أفتح شباك الغلا جيتك اليوم "
باحساس من زود الغلا وده يطير"
جيتك مثل طفل له أيام محروم"
عن حضن امه بعدته المقادير"
وجيتك مثل عوداً له ايام مهموم"
وده يلاقي بأخر العمر تقدير"
متى تحس ياالغالي أن الهوى شي مقسوم"
من قسمة الخالق على خلقه يصير"
متى تحس اني لك أطيح وأقوم"
وأتعب عشانك وأقدرك وأغير"
لي في هواك أحلام وأمال وعلوم"
وأحزاب وأصحاب وقصيد وجماهير"
وهموم وأفكاروهواجيس وحلوم"
ودروب وأخطار وعذاب ومشاوير"
وحب وغلا وإخلاص ومعاند ولوم"
واحساس و إلهام وشعور وتفاكير"
وصحبة سهر ومقاطعة لذة النوم"
ووله جياش وعشق وتعابير"
في ذمتك مابان لك شي مكتوم"
من بعد ماصورت الاوضاع تصوير"
لاتحسب أنك شي عابر ومعدوم"
وتاريخ حبك فاق كل الاساطير"
كني لقيتك بأغنيه لأم كلثوم"
وكني قريتك في رواية شكسبير"
في كل شي أتخيلك وأسمعك دوم"
وأتأملك في الوقت الاول والاخير"
من ماضي الايام ليومك اليوم"
وغلاك عندي ماحصل فيه تغيير"
وأنا والله فيك ماأقبل البيع والسوم"
ولاارضى علي ولاعليك المخاسير"
