هذا رجيمي هالله هالله والباقي يعلم الله

[Miss sensitive]

مرحبااااااااااا يا حلوين
تبون تضعفون
شوفو رجيمي .. تعب شوي مو وايد بس

ماحدش ياخدها بالسااااااااااااااااااااهل



وبقولكم انا شلون ضعفت قبل من 70 هذا كان آخر يوم يالحمال يعني يوم الولاده لين 52 بعد 6 أشهر
والسبب يبيله شوي صراحه
بس

عند العيايز كل شي جايز
ههههههههههههههه






رجيمي كان مريح لان ماضغطت على نفسي ولا حرمت روحي من كل شي
كنت أستعمل الزبدة وزيت الزيتون في كل شي بس بالمعقول يعني الزبده سلايس خفيف حيل

الريوق
حليب الصبح مع بيضه بأنواعها أو توست و لبنه


الغدا
اما سلطه مع زيت وملح أو شوربه أو خضار مفيوحه هم مع زبدة وملح وفلفل أسود يم يم

عاد الطبق الاساسي كل يوم شي:

عرايس نص خبزه متينه طبعا
أوصدور دياي مشوي أتبله على كيفي وقبل لا آكله أحط عليه زبدة
أو 2 هامبورجر مع كاتشب بدون صمون
اسوي صواني بالفرن أتبلهم وأكلهم مع نص خبزه خفيفه
تونه مع ليمون وزيت طبعااا هاهاها
بالزواره أحطلي عيش في باديه وأفقص أفقص فيها لين اترسها مع مرق أو دقوس
بعد .. اي مشاوي

حاربت جليييييز :0bee2e8d89:


العشا
سلطه طبعا خضار بدون خيار مع زيت وملح وجبن أبيض مرات أستغى وآكل خضره مفيوحه مع زبده وملح وفلفل اسود أو شوربه خضرا أو دياي أو قوطي روب قليل الدسم

ولازم كسره كاكاو كل يوم
هع هع هع هع

ملاحظه:
كنت أوازن بين الوجبات
يعني لازم ما أزيد عن نص خبزه باليوم أو أعادلها بالعيش أو التوست ......( واحد منهم باليوم بس )
السلطه شي أساسي مقدارين ياليوم وابدلها ب شوربه الخضرا أو الخضار المفيوحه أو شرايح مع الريوق
الحليب لازم يوميا إذا ما شربته الصبح أشربه بالعشا
آكل برتغاله أو كيوييه أو ثنتينهم باليوم

عاد كل وحده تحاسب نفسها

-----------



المنطقه الصعبه كانت
أمشي ساعه كل يوم بره السكا لا ممشا ولا بطيخ
شريط سندي كروفرد بعد الولادة أسويه أول الايام 10 دقايق مع الوقت صارت 45 دقيقه (هذا لان الشريط فيه مراحل أذا أتقنتي الاولى تروحين الثانيه ثم الثالثه

اراده = رجيم
رجيم = ضعف
ضعف = رشاقه
رشاقه = ونااااااااااااسه
وناسه = جلييييييز
جليز = بمتن مره ثانيه
إهئ إهئ إهئ


يالله اللي تقدر تطبق تقول
ثاااااااااااااانكس ​

 

[عود ومسك]

مشكوره حبيبتي عالرجيم وعسى الله يثبتج ويثبتنا وياج
رجيمج حلو بس انا احسه بالنسبه لي تخفيف هههههههههه لأن انا طماعه مابي كيلو بالاسبوع ابي اقل شي 3 كيلو
ادعيلي عسى الله يسهل علي و اوصل للوزن اللي ابيه

 

[Miss sensitive]

مسوكه
تدرين الضعف السريع يملل
ويعفس النفسيه
وعقبها
بلع بلع ومتن
يعني ماكو فايده
ضعفي شوي شوي
ما تمتنين شوي شوي
ككككككككككك​

 

[Miss sensitive]

يعني محد عاجبه رجيمي
إهئ إهئ إهئ
:krkrkr:​

 

[مس باتشي]

يعطيج العافيه حبيبتي

 

[Miss sensitive]

حبيبتي إنتي والله
انكسر خاطري
:botetoo:​

 

[Miss sensitive]

upppppppp

 

[dnyay_mll]

رد : هذا رجيمي هالله هالله والباقي يعلم الله

حلـو نظامج وايـد عجبنـي

ويتحكم بالمعده ويصغرها

ان شاءالله بأقرب وقـت اسـويه

 

[modern]

رد : هذا رجيمي هالله هالله والباقي يعلم الله

يعطيج العافية و ماشالله عليكي و الحمدلله عالسلامة

 

[كويتيه احب الكشخه]

حلو نظامج وعليج بالعافيه

 

[فجر_الكويت]

رد : هذا رجيمي هالله هالله والباقي يعلم الله

يعطيج العافيه يارب

 

[Miss sensitive]

الله يعااافيكم
وحيااكم

 

[ناتشوو]

رد : هذا رجيمي هالله هالله والباقي يعلم الله

ماشاء الله عليج من محبي الرياضة
وانا بعد اشجع على التخفيف من الاكل مو الحرمان

 

[كيكه توفي]

مشكوره بس ممكن اعرف جم طولج اذا ممكن اذا مو ممكن عادي :eh_s(22):

 

[Mona Lisa]

رد : هذا رجيمي هالله هالله والباقي يعلم الله

يعطيج العافيه حلو نظامج بس تخفيف مو رجيم قاسي

 

[أحلى عيون]

رد : هذا رجيمي هالله هالله والباقي يعلم الله

مشكووووره علي الرجيم


ينقل الي قسم الانظمه الغذائيه

 

[مكاييل]

حلو رجيمك ويبيله روقان صراحة وارادة

 

[شيخه***البنات]

رجيمج واايد حلوو بالعكس اصلاً ماعتبره رجيم تخفيف وما إيووع كلش ..

بس اللي بفهمه انتي هالرجيم سويتيه وانتي حامل و لا لما ولدتي ؟؟ ..

يعطيج العافيه و ان شاء الله توصلين للوزن اللي تبينه يارب ..

 

[Miss sensitive]

شكراا شيخه

سوري توني ارد اصلا نسيت الموضوع لانه من زمان

والله يا شيخه ماكنت حامل والبرنامج تميت يه سنين وصار روتين حياتي لانه فيه كل شي ابيه ولا ايوعني
وبين فتره وفتره اكل شي بخاطري من اللي يحبه قلبج بس باعتدال

بس الحين مخبصه شوي

 

[nadoooy]

مشكورة حبيبتي انا تقريبا نفس طريقتج او بالليل ازيد اشوي 2 توست اسمر ويا جبن بس مشكلتي فيني الغدة الدرقية وماالتزم بالرياضة يعني اطلع اتمشى بالاسوقة وجذي بس مو رياضة مشي وقاطعت الميزان عشان لا اتاثر نفسيا ان مانزل وزني واقوم اخربط