان

[شربات]

مراحب على الجميع

موضوعي الله يسلمكم

شنو بتعطين خالتج أم سي السيد حق رمضان هذي السنة

رمضان عالأبواب خلونا نساعد بعض نبي فناتق لان بيني وبينكم


عندي ناس ما يعجبها العجب ولا الصيام في رجب

اترككم في رعاية الله وحفظه

 

[الشهد كله]

ماكو شغل كل ما صارت مناسبة فيها هدية ؟؟؟؟؟؟؟؟؟؟؟؟

والله دخنا وفلسنا من الهدايا ياليتج محمودة ولا مذكورة بالخير :flower::flower:

آنا عطيتها لما فيه الكفاية ما شفت شي يشجع أو يستاهل عشان أهديها على طول العمر ،

عندها ولدها يهديها أو إذا تبي شي تطلبه عادي إييب لها اللي بخاطرها :jbdwjbd::jbdwjbd::jbdwjbd:​

 

[شربات]

رد : هدية رمضان

ايه والله يا الشهد كله

على قولتج نفلس ونتعب وهم لا محمودة ولامذكورة إلا " مدقورة"

يالله يمكن أحد من البنات يرد

 

[أم كادي]

انا متعوده دايما هدايا رمضان وهدايا العيد بالنسبة حق ماما وخالتي اسويلهم افطار صائم واحط الوصل مع عطر او مرشات وكتيبات اتمنى اكون فدتكم ماكو احسن من هالهديه ماكو دقرات من بعدها ان شاء الله

 

[Alia]

ليش مايسوون يوم الجنه العالمي ويعطونا هدايا فيه ههههههههههههههههه من صجي ترى مرت الولد كل تهدي لازم يوم احد يهديها شي سنع

امي دايما اهديها شي ادري فيها محتاجته او تبيه وخالتي نفس الطريقة ماحب اشتري شي يقعد مكانه وماله معنى عطور مايحبون يحبون الطيب والبخور مواعين غريبة وذربه

 

[شربات]

رد : هدية رمضان

والله فكرتج حلوة يا أم كادي ، بس هل راح تتقبل

صاجة يا alia الجنة بس تطحن بعمرها ويليت يبين بعينهم

 

[omali_store83]

انا دايما احب اهديها شي مو موجود عندها او شي محتاجته

مرات عبايه .. عطر .. شيله .. جنطه ماركة حلوة .. سوالف جذي ​

 

[iron women]

حبيبتي انا اللي ناطرة هديتي خالتي بترد من السفر قبل رمضان بيوم لووووووووول

 

[ملكة الهدوؤوؤوء]

هههههههه تعليقات روعه

 

[أط أط]

أفصلها دراعة حق العيد ..

وبالعيد أعطيها عيدية ..

وأمي نفس الشي ..

 

[Tosta M7mSha]

مادري قاعده افكر شنو اهديهم
شكلي بييب طقم استكانات ومطارات حلوه حق خالتي ..المشكله عندي خالتي ام ريلي ويدته مادري شييبلها ممنوع اييب شي حق خالتي وانسى امها هههههه لازم اليده قبلهم كلهم بعد ههه يالله تستاهل والله ..الله يعيني بحوووس

 

[جلاديلياس]

انا شريت طقم استكانات ومطارتين حق امي الحبيبه شكوووو اييب حق خالتي عشان اتوزعه ههههههههه

 

[شربات]

رد : هدية رمضان

تهقون عادي بس أودي طقم مطارات لأن شفت طقم حلوين في فياصل

شرايكم

 

[أبله كويتيه]

والله مادري هذا اوول رمضان مع خالتي

مادري اهديها ولا لا

افكر بالموضوع لووول

 

[Alia]

رد: رد : هدية رمضان

تهقون عادي بس أودي طقم مطارات لأن شفت طقم حلوين في فياصل

شرايكم

طبعا عادي

المهم قدرتيها حبيبتي من طيب اصلج:eh_s(17): ولاتنسين الوالدة الله يطوول بعمرها

 

[_Pure_]

انا جهزتلها طاوله فبيتها كلها حلويات رمضان لانها كانت مسافره و رجعت ليلة رمضان و وايد استانست لاني ريحتها
بس الله يرحمها ماتت هذا قبل سنتين

 

[بندوله مصدعه]

حلوه حركة افطار صاااااااااااائم

 

[شربات]

رد : هدية رمضان

طبعاً alia أمي راس المال ، بس الخالة اللي تحارين شنو تعطينها لا وفوق هذا تتحلطم ولا يعجبها

بالنهاية الواحد يسوي بأصله واللي وصانا عليه الرسول صلى الله عليه وسلم " تهادوا تحابوا "

 

[اشتياق]

بنات اول مره اسمع يهادون برمضان؟؟

 

[الجفول&]

رد : هدية رمضان

اي بلى يهادون..تهادو تحابو
وبما اني جنه جديده فريش فمحتاره شهدي اعجبتني حركة افطار صايم وطقم المواعين