هديـــه للتخرج

[strawberry_q8]

قوه خواتي محتاجه رايكم بشغله حفلة تخرج رفيجتي من الجامعه بعد اسبوع وبصراحه محتاره مادري شنو اشتري لها هديه أتمنى انكم تساعدوني بأفكاركم يافنانات ابيها هديه حلوه وذربه وماتكلف وايد أتمنى تردون علي بأسرع وقت وشاكره لكم

 

[strawberry_q8]

مشاركة: هديـــه للتخرج

شدعوه 8 الي دشوا ولا وحده عطتني اقتراحات والله ماهقيتها منكم ياكويتيات عالعموم خيبتوا ظني

 

[فراشه1]

مشاركة: هديـــه للتخرج

هلا حبيبتي اشتريلها طقم جيفنشي وايد حلو يتكون من عطر +جل شاور +كريم جسم

 

[حبيبة أهلها]

مشاركة: هديـــه للتخرج

هلا اختي صديقتك وتعرفيها اشتري لها الشئ اللي تحبة

مثلا باقة ورد راقية
عطر
ميدالية اكتبي عليها عبارة ومعها قلم مكتوب علية بعد
اكسوار ناعم
حلا من anoosh اشكالة حلوة وسعرة مناسب مب غالي

 

[sunlight-q8]

مشاركة: هديـــه للتخرج

السلام عليكم خواتي
انا اقترح تشترين لها عقد صغير او تراجي من شواروفسكي عنده تشكيله حلوة وراقيه ومناسبه كهديه والاسعار مناسبه

 

[أميرة]

مشاركة: هديـــه للتخرج

وانا بعد اختي بتتخرج وماادري شسوي شنو اعطيهااااااا


بليز افيدوني الحفلة بااجر وعندي امتحانيين ياللا يمديني

 

[إشراق]

مشاركة: هديـــه للتخرج

يوم تخرجها أرسلي باقة ورد
وبعدين في حفلة تخرجها عطيها تراجي(أقراط)
الحين هابين بالتراجي الطوال وايد حلوين

اشرايك

 

[جارة القمر]

مشاركة: هديـــه للتخرج

مثلا ساعة جينفر لوبيز عند أون تايم بالمهلب والكوت وجمعية الروضة

شفته اليوم جلد أبيض واسود ب49 دينار


أو مثلا عطر حلو

مثلا نيكولاس ردريغوزر


صج غالي ب30 بس رووووعه

وألحين فياصل وبيضون عندهم خصومات

 

[@@عيوني@@]

مشاركة: هديـــه للتخرج

أنا أفضل في مثل هالمناسبات شراء شي يبقى تذكار وتكتبين لها عليه كلمة حلوة بالإضافة إلى ورد أو كاكاو لأن العطر بيخلص ويروح بس إذا شريتي شي يكون مثل تحفه عندها تذكر فيه ان يوم تخرجها اهديتيها ومادري شوفو البنات

 

[Shestylet]

شكراً لكي اختي الكريمه على هذا المشاركة