هذي قصتي وماخفي اعظم

[m6er عزوتي :)]

رد : هذي قصتي وماخفي اعظم

الله يفرج كربتج ويرزقج الزوج الصااالح واحسني النية وصفي قلبج من كل حقد واشغلي وقتج امليه كله

 

[Sweetq8]

ودي اصدق بس كل يوم لج قصه يابنت الناس

 

[g76aniya]

الفدعى ..
يمكن ضحكت على مواضيعج او من شخصيتج .. او حتى تكلمت عنج ..
بس طريقة طرحج للمواضيع اهيا السبب ..
المهم ..
ان شاء الله بس تحلليني انا وبنات المنتدى ..

شوفي حبوبه ..
1. الشكوى لغير الله مذله ..
2. اللي يشوف مصيبة غيره تهون عليه مصيبته .. يعني الحمدلله انتي عايشه في بيت .. غيرج ماعندهم بيت .. فدايما قولي الحمدلله ولا تتذمرين من حالج ..
3. خلي ايمانج بالله قوي ..
4. الزمي الاستغفار .. قال الرسول - صلى الله عليه وسلم - : ( من لزم الاستغفار جعل الله له من كل هم فرجا ومن كل ضيق مخرجا ورزقه من حيث لا يحتسب ) . وقال تعالى : ( وقل استغفروا ربكم انه كان غفار يرسل السماء عليكم مدرارا ويمددكم بأموال وبنين ويجعل لكم جنات ويجعل لكم انهارا ) .. ترى الاستغفار تاثيره على حياة الانساااااان جدا مريح .. والله جربي ..
5. لا تيئسين من رحمة الله قال تعالى ( وَمَنْ يَقْنَطُ مِنْ رَحْمَةِ رَبِّهِ إِلَّا الضَّالُّونَ ) .. قوي ايمانج بالله واحسني الظن بالله ..
6. في كتاب رووووووووعة اسمه لاتحزن للشيخ عايض القرني .. انصحج بقراءته ..


والسموحه حبوبه اذا بردودي كنت اضحك ولا طفرتي مني .. ..​

 

[D a m a s]

الله يفرجها عليج

 

[كوكو الكويت]

رد : هذي قصتي وماخفي اعظم

حبيبتي الفدعى .. ترا الدنيا بخير .. و انا انصحج ما تاخذين حمى اختج لان باجر بتصير مشاكل ما لها اول و لا اخر ..اختج بتناشبج بكل شي .. بعدي عن الشر و غنيله ..و عن تجربه اعرف وحده من رفيجاتي تزوجت حمى اختها و عايشين في بيت واحد .. و الله و الله و الله ان الخوات الحين ما يكلمون بعض و بينهم مشالكل لي السما و قاموا يكرهون بعض .. و انتي حبيبتي للحين صغيرة العمر جدامج خلصي دراستج و توظفي و الله بييلج النصيب اللي ما في مثله و الكل بيحسدج عليه ..

و بعدين ابيج تعتبريني اختج و صديقتج و اي شي تبين من عيوني ..

 

[حلمي اكون ام Q8]

الله يرحمهم

ويريح بالج

 

[حبـ admant ـك]

رد : هذي قصتي وماخفي اعظم

الله يعينج
مالج الا الصبر
استغلي وقت فراغج بشي مفيد
لا تحطين بالج وبال الناس
ان شاءالله بتحصلين لج رفيجات

 

[ام متلق]

رد : هذي قصتي وماخفي اعظم

هلا والله الفدعى نورتي المنتدى يابعدهم والله اني متعاطفه معاج لابعد درجه وفعلا احس عندج مشكله انا حاسه فيج وبقولج شغله هامه حيل اكتشفتها من متابعتي لكل مواضيعج ان اختج تحبج حيل مو شويه والدليل سكنت عندج خافت عليج من الوحده ولو كانت تخاف على زوجها منج صج مثل ماتضنين لايمكن تسكن معاج هذا اول دليل والدليل الثاني رفضها لزواجج من حماها لانها لو تبي تفتك منج جان قالت اشوى فكه خل تروح بس اهي تبيج وتبيلج الخير عشان جذي ماوافقت لانها ماتبيج تاخذين اي واحد تبيج تاخذين الي يستاهلج ويقدرج ويكونلج عون بهالدنيا اما بنتها صدقيني كل ام تخاف على عيالها لاتلومينها مو قصدها ماتبيج تقربيلها وليش ماتفكرين تسوين جمعه عندكم كل خميس في البيت وتعزمين بنات عمج وخالاتج ويصير مع الايام ان يوم الخميس معروف عندكم واذا ماجوا انتي روحيلهم وانصحج بالقرائه ترى القرائه تونس روايات قصص كتب حلوه او اي شي ثاني انتي تحبينه طالعي للدنيا بعين حلوه صدقيني بتحلى بعينج لاتفكرين كل يوم بالي راح خلاص انسي وعيشى يومج انتي بعدج صغيره والحياة مليانه مفاجأت كثري من الاستغفار تراه مفتاح للخير كوني صداقات تعرفي على بنات طيبات خلوقات حتى لو ماسنجر سولفي معاهم استانسي بتشوفين الدنيا حلوه والله يوفقج يارب بحياتج

