هذي التزاماتي وهذا معاشي .. تقدرين تساعديني ؟؟

[إلى المجهول]

في فكره ثانيه ..

دشي جمعيه بـ 200 .. يجيج 2000 .. وسددي كل ديووووووونج مرهـ وحدهـ ..

اذا سددتي راح يبقى من الـ 2000 .. 170

راح تدفعين بس 592 .. تضغطين ع نفسج فتره لـيــن يردلج معـآآشج واللـه يعينج . .[/quote]




فكرتج روووعه بس وين الجمعيه ام 2000


اعجبتني وقاعده افكر فيها


تسلمين

 

[إلى المجهول]

ماشاءالله عليكم بنات

افكاركم وايد حلوووه

جزاكم الله خير​

 

[واثقه خطاي]

الفيزا شتبين فيها الغيها , الموبايل شدعوه 60 تكلمي من الثابت ,لاتزيدين على عمرج الحين بالمشتروات ,تخيلي انج لحد الحين ماتوظفتي ,حاولي تقاسطين لرفيجاتج قولي لهم كل شهر بعطيكم ,قصري على عمرج بس لاتشترين شي الالما تخلصين كثري استغفار , وتصدقي بمبلغ معين , وان شاء الله ربي يعينج ,نصيحه لا تدينين من احد ابدااااااااااااااااااااااااااا

 

[sweet lady]

اول شي افتكي من المديونات اللي يطالبووونج والفيزا والغانم وبعديين وفري عشان تكووونين راهيه
دخلي جمعيه من 100 وسددي الغانم واللي يطالبونج والله بترتاحين

 

[sweet lady]

اول شي افتكي من المديونات اللي يطالبووونج والفيزا والغانم وبعديين وفري عشان تكووونين راهيه
دخلي جمعيه من 100 وسددي الغانم واللي يطالبونج والله بترتاحين

 

[د-سوسه]

كلام البنات وتقسيماتهم وايد حلوه ..
مثل ماقالو انسي الفيزا والسلف لان ماكو شي يخليج ماتستانسين بفلوسج الا اهم ...حطي الصافي من معاشج بظرف وخشيه وحددي لج ميزانيه اسبوعيه ماتطلعين عنها ابد الا للضروره حيييييييييييل علشان اتوفرين واذا تستحين اتردين حق الي يطالبونج مبالغ اصغيره حطي المبلغ مثلا30 بظرف والشهر الياي 30 يصيرون 60 وعطيها اياهم مع اني مااتوقع انها بتزعل لو قطعتي المبلغ لان احسن مااتحط ببالها انج ناسيه فلوسها ومومفكره اتردينهم ..
وحطيلج حصاله خشي فيها كل يوم 1 او دينارين لي نهايه الشهر عندج من 30-60 دينار هذيله خشيهم للسفر وصدقيني احنا مثلج كلنا انوفر اول شي بتحسينه صعب بس بعدين بتتعودين راح تتفاجاين ان في اشياء كنتي تعتبرينها مهمه واطلعت تافهه وتقدرين تستغنين عنها
وعلي فكره لو وفرتي من مكالمات تلفونج 20 كل شهر بخمس شهور لي موعد السفر راح يكون عندج 100 لا تقوليلي مو حلوين

 

[Mig.MiG]

الله يعينج

 

[غربــــة اِحساس]

ماشاء الله البنات ماقصروا

واهم شئ تفتكين من الفيزا سكريها بأي طريقة

واهلج لاتقطعين عنهم دينار متعودة تعطينه لهم اهم راس المال والبركة

سوي استقطاع شهري صدقة مثل كفاله يتيم بعشر دنانير

الزمي الاستغفار

وقللي من مصاريفج ةاضغطي شوي على نفسج وبغمضه عين ان شاء الله بتلاقينها فرجت

 

[غربــــة اِحساس]

اي ولاعاد تتسلفين من احد

ترا الدين عماة عين وانا اختج

عيشي بحدود معاشج لافيزا ولادين

صعبه بس حاولي

 

[رايقة1980]

شدعوه مكالماتج 60؟؟ من خلوا خط البيت ببلاش مكالماتي ماتتعدى 20 دينار

والفيزا الغيها


..


وسيارتج غالية بعد .. المفروض شارية سيارة قسطها مايتحاوز 150


.. رتبي امورج شوي شوي

ويبيلج وقت طويل على ماتضبطين نفسج على الصرف البسيط

 

[رايقة1980]

ايه تذكرت انا معاشي كنت اصرفه كله وسيارتي كاااش

المهم .. الغيت الفيزا وسويت ظروف

الظرف الاول = الاسبوع الاول

الاسبوع الثاني

والاسبوع الثالث

والاسبوع الرابع


قسمي باقي المعاش بعد ماتشيلين الاقساط

وحطي بكل ظرف مبلغ حق كل اسبوع لاتصرفين اكثر منه

 

[مطـــيــريهـ فـــوشيـــآ]

دينج مو على سنع
لاتبررين على نفسج
وحاولي تبدين بديون الصغيره بعدين الكبيره عشان ترتاحييين
وبعدييي عن الفيزا انا اختي من صاارت ادماان للفيزا واهي اصلا مو محتاجه تاخذها عشان جنطه ولا سيااره شغلاات تااااافه ولما الغتهاا والله ارتااحت الفيزا ادمااان ديري بالج البنوك اسون اغراء بهالفيزا واهي اصلاا دين يعني ماردج بتدفعينهاااا
وشدعوه عليج 60 دينار للتليفون انا من خلوو تلفون البيت ابلاش وانا فاتورت تلفوني ماتاخذ اكثر من 20
رتبي اموورج اكثر ضغطي على نفسج جم شهر وبعدين بترتاحين

