هدية رمضان

[*مطبخ الذواقة*]

كل عام وانتم بخير ...

قبل لاتشترون الهدايا شوفي خالتج او امج شنو تحب بالعاده ....

انا الوالدة الله يعطيها الصحة "تعشق المطبخ " فبصراحة ناويه على اطقم كااااملة شغل تراثي مع صواني تقديم ذربة ...ومباخر حق الاستقبال ...

وخالتي ولانها ما تعرف وين مطبخ بيتهم صاير ههههههههههه

بهديها بخور ودهن عود


يعني لو بعطي خالتي مواعين ماراح تزهى الهديه بعينها ... بس العطور ودهن العود اكييييييييييييد بتعجبها خصوصا انها تحب ذوقي





مشكورة يا صاحبة الموضوع ماقصرتي \





​

 

[boliana_q8]

انا قاعدة افكر اشتري لخالتي عطر من الجزيرة اما امي يمكن أخيك لها دراسة حق القرقيعان

 

[السجينة]

انا توني متزوجة وهذي اول سنة اهديهم فشريت حق امي وخالتي سلة من رامز جنها زبيل وايد حلووة وحطيت داخلها نقصة رمضان
فيمتو وتمر ومسباح وفانوس ومكسرات الرفاعي وقهوة عربية وحلاو مجفف من الرفاعي بعد و ماكنتوش صغير وهيل وماي ورد ومرقدوش ومصحف وجيلي ومهلبية وكريم كراميل وشوربه وعطر
وغلفتها وحطيت بطاقة معايدة بالشهر الكريم واليوم بعطي خالتي وباجر بعطي امي

 

[انا هيفا انا]

مواعين

 

[انجبر قلبي]

والله مو مصاخه اهدي امي حبيبتي الغاليه هدية لرمضان شفيها ؟؟ مو شي اجباري تعطين بس هذي فرصه حلوة اللي من زمان ما هدت امها شي تعطيها اللي مزعله امها اللي مقصره بحق امها والله الام لو ابسط شي اتييبين لها تستانس عيل مصاخه تعطين امج هدية !!!!
الله يخليلنا امهاتنا و يداتنا يستاهلون اكثر من جذي واقل من حقهم بعد

 

[++صدفة++]

آنا أمي متوفية
بس خالتي أم ريلي خذيت لها بخور من العربية و باخذ لها مصحف معطر كشخة
و حق يدات ريلي شريت فوانيس كبيرة من ايكيا بحط فيهم ميني درابيل وحلوى و قمردين وهالسوالف