هروب خداماتي

[العنكبوت]

السلام عليكم.....مشكلتي انا بدات من عامين او اكثر ماتقعد عندى الخدامه وانتوا اتعرفون. التعب لما تطلبينها وتنطرينها ولما تجى اتعلمينها ويبيلها اشهر على ماتتعلم....والفلوس الي اتغطينها علي الاقامه والبطاقه والفحص ...والله ياخوات اني مارتحت. كل 5 شهور تنحاش مني خدامه والله لانضربهم ولا قله اكل ولا نعطيهم معاشهم كل شى متوفر وزياده.....وفوق هذا كله انا بيتي شقه صغيره عند اهل زوجى واصغر اعيالي عمره6 سنوات يعني مافيه شغل...قسمابللله اني ماخليت جنسيه ماجربتها تعبت ابي اعرف سر هروبهم مني .....للعلم اني خدمي ينامون مع خدم البيت بس ليش مايهربون الا خداماتي وخدم البيت صارلهم 7 سنين ....تعبت والحين عندى وحده اول مره ولها واولاد والي مبين انه فيها خير بس والله خايفه وتعبانه لانه الي اهربت قبلها لحد الحين ماراحت المكتب ولاندري وينها وهذي اثيوبيه وتعيل لها اسره .........وانا طاري علي بالي انه محطوطلي شي مايقعدهم عندي ......وشي ثاني ودي لما اعطيها معاشها ازيدها يمكن تطمع فيني واللله محتاره ساعدوني بلييييز

 

[الله كريم @]

لاتنااام عند الخدم شوفيلها غرفه صغيره عندج وماراح تنحاااااش


والله يعينج اكيد من حمولتج

 

[السفيرة عزيزه]

الله يعينك بس الموضوع واضح اذا بس خادمتك اللي تنحاش معناها خدم البيت شياطين يقولون لها شغلات مو زينه عنج ويخرعونها لانها صارت عندنا من قبل انتي نبيهيها انها ما تسمع كلام احد من الخدم وهددي باجي الخدم بعد ما تستأذنين من خالتج ان اذا انحاشت هذي الخادمه معناها منكم العيب وانك بتسفرونهم وتختمون على جوازاتهم انهم ما يشتغلون ابد في اي دولة خليجيه

والله يوفقج ويهدي الجميع

 

[FeShinGoOo]

حبيبتي انتي قوليلها ماما اذا يوم من الايام ماتبين شغل قوليلي انا اوديج مكتب على طول

وقوليلها ماعليج من خدامات البيت ترى يخربون عليج لانهم حاسدينج

ونصيحه لاتقعدينها معاهم الظاهر اهم الي يشيون خدمج ويتفقون ضدهم عشان ينحاشون ويصفالهم الجو

 

[قاهره عذالي]

يمكن من خدم البيت
هم اللي يهربوننهم ويودونهم مكان ويدلونهم

 

[كنوشة 2009]

اكيد من الخدم الباجي اهم يخوفونها
انا وحدة من اهلي جذي كل ما يابت لها خادمة تقعد فترة
بعدين تقول ما ابي اقعد عندكم ردوني المكتب
وكل مرة جذي طلع السبب من خادمة خالتها
اهي السبب تخوفهم ويرجعون المكتب

 

[الأميرة جوري]

الله اعلم مشكلتج من خدم البيت ..لاتنام عندهم ولاتختلط فيهم كلشششششششش وماراح ينحاشون ...

 

[شاي ونعناع]

بيييييييييييييييييه صعبه هذي في احد يكرها فيج مستحيل تنحاش مني وطريج من كلامج مو وحده اكثر من وحده ونحاشو بعد مو مستقله بشقه بروحج بيت حمولتج واي الله يعينج الخدم تري لمن يقعدون مع بعض يتساسرون ويكركرون ويحشون ويشيشششون بعض وكل وحده تفر راس الثانيه ويعه مالت عليهم شكثر نقط فلوس عشان نجيبهم واهمه الجلبات ابسط شي ينحاشون ولا المكتب يقولج مالي شغل فلوسج تروح علي الفاضي بس جربي لاتنومينها مع الخدم اكيد منهم نزين لو نفترض منهم ليش يسووون جذي خدم بيتكم يكرهونج ? اخاف حاقدين عليج راجعي نفسج وشوفي خدم بيتكم ساس البله فصليها ولاتخلين خدمج يحتكون بخدم البيت الله يسخرها لج ويبعد شرها عنج ابتلشنا فيهم ومجبورين نجيبهم .*

 

[أإلع ـشق دلع ـهـأإ]

الله يعينج ..

أدعي انه الله يسخرها لج ..

وجيبي خدآمه جنسيتهآ غير عن البآقي .. وعآمليهآ زين بآذن الله مآرآح تروح

 

[tt2tt]

اب اب

 

[miss mama]

لاخلينها تختلط مع خدم البيت تحت.