 

[^kloOot^]

انا من رأيي ما تقطعين فلوس امج وابوج وزيييييييييييييييديهم بعد يستاهلون


وثاني شي حاولي دشين جمعيه عشان تسددين الدين اللى عليج

واقل قسط حاول تصكرينه

وحاولى هالجم شهر ماتروحين السوق نهائيا ضغطي على نفسج جنه عقاااااااااااااب
صدقينى بالاخير انتى راااااااااااح ترتاحين

وانسي شي اسمه فيزا وماستر الغيهم من حياتج هذلي بروحهم بلوه وادمـــــــــــــــــان والله

كسريهم عشان يقصون شهريا وماتسحبين لانه ماكو فايده اهم يخصمون وانتى تسحبين من صوب ثاني عمرج ماراح تخلصين

والله يفرجها عليييييييييييييج يارب

 

[^kloOot^]

وفي شغله ثانيه ياقلبي

انا متحسفه انى ماسويت من زمان

بس الحمدلله سويتها واحس برااااااااااااحه ومعاشي قاعد يظل ليه اخر الشهر عكس قبل


الصدقـــــــــــــــــــــــــــــــــــــــــــــــــــــــــــــــه


اما تتصدقين او تكفلين يتييييييييييييييييييم كلها 10 دك بشهر بدال 60 اللى تدفعينها على المكالمات وحولي خطج كروت

 

[النوالنو]

الله يعين اكثرنا جذي ديون واقساط وفواتير الله كريم بس حلوه طريقة الظرف كل اسبوع بس ماعرف امسك نفسي

 

[xxx]

ماشاءالله البنات ماقصروو

الي تعطينه حق امج وابوج بركة حق معاشج

لاتفكرين تقطيعه كلش

الي مخرب عليج وعلى وايد ناااااس

((الفيزااااااا))

انا مسميتها الدمار الشاااااااااامل

حاولي تسكرينها وصدقيني بترتاحين

شوفي هالموضوع ان شاءالله يفيدج

http://q8yat.net/showthread.php?t=421533

 

[خوآطر خفوقي]

حبيبتي ليش صعبه ..

دخلي 20 شخص بـ جمعيه 10 شهور

كل شهر سهمين كل شخص 100 ويجيه 1000
وانتي بتدشين بسهمين ..

واللي حآب يدش بـ 200 احلى وآحلى ..

 

[إلى المجهول]

يعطيكم العافيه استفدت وايد من اقتراحاتكم

 

[كـ غلا ــلي]

شوفي يا اختي سويت لج حسبه انشاءالله تعجبج:

طبعا قبل كل شي لازم تكنسلين الفيز + تقليل المكالمات لين النص عشان يوفي الراتب معاج

1-اول شي خل نشيل (قسط السياره + القرض اللي اب 52 + عطيه الام والابو + الجمعيه + الغانم) يبقى من راتبج 395

2-ديون الاهل على هالشكل تقسطينهم:
600 تدفعين شهريا 50
100 تدفعين شهريا 25
100 تدفعين شهريا 25
160 تدفعين شهريا 25

قيبقى من راتبج 270

3- الفون خليه لين النص مثل ما قلت لج يعني بس 30 قيبقى لج 250

250 هاذي اخذي منها مصرفج و انشاءالله يبقا منها شي لانه لو عندج سياره يبيلها صيانه والذي منه بس ترا 250 حلوين مبدئيا

علما تخلصين قسط الاهل تالي زيدي الجمعيه ومنها سددي ديونج الباقيه وانشءالله تقسمتي لراتبج اعجبتج

 

[كويتية صغيرة]

1. ألغي الفيزا

2. قللي من مكالمات التلفون و استخدمي تلفون البيت و خلي الموبايل للضرورة

3. قللي من روحات السوق و المطاعم لا تروحين السوق الا للضرورة لان شكللك تصرفين

4. امك و ابوك لاتقطعين التزامك .... اهم راس المال و هذا اقل شي نقدر نسويه ولا راح يوفي حقهم سواء محتاجين اولا

5. طلعي صدقة و قربي من ربك اكثر

6. لاتخربطين بالمشتريات ....لاتروحين جمعية الا معاك ورقة محددة فيها شنو تبين و الأشياء الضرورية فقط

7. لا للسلف ..... مايخالف ضغطي على نفسك فترة بس حاولي ماتتسلفين من احد

سوي هالشغلات هالفترة لحد ماتسددين ديونك يبيلك عدة اشهر و ان شاالله تتسهل
بس ترى انتى مسوية شغلات كلها قاصة معاشك
اولا سيارتك غالية ..... ثانيا:وايد مكالماتك التلفونية .... ثالثا:وايد تتسلفين ...انتى معاشك زين يبيلك بس حسن تدبير

وبعد ماتسددين ديونك
اول نقطة تفكرين فيها انك لازم توفرين من معاشك لان محد بفيدك بهالزمن الا نفسك .....لاهدوم لا لبس لامكياج لاسيارة لا تلفون .... هذا كله رايح