هل أقدر اخذ مجلس طبي؟؟

[awashamen7asha]

سلام عليكم بنات و شلونكم؟
مبارك عليكم باقي الشهر
الموضوع اني رحت لدكتور المستوصف عشان اخذ طبيه وسألته عن حالتي اذا في مجال يحولون مجلس طبي او لا قال دام الجنين بخير مستحيل.

تحطمت لاني وايد تعبانه و هذا صكها بويهي.
حالتي: ولادتي الاولى مبكره بدون اي سبب ياني طلق و نزل راس البيبي وولدت طبيعي.
حملت السنه الي فاتت و طيحت 11 اسبوع.
كملت سنه تقريبا على ما حملت بهذا الحمل.
الحين فيني كيس ماي يعورني على مبيضي اليمين و الدكتوره مانعتني اجهد نفسي و اشيل ولدي و الجماع و المشي و الوقوف عشان ماينفجر او يكبر . بس شلون أطبق و انا دوام؟ مو المفروض اخذ دخول مستشفى.؟
الحمال مع رمضان عذاب. بس فيني هبوط و كل شوي طايحه غشيانه. و مغصات تقص بطني لان معدتي مو متحمله اكل الفطور مع ان تنقنق .
غير ان فيني خشونه و نقص في فيتامين د.

و المشكله توني مداومه شهر 6 يعني ماعندي رصيد اجازات.:eh_s(11):
و ماكو نوم لاني ولدي الصغير يقوم كم مره بالليل.

شاوروا علي خواتي ؟ شسوي؟ ابي دكتور او مستشفى فاهم يقيم حالتي و يشوف اذا محتاجه علاج او دخول مستشفى. ابي ارتاح.........

الحمدلله على كل حال , الي تشوف حالتي ماتحتاج جان زين ترفع من معنوياتي و تقولي اذا هالاعراض بتروح الاشهر اليايه. لأني تعبت من الوحام حيل.

 

[وتين قلبـي]

عسى الله يشافييج ويعااافيج

دايم دكاتره الحكومه تحبط مااعليج تحتاجين مجلس طبي وترا المجلس الطبي متساهلين وراح يتفهمون حالتج ومستحيل مايعطونج اجازه
بس شوفي يابنت الناس روحي لطبيبج الخاص يكتبلج تقرير عن حالتج واجمعي تحاليلج وجيبي ورقه من ملفج تثبت انج والده ولاده مبكره وهم تقرير من ملفج ان عندح اجهاض من قبل وقدميها للمجلس الطبي وبيعطونج موعد بيطول جذي شهر وعقب لادخلتي على اااللجنه وشافو تقاريرج اكيييييد بيوافقون عليج وانشالله بيعطونج اجازه بس قدمي من الحيين وسهالااااات انشالله لاتحااتين...
وعسى الله يوووفقج ويشاااافيج ويحفظ مابطنج

 

[@ام يوسف@]

أأأأأأأأأأأأأأأأأأب

 

[anooma_86]

لا حبيبتي حالتج تستدعي مجلس طبي و بيوافقون عليه انشالله مالج شغل بالدكتور اهم شي يمعي تقارير مفصله عن حالتج و قدمي على مجلس طبي

 

[om MaRyooM]

وي الله يعينج


روحي حق اي دكتور بالخاص وشرحيله حالتج خل يكتبها بالتقرير وحالتج السابقة من ولادة مبكرة وجذي وقدميها عالمجلس
وانشالله يوافقون



المجلس توافيج من الله ..

انا اول مرة رفضوني وثاني مرة قدمت عطوني تخفيف ساعتين

وفي بنات مشالله من اول دخول يحطولهم اجازة


جربي منتي خسرانة

 

[engnera]

جربي

 

[قلبي خالد]

اذا انتي مو مدرسه عادي يعطونج

 

[ام قدووور]

وتين القلب ما قصرت قالت الي بقوله

وترا المستوصف ما لهم شغل اصلن ما يعطون تقارير والدكتور دايخ

اهم شي روحي الخاص وطلعيلج تقارير قويه عن كل حالتج وبعدها قدمي علا المجلس

بيعطونج انشاء الله لا تحاتين*

 

[كويتيه مذهله 87]

يعطووووووووووونج روووووحي قدمي بسرعه
انا مثل حالتج وعطوني لي الولاده

 

[المسكـ]

امبيه انا مدرسه
يعني بالعربي
مالي امل

 

[بنت التوخذه]

توكلي على الله وقدمي جربي حظج

 

[عبث طفله]

لا حياتي .. وحده اعرفها مدرسه اخذت مجلس طبي لي الولاده كانت تمدد كل فتره ..

ماكانت ولاده ومبكره ولا شي .. اول حمل لهااا بس بالواسطه كل شي يصيير

 

[q8sweeta]

خل يولي دكتور الحكومه كلهم جذيه انا كان معاي نزيف ومايبي يعطيني ولاقاعد يصارخ علي حسبي الله عليه ونعم الوكيل الله يواريه في اعز شي عنده دعيت عليه من كل قلبي الله لا يوفقه دكتور وين ماراح ولا احلله ليوم دين والحمدالله مااحتجت الحكومه لاني قطاع بترول اواقيسويتها من دوامي
اذا عندج حالة اجهاض من قبل يعطونج
طلبي تقرير طبي من دكتورج بحالتج وعندج اوراق حمالج الاولي وطلبي تحويل من دوامج حق المجلس

 

[q8sweeta]

اي وعلى فكرة الحين المجلس وايد متشددين مايعطون للولاده بس يعطونج ٨ اسابيع ولمه تاخذين الموافقه بنفس اليوم حطي موعد تجديد
والحين اخذي طبيات لين موعد المجلس
وبالكتاب وتقرير طلبي خل يكتبولج طلب اجازة وظم فترة الطبيات بالمجلس الطبي

والله يوفقج وادعيلي الله يثبت حملي ويسهل ولادتي قولي امين