 

[خل وملح]

الله يعينك بس الموضوع واضح اذا بس خادمتك اللي تنحاش معناها خدم البيت شياطين يقولون لها شغلات مو زينه عنج ويخرعونها لانها صارت عندنا من قبل انتي نبيهيها انها ما تسمع كلام احد من الخدم وهددي باجي الخدم بعد ما تستأذنين من خالتج ان اذا انحاشت هذي الخادمه معناها منكم العيب وانك بتسفرونهم وتختمون على جوازاتهم انهم ما يشتغلون ابد في اي دولة خليجيه

والله يوفقج ويهدي الجميع

نــفس كلامها واضااافه بسيطه :ch12: قــولي لهم هذا اذا نحاشت راح اخليكم انتم تتقاسمون شغل بيتي وتسوونه :bbbiu: حزتها راح يتاففون ومايسون شي نفس رفيجتي مثلج عندها بنت بالروضه والولد بالمدرسه وثلاث خدامات ينحاشون منها وخدامتها تنام عند خدم خالتها اخرتها هددتهم ان هذي اخر خدامه واذا نحاشت اهم اللي راح يشيلون شغلها ويمسكون البيت من تنظيف وغسيل وطبخ مالج الا اللي قالنا لج وبشرط مو انتي اللي تقولين لهم لا خلي زوجج ولا ابو زوجج يكلمهم بعصبيه وراح يخافون

 

[سكوتي بذوقي]

معروفه اللي معاها يوزونها

اكيد يكذبون عليها وهي تصدق

إذا جبتي خدامه خليها تنام بروحها ولا تخالط خدم اي احد

 

[أم ملاس]

والله علي راي خواتي من خدم البيت لانها تنام معاهم
وبعدين خدم البيت قديمات يعني قلوبهم علي بعض ومايبوب غريبه بينهم قبل بيت أهلي جذيه البوقات تصفي لهم وغير اللي يتعرفون علي سواويق المطاعم ويبجيب لهم الكروت واشيا وبلاوي اشكثرها …أهلي اكتشفوو السالفه بهد ماتهاوشوو الزعيمتين راحت الثانيه فتنت عليها …واخيرا اكتشفووو ليش الخدم مايعد الثاني يعني مرت اخوي الاول والثاني وخدامت امي الثانيه كل اربع اوثلاث اشهر هذوول اللي يتغيرووون والثنتين ثابتات ولاووووفوق هذا هم اللي يدبرون نحشتهم …واصدر ابوي قرار رئسي بتغيير الطاقم كله
والحمد لله الحين اللي عندهم ثابتين …صج صبغ الغرفه علشان كان فيه كتابات بخط صغير …كتبت قصتي …هههه والله شي يقهر …
إنتي حاولي انها ماتحتك فيهم نوميها عندج علي الاقل تحملي الي ان تعرف الخدامه عنج
الخدم شر ولابد منه
الله يسخرها لج ويعطيح خيره ويكف عنكم شرها…

 

[bobo lover]

تدرين ليش؟
أنتِ غلطانة مخليتها تنام مع خدم غيرهم!
احنا لما رحنا المخيم مع أهل بيت ابوي وقعدنا جم يوم هناك خدامتنا صارلها عندنا سنه ونص ولا اشتكت ولا شي وكله تسوي شغلها، جك بم الخدامة متغيرة من ردينا! تخيلي صار عندها حبيب!!!! ومن غير ما ندري شرت تلفون!!!! وجكها أبوي وسكت وقال مو مشكلة التلفون والله أعلم من تكلم عقبها وقبل لا تتم سنتين قالت أنا يبي روح سوي زواج! شنو وشلون وطول الوقت ساكتة؟
المهم درينا ان خدم الاهل وسايقنا يمكن مغيرين راسها وفارينه فر ومعاشها نفس معاش غيرها بس هي لانها صغيرة وعمرها تقريبا 18 وما تعرف مصلحتها فقررت انها ما تشتغل عندنا وامي رفضت تزيد معاشها لان بعدين بتحط ببالها فكرة ان امي زادتها عشان تقعد اكثر لان جذي كل شوي بتمصخها ونضطر نزيد المعاش. أخر شي عاد راحت مع الحبيب وطلعت تشتغل بصالون ومعاشها 100 تقريبا!
بس صج مصيبة ما يغرقون! ودرينا بعدين ان السايق شاري لها تلفون والظاهر انه هو اللي مضبطلها الحبيب وطردناه قبل لا يتم سنتين.

والخدامة الثانية اللي عندنا الله لا يوريج عجوز عمرها فوق ال 55 وكله تشكى ومالي خلق وابي تلفون وكل ما دشيت المطبخ تقص قصة حياتها وان ولدها تعبان وكرهت ادش المطبخ بسبتها!!! المشكلة ما تعرف عربي وتحجى سريلانكي عبالها انا افهم!!!
وريحتها الله لا يوريج بصل وثوم واكل وخياس وكله نقولها تسبحي وشرينا لها مزيل عرق 2 ووالله على حطتهم راحت وما استعملتهم وريحتها اذا مرت بالمكان نعرف انها هني استغفرالله وتخيلي نتغدا الساعه 2 وادش المطبخ الساعه 6 والصحون ما تنظفوا!!!
امي اضطرت توديها المكتب وراحت عند ناس ثانيين تشتغل مربية والظاهر اذاها الببيبي فانحاشت واهي على كفالتنا @:
ترا ما عليج أغلبهم ينحاشون لأن يلقون وظايف افضل وهالخادمة كانت تخيط عدل فالظاهر راحت تشتغل بمشغل عند هندي ولا بنغالي
الله ياخذهم والله ما اواطن الخدم ولا السواويق اللي ما وراهم غير المصايب والصرف الزايد!!!!

الزبدة، لا تدلعين الخدم وخلج رسمية حيل وحاولي انهم ما يختلطون مع غيرهم بالرغم من انها صعبة بالذات اذا انتي عند حمولة. ولا تجيبين خدامتين مع بعض ترا والله ما شفنا المصايب الا من جبنا خادمتين بالبيت لأن كل وحدة تحرش الثانية او تشوفين وحدة ما ترتاح مع الثانية فينحاشون.