هذا الدكتور بسوي له دعااايه ،،،

[&رعبوووبه&]

مرحبا حبيباتي عسى الله يرزقكم اجمعين انشالله

ويعطيني اخو لبنتي او اخت :33_1185028183:

الله يسلمكم الدكتور اهو ((د.احمـــد الشــاذلي )) بمستشفى السلام الدولي

بصراحه رحت له وانا ياسه إلا من رحمة الله هالدكاتره اذبحونا بس نهب بهالفلوس عالفاضي

ما شفت اي نتيجه ما غير التكيسات زادت والوزن اندبل اللهم ياكافي

المهم بس شرحت لها حالتي اول مره احد يفحصني من تحت واكتشف انه عندي قرحه

اول مره ادري ___ شفتوا اشلون الدكاتره الثانيين كانوا يستغلون وكذابين

يعطوني بهالكلوميد وبس ما احد اكتشف القرحه عندي اصلا حتى ما فكروا يسالوني فيني التهابات او لا

المهم سوا لي الصبغه وايضا كنت اول مره اسمع عنها وطلع عندي انسداد بسيط بالقنوات والحين الحمد لله

الزبده

انه رسم لي كورس علاج وبلش فيه على طول بدون مماطله

واي شي يستشيرني ويحاول ما يكلف علي ماديا

وهذا غير انه اسلوب ومحترم جدا

بقولكم شي بعد سالته عن شغلات محرجه واستشرته

وعلمني بصدر رحب ووجهني وكان صدره وسيع حيل لان كنت مستحيه وقعد يجر مني الكلام واهتم

بموضوعي صج

بصراااحه ما حسيت لدقيقه وحده انه يستغلني لان للحين مادفعت فلس ماله داعي

عكس الباجين الله لا يسامحهم تاجروا فينا

والله يوفق الكل انشالله ويتمم علي واجي ابلغكم اني حاااااااااااامل

 

[فراشة مغرورة]

انا بعد وايد سمعت ان مدحوه
انشالله ربي يسخره لج

 

[@@@ام حمووودي@@@]

الله يتمم عليج يااااااااااااااااااااااااارب

 

[&رعبوووبه&]

مشكووورات حبيبات قلبي
شرفني مرررروركم
ويرزقني وياكم

 

[قمر ضاوي33]

الله يرزقك بالذرية الصالحة

 

[كندوش]

الله لا يخسر تغبج انشالله ويروقج الذريه الصالحه

 

[Emanova]

الله يرزقج و يرزقنا معاج ... و لا يضيع تعبج يا رب

 

[دمثة]

احمد الشاذلي انا كنت اراجع عنده بحمالي اول مرة ........ ولما تأخرت بالحمل راجعته بعد وووايد وووايد ممتاز عبقري فظيع

 

[فرحه عمر]

الله يرزقج و يرزقني و يرزق الجميع ان شاء الله

 

[نسايم دبى]

الله يرزقج يارب

 

[غنوة ستايل]

انا الحين لي معاه شهرين
وان شاء الله خير
واااااايد ارتاح له .. و ما احب كلش اني اغير و المهم انه يكلمج .. و يفتح معاج مواضيع . ويعطي من قلبه

 

[الفنانه79]

الله يرزقج الذرية الصالحه

 

[ام حمد انشالله]

انا عاد جربت هالدكتور صج اسلوبه حلو وياخذ ويعطي معاج بس بالولاده ومصعني تمصع وولادته مو شي وانا دايما اولد فتح بطن بهدلني وغصب الا يولدني طبيعي وانا وبنتي تعبنا و دخلونا الدفايه ونقلولي دم وااااي الله يسامحه من بعد ولادته والبهدله الي شفتها تصدقون ما عدت حملت كلش صارلي 3 سنين ابي احمل مو قادره وسنتين ونص علالالالالاج وهم ما كو فاااايده

 

[زيزو]

عاد انا ماارتحت له راجعت عنده مره كنت حامل وكشيت منه

 

[زنوبة الحلوة]

اي واللة الدكاترة تاجرو فينا

يعطيج الف عافية انشالله

 

[صديقه]

انا راجعت عنده واااايد ممتاز ومحد عرف ان فيني تكيس غيره واسلوبه حلو يخليج ما تخافين وتحاتين

 

[ni3ssani]

كم الاستشارة عنده

ومتى يكون موجود

مشكورة اختي

 

[moorjan]

عيل انا سوا فيني مقلب رحتله على اساس عوار حايشني اسفل البطن قاللي بسوييلج سونار وعقب ما سوالي جان يقوولي معاج تكيسات انا اشصار فيني انقزت عيوني شلوون تكيسات سبحان الله دورتي منتظمة وما اعاني من اعراض التكيسات ما ادري على اي اساس قاللي جذيه يوم شافني مخترعه قالي اول مرة تسمعين انه فيج تكيسات ؟؟ قلتله اي دكتور انا قبل شهرين مسويه السونار الدقيق وطلع عندي نورمال مافيني شي جان يقولي شوفي عشان ترتاحن اكثر اخذي التحاليل سويها وردي علي عقب عشان اشوف النتيجة ... المهم رحت المختبر ولا يقولي هالتحاليل تطلع عليج 85 دينار .. خذيتهم وقلت خل ارروح اسويهم عند الحكومه احسن ... ويوم دخلت على الدكتورة نوال الشارخ وقلتلها اللي صار جان تقولي مع الأسف امبين دكتورج مادي ولا انتي مو محتاجه الا حق هالثلاث تحاليل اما الباجي اللي كاتب عنهم مالهم علاقة بالتكيسات ... وطلبت مني اسوي سونار تاسع يوم الدورة ... المهم سويت كل شي وتابعتني الدكتورة يزاها الله خييير وطلع بالنهايه لا فيني تكيسات ولا شي بفضل الله .. ما سوت على الخرعه الله يسامحة