هـــــــــــــــدايا لعيد الام

[شهد_الكويت]

قوه اشلونكم

يا ليت كل وحده اتقولي شنوو مفكره تشتري حق الغاليه والدتها الله لا يحرمكم منهااا

انا السنه الي طافت مطاطير وصينيتهم كامله وبيالات

والي قبلها عطورات

وانتووو

 

[غنـج]

مشاركة: هـــــــــــــــدايا لعيد الام

والله انا الوالده تحب العطورات العربية والبخور والخواتم الفضه بالاضافه للمواعين..

باخذ لها صندوق من لاندمارك واحط فيه بخور وعطر وملفع وخاتم فضة

 

[xxx]

مشاركة: هـــــــــــــــدايا لعيد الام

هلا شهوده

أحلى شي تكون الهديه شي أمج محتاجته

انا هالسنة احترت ماني عارفة شنو اييب

ملينا من المطاطير و العطورات والذهب


امي كانت تبي مجموعة تفسير القرآن الكريم المختصر لابن كثير

شريتهم لها وعطيتها أمس (مابي يصير بنفس اليوم) استاااانست لان شي ناقصها وتبيه

 

[شهد_الكويت]

مشاركة: هـــــــــــــــدايا لعيد الام

حياج الله غنج وبنت الكويت

اصدقين بنت الكويت خووش فكره وحلوه مشكوره

 

[كـلا كـلا]

مشاركة: هـــــــــــــــدايا لعيد الام

في وحدة كانت حاطة موضوع اظن بمنتدى الحياة الزوجية

تقول انها تسوي كفالة يتيم او صدقة جارية باسم امها وتهديها
فكرة حلوة

انا مرت اخوي مرة يابت حق امي صندوق فخم وحاطة فيه مثل ورقة مالت الرسايل القديمة
وكاتبة في جنه يعني رساله منها ومن اخوي

وحاطة وصل جنه كرت من اللجنة اللي سوت عندهم الكفالة


حده خوش فكرة
وعاد الصندوق كله ورد مجفف وحركات


انا شريت حق امي دراعة
والعام خاتم فضة من محل بمجمع سنام عند الباب كله سوالف فضة واسعاره زينه وحلووووووو
ونفس الخاتم خذيته حق خالتي

 

[bedour18]

مشاركة: هـــــــــــــــدايا لعيد الام

امممممممم هالسنة الماما الله يخليها لي يا رب كانت مجدده ديكور غرفه نومها فسوينا حطية انا و خواتي و شرينا لها ستارة جديده و اكسسوارات من صفاه الغانم مع كفر

و خالتي ام زوجي تحاططوا حمواني و حمواتي و احنا طبعا و حجزنا لها و لعمي ليلتين في فندق مارينا

 

[#kuwait-عاليه#]

:eh_s(17):

 

[الاسطورية]

اي والله انا محتاجه بعد افكار لامي ولخالتي ام ريلي

ساعدونا

 

[lady_flana]

تو الناس......
انا امي الله يطول بعمرها ما تبي شي لنفسها...
....تقول ما ابي حق روحي ذهب ما نحب تلبس.. دراريع كشخة ما تلبس..انا مرة يايبه لها دراعة حلوة حمرة من دبي صار لها خمس سنين خاشتها تقول حق ملجتي... اقول لها يمكن ما اتزوج لبسي حرام جذي ما ترضى ... عندها امل للحين
هدية عيد الام تقول حطوا حق البيت احسن وتعالي شوفي الهدية ثلاجة
غساله مطبخ يديد يعني الهدية مو اقل من 500 دينار... مرة حجزنا لها ثلاجة كبيرة للمطبخ الكبير مدة 8 اشهر.. كانت ب1000 بعد الخصم ب800.... كل شي للبيت تحبه المهم مو لها...

