هلوووو ?....... اتحداكم في احد يستغني عنهم (( توافقوني الراي )) ?

[om Firas]

ماعندي خادمه والحمدلله اموري ماشيه
والله يقدرني على الشغل والتعب

 

[المها الابيض]

يمكن اقدر استغني عنها بس بالاول
استغني عن دوامي

 

[sosololo]

مشكورة على الموضوع

من ناحيتي طبعا ما نستغني في الكواي والطباخ وترتيب البيت كونج امراة عاملة .. لكن اكيد استغنى من ناحية عيالي مالها شغل فيهم ابد

 

[توتا حمرا]

ماعمري يبت خدامة بس لو كنت موظفة يمكن

 

[ScarletteO'Hara]

اكيد ما استغنى عنها
و لا اذا انا بنظف الشقة و بكوي الملابس و اغسل ملابس بنتي بيدي و اغسل و اعقم ممياتها و اشيلها و اشيل اغراضها و اغسل الصحون و اييب الاكل من السكة اذا طلبت مطعم متى بجابل بنتي و ريلي؟
ماني سوبر ومان عشان اسوي كل هذا خصوصا اني على قناعة اني مستحيل احط بنتي عند الخدامة؟؟
لا و الله ايبها عندي تلتزم بالتنظيف عشان انا افضى حق بنتي الي عمرها ٥ شهور

 

[hooryah q8]

انا موظفه و عندي بنوته وماعندي خدامه
كل السالفه على الوحده نفسها تتحمل مسؤولية بيت و ياهل ولالا

والله يقدرنا على هالمسؤولية بدون خدامه
و تقدرين اتييبن المؤقته اتساعدج ابشغل البيت

 

[طيــــــــــــف]

مو شرط مايستغنون عنها
فيه ناس موظفين يحتاجو شغالات وفيه ناس موظفين ومايحبون الشغالات ويدخلو اطفالهم حضانات وروضات واكلها تجيبه من الي يصلحون اكل بالبيت ويبيعونه وتنظيف البيت هي تنظفه وتغسيل الملابس وتكوي او تجيب الشغالات الي بساعات
وفيه ناس مو موظفين وعندهم شغالات اما زيادة دلع او يكون عندهم احد كبير بالسن او يكون عندهم احد فيه اعاقه


من ناحيتي مو موظفه وماعندي شغاله ولله الحمد وكل شغل البيت علي الله يعيني

 

[نجمة فجر]

شر لا بد منه

بستغنى عنها على شرط
استغنى عن دوامي

وبالفعل انبطل رسميات ودلع
وياليت نرد على بيوت الاول

غرفة وليوان وحوش ومطيبخ صغير بتفوحين ديايه بتكتين عليها العيش صارت احلى مجبوس
والريل لابيتذمر ولا بيتافف من طباخج
وعيالج حولج البنات دراعه من الصبح لين الليل والولد ثوب وكله خياط بيت مايبي له سوقة ولويه



ايه على حياه البساطه

 

[Sa7aBa]

لا نقول ما نقدر
نقدر
بس احنا مانبي الا الخدامة
تبين الصج الواحد يشتري راحته خاصة اذا كانت المرة موظفة
تبي اللي يغسل الملابس واللي تكوي هذا اهم شي
انا لما سافرت خدامتي صج اكلت تبن سوري عالكلمة
بس لانه احنا تعودنا عليهم
دوام يهال غسيل تنظيف اوتي يابوووووي
ومسالةتنظيم
واريح بدونها عشان ماتبقق عينها عةكلشي بس وجودهم ضروري والله يكفينا شرهم

انا حاليا بدون خدامة كلها يبيلها تنظيم ومسالة وقت
اذا كنتي بطالية وعيالج بالمدارس احسن شي

 

[تفداج روحي]

والله انا صارلي ٣ سنين متزوجه وماعندي خدامه وكنت ادرس وعندي ولد ومواجيب وعزايم وروحه ورده *
عقب هالثلاث سنين احس ان بيزر عقلي لااازم اييبلي خدامه ضروري بس انطر تتعدل الاوضاع


الخدامه راحه لج ولبيتج وموكل الخدم فيهم شر الله يسخرلنا


وما احس بفخر اني قعدت بدون خدامه لان طلع علي الواحد شيتحمل المسئوليات كثيره

 

[*kim*]

على حسب ؛؛؛؛؛