هديه تذكاريه بنات تكفووون تكفووووون شنو اشتري

[softlady]

بناااااااااااات اشلوووووونكم

تكفووووووووون تكفووووووووووون تكفووووووووون
شغلوا مخكم:eh_s(6):
عصروا افكاركم:eh_s(6):

ابي هديه تذكاريه حلوه حق رفيجتي
مو قلم وساعه وعطر وما ادري شنو

لا شي تذكاري

يعني مثلا انافكرت مداليه اكتب عليها اسم

بس ما ادري وين يسوونها ؟؟؟


او ممكن شي ثاني بس ما اعرف شنو؟


تكفووووووووون ساعدوني :eh_s(9):​

 

[امونه الفدعه]

انا اقولج شي اشتريلها ذهب يعني انا اقصد خاتم او سلسال عشان يبقى معها الى الابد
والهديه بمعناها مو بقيمتها

 

[كيت كات]

هلا ودي صورتها وصورتج وسويلها مثل درع كبير على كريستال هالهدية عطونياها المستشفى لمن ولدت وحطولي صورة ولدي تهبل وحطيتها بالفترينه مالتي

 

[choclatecho]

انا اقول شيء ديكور تحطة بغرفتها عشان كل ما تشوفه تذكرج


عندي فكرة اشتري طقم فوط سادة قي ناس ما يلبسون الروب مال الحمام اشتري لها فوطة كبيرة مالت الجسم و وحده صغيرة للشعر ووحده اضغر تلقينهم بكل مكان ساده ايكيا سنتر بوينت مجمع منيرة تحت المهم بعدين روحي تعرفين مجمع الوطنية الي بالسالمية سطرة الفتار اول واحد اكو مجمع جبالة مادري شنو اسمة روحي تحت السرداب كله محلات الي يخيطون على البابيس و الهدوم شعارات و هالسوالف عاد انت اختاري الوار الخيط الي يعجبج سوي الدزاين الي تبينه مع الريال على الكمبيوتر و خلي يطبعه على كل الفوط على الطرف

مثلا انا مرة شريت فوط بيج و كتبت بالبنفسجي الاسم على الطرف بس حقي انا و خواتي كل وحده طقمها لون غير وسلاااااااااااااااااامتج

 

[nero]

الذهب سعره مرتفع يعني مهما خصصتله مبلغ ما ايبلج شي يترس العين


عندج المداليات الي يكتبون عليها الاسم بتيفاني وايد حلوين وناعمين

وممكن اذا اهي صغيره .. بجامه مع نعالها تكرمين ودلاغات يعني شغل مرتب كلهم نفس الالون وجذي تتذكرج كل ما لبستهم

ولو متزوجه حلو تاخذين لها شي حق بيتها.. فازه .. منظر.. مطاره سلفر مثلن

 

[ضوى العيون]

اخذي لها قلب ذهب او فضه على اسمها وااسمج