 

[كنوشة 2009]

بصراحة انا كنت دايما اقر مواضيعك بس في اشياء اصدقها واشياء لأ بس ما قط رديت عليج
بس هالمرة وايد عورتي قلبي وكسرتي خاطري وصدقتج واختج ترى تحبج وتخاف عليج ولو ما تحبج جان
ما سكنت عندج ويمكن اهي تعرف اهل زوجها اكثر منج
وعسى الله يرحم امج وابوج ويعطيج زوج يدللج قولي آمين

 

[Ameeraaaaaa]

حبوبة
تأكدي ان الله كاتبلج خير كبير
لكن احسني الظن في اختج
واشغلي وقتج بدراستج
والله يرزقك الخير والبركة والزوج الصالح .

 

[مزآآجيه]

اكثري من الاستغفار وقول لاحول ولاقوة الا بالله
وسورةالبقرة والله يسعدك ويوفقك

 

[غرور وايل]

الله يعينج ويرزقج بالزوج الصالح

 

[بولندية]

مرات تكسرين خاطري و احس انج مسكينة و مرات احس انج جذابة

ومرات بدوووووووووون زعل احس انج معقدة ؟؟؟

واذا سالفتج صج عليج بالإستغفااار و الصلاة و الدعااااء طبعا و موووفقة

 

[brettey]

رد : هذي قصتي وماخفي اعظم

اهم شي شدي حيلج بدراستج وتخرجي من الجامعه ولا منه فلان وعلان وحتى اذا ياج نصيب شرطي يالعقد انج تكملين دراستج وتاخذين الشهاده ماكو شي بينفعج الا شهادتج ترى حتى الرياييل ما منهم امان
وعليج بصلاه الليل والاستغفار والله يوفقج وينولج مرادج

 

[Sayounara]

رد : هذي قصتي وماخفي اعظم

فدع دع<-طيحت الميانة
وحشتيني لوول احس حبيتج
مو يقولون ما محبه الا من بعد عداوه..لوول
المهم ..
أنتي ماعليج من حد وكل شي يضايقج كتبيه واللي ترد عليج رد مايعجبج برووويج فيهااا
<--عاد شعليج صار عندج فزعه فالمنتدى :weight_lift:
واللي مب عاجبتها مواضيع الفدعى لاترد وتراها داشة من واير لس بيتهم<-يعني محد له حق يطردها او يضايقهاا

 

[! تئبر تسبدي !]

رد : هذي قصتي وماخفي اعظم

الله يفرجها عليج

وان شاء الله ربي يرزقج بالرجال الصالح و الذرية الصالحه

~

 

[sweet dashttya]

رد : هذي قصتي وماخفي اعظم

الله يعينج حبيبتي ويفرج عليج

 

[غـيوض]

رد : هذي قصتي وماخفي اعظم

الله يفرج همج و ينولج اللي تبين ..

 

[Tom ♥ Jerry]

.


و الله مآدري شقولج ..
بس مواضيعج و التناقض الي فيها مآ تدش العقل !
آصلا آنتي كلج على بعضج مآ تدشين العقل !

يعني مره تقولين انا يتيمه و حسبي الله و نعم الوكيل .. أوكي
و مره تقولين ابي وحده اتيي كل يوم الصبح تحط لي ميك آب حق الجآمعه !
و مره انا اشابهه مي .. ! > قوية ! :/
مره البنآت يغارون مني .. !
> آنزين يعني حتى آنتي عندج سوالف !
شنو تبين وحده تحطلج ميك آب حق الجآمعه عشان تحرين البنآت :/ !
تفكيرج و عقلج صغير !
و مره تقولين آختج تغار منج على ريلها !

انا اقول > و هاذا آذآ كآن كلآمج صحيح ! اقول رآجعي نفسج
بتشوفين أنج ارتكبتي آخطآء وآيد بحيآتج
و منهآ آنج لمآ تروحين الجآمعه تبين تصيرين show !

آلله يعينج !

بعدين حتى الـ آدآره سكروآ مواضيعج عشآن حسوآ آنه مآلها معنى !

 

[الاهله]

رد : هذي قصتي وماخفي اعظم

يوة حبيبتى

الله يبدل حياتج من حزن الى فرح

وحياتنا كلنا