هدية رمضان

[كيكة88]

السلام عليكم
كل عام وانتو بخير

بنات شنو افكاركم هالسنة ان شاءالله حق (هدية رمضان ) بالنسبة حق امج او خالتج ام زوجج يالله عطونا افكار حلوةويديدة وفنتق
​

يالله خل نسمع :ggdw:

 

[^دنياك_دنيااي^]

هلااااااااااااااا والله:eh_s(17):
يسعدني انا اول وحده ارد:ggdw:
امممممممممممم كلهم حق امي وخالتي والله حاطه في بالي مواعين يعني طقم مطاطير بس مومن الكويت شغل عدل مدل:rerrerek:

ونشوف ونستفيد

 

[قهوه فرنسيه88]

اب اب

 

[اسواريه]

عوووود وخلطة وخامه حلوووه

 

[ترف السعوديه]

دراريع وشراشف صلاة وكل عام وانتم بخير

 

[زوجة عزيز]

مبارك عليكم الشهر مقدما وللاسف ماعندي احد اهديه شي

 

[Alia]

دراعه حلوة او مواعين هالسوالف يستفيدون منها ويذكرونج فيها

 

[Tejan]

امي شريتلها دراعه ثقيله لاستقبال رمضان
و ابوي شريتله بخور و مبخر و عود من انفاسك دخون

بس خالتي و عمي ما افكر اهديهم شي هالسنة
هديتهم رمضان اللي فات و ما حصلت الا تعليقات باااااايخة
نوعهم ما يحبون كثرت العطايا و الهدايا يحسونها مهايط و رفالة !!!!!!!!!!!!!!!

 

[iLLuMinaTion]

حبيباتي

انا عندي صندوق المصحف

كل سنه يطلبونه بشكل مو طبيعي مني

 

[حبيبي مالكني]

انا بشتري ذهب حق امي وخالتي
اما ابوي ما يحب الهدايا كلش ويزعل اذا شريناله شي يقول مابي غير سلامتكم و دعائكم لي
اما عمي افكر اشتريله مسباح

 

[اميره1980]

اول مره ادري ان لازم هدية حق رمضان

 

[غارقة بأحزانها]

شرايكم بنات بهالفكرة ؟
في وحدة تسوي ثوب صلاة مع تلبيس المصحف مع
السيادة وجنطة الثوب كلهم نفس اللون وتطرز عليه
الاسم / حلو جذي كهدية لخالتي او لا؟

 

[غارقة بأحزانها]

شرايكم بنات بهالفكرة ؟
في وحدة تسوي ثوب صلاة مع تلبيس المصحف مع
السيادة وجنطة الثوب كلهم نفس اللون وتطرز عليه
الاسم / حلو جذي كهدية لخالتي او لا؟

 

[vanilla-D]

خوش فكره غارقه باحزانها وين هذي يمكن اطلب منها

انا كنت بطلب من ايمو فافا اثوابها حلوه و سعرها حلووو بس دقيت قالولي خالصين للاسف

 

[ابتسمامه]

يمكن مواعين يستانسون عليها

 

[انا لحبيبي .]

وانتي بالف خير

احلى هديه بحس ملابس صلاه مع مصحف

 

[قلبي ماركه]

مشكووووووره صاحبة الموضوع على الموضوع المميز ..


أول شي أبيكم تدعون لأمي جزاكم الله خير هي مريضه هاليومين يحليها ماخذه جرعه زياده من الدوا وتعبت علينا ..

يارب أشفيها وأشفي مرضى المسلمين.



أنا عن نفسي أفكر آخذ لأمي خلاط لأنها تشتكي من الخلاط ما عاجبها وألم من اخواني مبلغ عشان ناخذ لها ذهب.

أما زوجي ما عرف محتاره بصراحه ممكن مصحف مع عطر ماركه.

وعمتي باخذ لها صحن حلويات من المحمصه مشكل .

وأخواني وخواتي بعطيهم مثل كل سنه أدعيه كتيبات مع مبلغ بسيط لكل شخص .

وتعرفت على أسره بفلسطين بغزه في خان يونس حالهم صعب أحب أودي لهم عن طريق الصرافه أي شي والي يبي يساعد

برسل له رقمهم البنكي فميزان حسناتكم .



وكل عام وأنتم بخير اللهم بارك لنا في شعبان وبلغنا رمضان.. ​

 

[غارقة بأحزانها]

خوش فكره غارقه باحزانها وين هذي يمكن اطلب منها

انا كنت بطلب من ايمو فافا اثوابها حلوه و سعرها حلووو بس دقيت قالولي خالصين للاسف

تسلمين حبيبتي
رقم المرة عند اختي إنشاء الله بس اخذه ادز لج
عالخاص

 

[كيكة88]

وناسة حلوة افكاركم بعد نبي 

 

[engnera]

شرايكم بهل مواعين يبعونهم جبال الاميري بيت سدره