 

[Pink GirL]

ليدي انا امي نفس الحاله صار لها 3 سنين يا ثلاجه يا نشافة يا فرن تحضيري لوول
هالسنه تقول امي مكنسة كهربائية من الحين بلغتنا علشان ما نسألها

بس انا ماحب اكتفي بهدية وحده اهي تدري عنها احب اسويلها مفاجآت وادري انها تنطر مفاجآتي كل سنة

الله يخليلنا امهاتنا ولا يحرمنا منهم

 

[momoo]

اما انا قدمت حق امي في العام فلوس في صندوق مبيت صغير

 

[ساره ستايل]

انا امي ماتحب نهديها بوقت المناسبة ..
يعني عادي تتقبل الهدية بأي وقت بس بوقت المناسبه .. ماتحب هالشغله
حتى خالتي نفس الشي

من فترة يبت حق امي سوار ذهب دقة مغربية ..حده عجيب شريته من معراوي بحولي .. عطيتها عقب طلعتي من الاربعين .. ولما شافته حدها استانست عليه
عجبها وايد

اما خالتي .. بما انها اصغر من امي وتعرف حق الماركات.. شريته=لها من شوارفسكي طقم قلب وترجيته .. بس صج حلوين واستانيت عليهم بعد

عليهم اب60الف عافيه امهاتنا

 

[Smarties]

انا العام شريت حق امي ساعة ... عجبتها بس قالتلي عقاربها صغار ما اشوووووووووف.. و راحت بدلتها خذت اكبر منها شوي و نفس الموديل ... عليها بالعافية .. بس هالسنة مادري شنو اشتريلها ,,,, انتو عطووونا أفكاااااااار و التغليف علي

 

[asma_alyousef]

اي والله ساعدونا انا ابي هدية حق خالتي مادري شاخذلها؟
اصلا متى عيد الام؟

 

[Maltesers]

مادري شنو اشتري ليلحين مايتني فكره حق عيد الام بس حق عيد ميلادها بطلب لها النعول وانتوا بكرامه اللي تسويها مروه اللي بقسم كويتيات مول لان شغلها روعه وامي تحب جذي سوالف

بس حق عيد الام ما فكرت يمكن يمكن اشتراك مساج سبا بلافندر عشان تاخذلها جلسات مساج

 

[د.شريفة]

والله فكره حلوه عطوني افكار ابي حق امي وخالتي ام زوجي
مره شريت بخور وعطور
مره درايع
مره والله اهديتهم ذهب
ومره مطاطير مع استكاناتهم
ابس شي يديد الله يخليكم بنات

 

[سعوديه بينكم]

وهم بعد انا ابي شيء يديد
كل الي قلتوه اهديتهم لها
نبي شيء جديد وغير عن كل مره
وامي نفس الحاله ماتبي بعيد الام واحنا اصلا ما نعترف فيه
بس انا حابه اشتري لها هديه
شرايكـــــــــــــم؟؟

 

[ضحكة الدنيا]

انا بصراحه كل سنه اسئل امى شنو تبى هديتها
واللى تبيه اشتريه لها احسن من اييب شى مايكون بخاطرها
وهالسنه امى تبى جنطه بشتريها لها

 

[Om-FahooDy]

انا مفكرة هالسنه اخذ حق امي كوبون من صالون او مركز سبا ... عشان تروح تسوي مساج و ترتاح والا شرايكم ... و المركز هذا اللي في the palms

 

[الغاليه نونو]

ناويه انشاااااءالله وبإذن الله ان ربي جعلنا من الاحياء اودي اميمتي العمره تغسل قلبها وتشرب من ماي زمزم وبوصى خواتي يشترون لها هدايا لي ردت

وانا قايله حق عيالي ابي الهدايا منكم هالسنه حق ابوكم انا مابي عندي كل شى قلت حق ولدي العود يشتري نظاره طبيه حق ابوه سنعه نظارته هذى موديلها مال سنة يد يدي والثاني قلت له اشتري حق ابوك بوك ماركه قوتشي وحط فيه خمسين دينار علشان اخذهم انا والثالث قلت له اشتري حق ابوك ست عطورات كامل رجالي وحريمي وبس ودمتم سالمين هههههههههههههههه