هـديه حق المعرس هههههههه d:

[awashamen7asha]

انصحك الساعه او البزمة يعني شي رسمي لهالمناسبة، هالماركات اسعارها من ١٠٠ الى ٥٠٠. بربريز- ارماني- اوميجا- تاغ هيوار. الشباب يحبون هالماركات

 

[توفـــا]

امممممممممممممممم


شرايج تحجزين ليموزين وتطلعون فيها وتعزمينه على مطعم حلو ورااااقي ؟؟

المشكله انا مو وايد ميانه معاه ولا فكرتج حلوه لما تكون الميانه طايحه اشوي انا اول مره اطلع معاه بتكون يوم الملجه عرفتي فزين اطلع بعطيه شي معني استحي بس دريت من اهله انه يوم الملجه اهو نفسه يوم عيد ميلاده اهو اختاره عشان عيد ميلاده بهل يوم ففشله ما اشتريله شي واكون انا داريه انه عيد ميلاده لو مو داريه مو مشكله بس اكيد بيقولوله قلنا لها هههههههه


وثانكس يا عسل علي المرور :eh_s(7):​

 

[توفـــا]

عطيه تذكره تايلند خل يستانس كآآآآك ماحب هالديره احسها فساااد من سمعتها


اتغشمر معاج لووول ساعه مع عطر هادي او خامتين على ذوقج وتكون مناسبه للساعه

وي وي وي عاد اخربه من اولهاا هههههههههههههههههه تخيلي عااد

ولله انا بقعد افتر اشوفلي شي حلوو من ماركات اخذله بوك وبزمه مع مداليه اذا ماحصلت شي عجبني باخذله اي فون اذا ماعنده اخر حل اخذله عطر وخلاص هههههههههه

تسلمين يا قلبي فديتج علي المرور ​

 

[توفـــا]

انصحك الساعه او البزمة يعني شي رسمي لهالمناسبة، هالماركات اسعارها من ١٠٠ الى ٥٠٠. بربريز- ارماني- اوميجا- تاغ هيوار. الشباب يحبون هالماركات

يا حياتي هذا الي بقيته الماركات الي يحبونها الشباب زين قلتيلي بروح احوس اشوفلي شغلات حلوه عندهم ومن ناحيه الاسعار ولله زينه مو غالييين وايد


مشكوره ماقصرتي حبيبتي :eh_s(7)::eh_s(17)::eh_s(7):​

 

[You FOR Me Only]

امممممم طبعي صورته على كوب او طبعي تاريخ ملجتكم على كوب او شي جي

 

[جهراويه كويتيه]

انا اقولج روحي مجمع المثنى وبتحصلين هناك محل هدايا اخذيله رساله عباره عن كرتون بخيش تكتبين داخله بقلم من طبشور صغبر كلام حب او اكتبيله وصيتي لك يا شريك الروح ومن هالكلام الكوووووووووووووووول لاني زوجي سواها لي اول اسبوع كتب فيها عدد الدقايق والثواني اللي عشناها خلال اسبوع وكانت اجمل هديه لي مع عطر لي الحين محتفظه فيها من اربع سنوات

 

[توفـــا]

انا اقولج روحي مجمع المثنى وبتحصلين هناك محل هدايا اخذيله رساله عباره عن كرتون بخيش تكتبين داخله بقلم من طبشور صغبر كلام حب او اكتبيله وصيتي لك يا شريك الروح ومن هالكلام الكوووووووووووووووول لاني زوجي سواها لي اول اسبوع كتب فيها عدد الدقايق والثواني اللي عشناها خلال اسبوع وكانت اجمل هديه لي مع عطر لي الحين محتفظه فيها من اربع سنوات

يا عيني علي رومانسية زوجج الله يخليه لج انشاءلله بس ما اقدر اكتب كلام حب ههههههههههه لاني توني اعرفه بسم الله مامداني حبيته اشكره جذب :krkrkr:​

 

[توفـــا]

امممممم طبعي صورته على كوب او طبعي تاريخ ملجتكم على كوب او شي جي

صورته ماعندي بس تاريخ ملجتنا شغل عدل ولله عليكم افكار يا كويتيات خطيرررره حدها حركه حلوه تاريخ الملجه يسلمووووووووو يا الغلااااا ماقصرتي :eh_s(7):​

 

[أبكاني ذنبي]

ماقصروا البنات جاوبوا


ساعه او عطر هالشغلتين حلوين

 

[وين الغرام]

أنا سويت شي حلو حق زوجي رحت مجمع ليلى جاليري وشريتله من محل اول ماتدخلين ابويهج غتره جفنشي وخام دشداشه جفنشي ويكون معاهم لزرارات هم جفنشي وخذيتله عطر جفنشي وااااااااايد حلووووه الفكرررره

 

[الغنج والدلع]

ساعه ماركه وقلم وبزمات شغل عدل لوول علي حسب ريلج شنو يحب يبيله بس مااعتقد ماعنده اي فون الكل سار عنده اي فون حتا اليهال

 

[كويتية زقرتيه]

أنا أقول خاتم الماس رجالي يطلع واااااااااو

​

 

[مفـآهـيم الخجـل]

آعطيــه مع الهديه باقة ورد واكتبي فيها كلآم

 

[توفـــا]

حبايبي افكارهم تهبل ماشاءلله تسلمون ماقصرتو يا الغلاااا ​

 

[اخت خالتهم]

اخذيله
آي باد حلو هديه عشان كل ما يشتغل عليه يتذكرج
أو ساعه
او ميداليه كشخه حق سيارته
من الفنار فوق​

 

[مس روبنز]

قلم
بس آنا ما أييد الهديه لهالمناسبه​

 

[غاويـــة الإماراتـــ]

أنا احس احسن شيء بوك أو ساعة مآركة

و مبرووووك حبيبتي و الله يوفقكم إن شاء الله

 

[أحبك أمي]

رفع

 

[توفـــا]

تسلمـون قلبي فديتكم ولله كل فكره احلي من الثاتيه

الاي فون والاي باد <-- شغل عدل بس انشاءلله يكون هااوي الكترونيات هههههههه

اما بوك ومداليه وبزمات يعني يكونون من نفس الماركه <-- حلوه مثل ست كامل

او سالفه الكوب الي اكتب عليه تاريخ ملجتنا <-- بس يبيله شغله ثانيه عطر معاه او شي ثاني لان بروحه احس مو شي​