هذا مدح والا إهــانة؟؟ علموني تكفون

[*مطبخ الذواقة*]

يسعد مساكم ومسا ديرتنا الغالية


اول شي أقسم برب السماوات السبع اني صادقة بكل حرف

ولا لي نية دعاية من الموضوع

بس انتو اصحاب خبرة اكثر مني

يمكن تفسرون احسن مني لما اعرض الموضوع عليكم

لأني فعلا احس بغصة ولا قادرة استوعب عدل


اليوم اتصلت علي وحدة من الاخوات وطلبت تجرب شغلنا

ورغم اني كنت ملتزمة ببوفيه عشا وحفل استقبال العصر بس ما حبيت اردها وربي

قلت اكسب زبونة حتى لو اضغط على نفسي

وصليه الساعة ثلاث .. من عيوني حبيبتي

ليش النص دينار شيليه . انشالله ياقلبي

ابي بس درزن ميني ..طرشت لها 20 حبة

ابي بس درزن كب كيك .. طرشت لها 12 نكهة

وبالأخير . بعد 4 ساعات من وصول الطلب لها ..

توصلني المسج هذي منها

تدرون شلون .. باوريكم اللي طرشته اول

مع اني وربي يشهد كنت مضغوطة وكاتبة حجز مسبق بس ما رديتها .. وهم حسيت اني كان ممكن اطلع الطلب أحلى .. مالت على قلبي :eh_s(2):



شوفو الحين مسجها

قعدت 435 دقيقة افكر هذا مدح والا ذم ؟؟؟ أتصلت عليها لقيت جهازها مغلق !!!

أسألكم بالله هذا مدح والا ذم واهانة؟؟؟


عيل لو طالبة بوفيه ومجربته مني أتوقع تبلغ التجارة!!!



ياليت ... أتمنى .. بس تييب لي المطعم اللي شافته عنده ...

وأعيد وأكرر قسما بعزة الله هالموضوع صج بكل حرف فيه ولا هو دعاية

انتو شرايكم؟؟

 

[اسماء العتيبي]

رد : هذا مدح والا إهــانة؟؟ علموني تكفون

ياعمري عمرك

الله لايخسرك ولايضيع تعبك

ماعليش يالغاليه .. لكل ناجح محاربون واعداء

اذا هو مدح جزاها الله خير
اذا ذم الله يسامحها .. والرزق من الله مو بيدها ..

وماشاء الله تبارك الله شغلك يفتح النفس ومبين انه شغل بيت ..​

 

[الحوراء]

السلام عليكم
يعطيج العافية حبيبتي
وماشاءالله عليج تبارك الرحمن على شغل ايدج والله يعطيج الصحة والعافية
وماعليج من اي كلمة تنقال وخليج دوم واثقة من نفسج ومن شغلج ولاتهتمين لاراء مثل هالنوعية من الناس
ولاتظايقين نفسج بالعكس لازم تفتخرين يكفي كلمتها لمن قالتلج ان شغل مطاعم وهذا يدل على انه ماشاءالله اكلج فوق الروعة ويكفي شغل ايدج ونظيف..والله يرزقج دوووووووووووووم يارب

 

[Watch GirL]

اقول لج شي اختي ام يوسف؟

انا ولا مره تعاملت معاج بس والله حافظه رقمج عندي و ناويه اطلب منج

لأني جد انبهرت بالـ Menu مالتج

و لقيت عندج شغلات ما اعتقد ناس وايد حتى يعرفونها

لا تضايقين نفسج .. يمكن لأن شغلج وايد حلو ع بالها من المطعم ​

 

[AL Far7an]

لا تضايقين نفسج يالغالية

الكل عارف شغلج و واضح ان رووووعة لنا تعامل قريب باذن الله

بس يالغلا عندي ملاحظة
لو كاتبة موضوعج في قسم ملتقى سيدات الأعمال أفضل لأن تاجراتنا راح يفيدونج اكثر بعد

 

[أم حمودي**MALL**]

انسانه غريبه بصراحه

 

[القبله]

الله يعينكم على هالأشكال

 

[حقـوق]

زين انها قالت جذي .. بالعكس المفروض تفرحين .. ان اكلج بمستوى اكل المطاعم .. زين ماقالت ان الاكل مو حلو ولا بايت .. ومن هالكلام .. لو منج اقول لها تسلمين ياقلبي هذا من ذوقج .. وشهاده اعتز فيها

والله يوفقج ان شاء الله

 

[^_^ حوراء ^_^]

قوليلها عيل المره اليايه طلبي من المطعم

 

[سمسومه]

أول شي شعوري فيج و معاج

بس لا نسيئ الضن فيها مكن قصدها خير بس ماعرفت اتوصل كلامها طوفيها و ساعدتيها أحتسبي فيه الأجر لله و قطيه بحر ما ينساه ربي عنده يالغاليه ...

بس خلي نوايانا صافيه الدنيا ماتسوى و هي عندها رب يحاسبها و إذا كانت جارحتج قولي (( حسبي الله و نعم الوكيل ))

وي يا حبيبتي ياما شفنا من هالتجاره و محد يحس بتعبج إلا الله

 

[~رتوش~]

انا ماشوووف شي يزززعلك يالغااااليه ...هي وقعت من مطعم وبكيفهاااا انتي متاكده من شغلك وواثقه

 

[موريا آدم]

ربي يقدرلك الخير حبيبتي

 

[بيرلا ستور]

واثق الخطوة يمشي ملكا
سواء مدح او ذم تناسي الموضوع وربنا يعلم بتعبج ووقتج
وربي يوفقج دايما

 

[آهات الليل]

ماعليج منها انا اتوقع تذم من كثر ماهوحلو وشكله واااااااااو
تلقينها مومصدقها عبالها مطعم عالعموم منتي واقفه عليهاولا يضيق خلقج

 

[ريانـــــــــــه]

الله يوفقج يا قلبي

 

[ام احمد 85]

لا تزعلين ولا تكدرين خاطرج
في وايد ناس هذه اخلاقهم
وصراحه شكل الكب كيك روعه روعه
وهذه درس لج من هذه النوعيه من الناس مره ثانيه لا تضغطين على نفسج علشان اي وحده لان شافت الكرم منج قامت تتفلسف

 

[moon light styl]

بالتوفيق يا رب

 

[ام عمار]

بالتوفيق يارب

 

[_مزون_]

رد : هذا مدح والا إهــانة؟؟ علموني تكفون

اهيا تشوف مستوى الاكل انة جنة اكل مطعم
فمسوية نفسها صايدة الحركة ... انة اللي انتي يايبتة مو شغلج شغل مطعم
ولاتزعلين نفسج .. هذا دليل انة اللي طرشتية لها حلوو وبمستوى المطاعم

 

[سرقت النوم]

تذم


مو تمدح

و تشكك بمصداقيتج


اتوقع ان شغلج معروف

و ما طلبته الا ماخذه رقمج من وحده مجربته
و انتي تعرفين نفسج عدل

ليش تتضايقين
اهي قالت هالشي لان وصلتيه لها و اهي طالبه بنفس اليوم

بدال ما تشكرج تقول هالحجي !

صراحه غريب تصرف بعض البنات الله يهديهم