?هل إنتي من النوع اللي يتغير شكلج كليا بالميك اب او حتى الرتوشات?

[ماني من الناس]

السلام بنات شخباركم

€€€€ ميك اب فضفضه تايم €€€€€

بنات لاحظت عندي اول شي قبل رحلتي مع الميك اب وبالذات الكحل الجاف

كنت متقبله ملامحي عدل وحدي ثقه ومو ع بالي شي اسمه رتوش بتاتا البته طبعا هالشي كان لعمر 17 والحياه حلوه

بعدين اذكر طاح في يدي قلم كحل اختي ومن يومها حسيت اني متعلقه فيه حسيت اني شبه مدمنه لشي اسمه كحل لدرجه
بديت ماعرف نفسي لما اشوف روحي بالمنظره بدون كحل

وبعدين تعودت ع السالفه بس بعدين اكتشفت

قبل وبعد ان الكحل يغير من ملامحي كليا مادري شلون حسيت ان اللي متعود علي يشوفني بكحل لين شافني بدون كحل ماراح يعرفني وهالشي حقيقه

وللاسف صار عندي هذا الهوس وبعدي انتقل لهوس الكريمات المرطبه والمسكرات والبلشرات


والحين سؤال يسدح نفسه

هل انتوا من النوع اللي ملامحكم تتغير قبل وبعد الميك اب او الرتوش

وشنو شعوركم وتصرفكم مع هذا الشي

وسلامتكم

 

[EleGanZa]

انا كلش لا سواء حطيت ولا ماحطيت ملامحي اهيه اهيه

يعني اللي يشوفني بدون ميك اب راح يعرفني هههههههه 

بس في بنات يتغيرون بالميك اب ١٨٠ درجه تصير شخص ثاني حتى لو حطت شي بسيط

 

[ماني من الناس]

انا كلش لا سواء حطيت ولا ماحطيت ملامحي اهيه اهيه

يعني اللي يشوفني بدون ميك اب راح يعرفني هههههههه 



بس في بنات يتغيرون بالميك اب 180 درجه تصير شخص ثاني حتى لو حطت شي بسيط

احس جذيه احسن ماتتغير الملامح عالاقل يعرفونج الناس لوول

انا حتا لو بس قلم كحل يغيرني مع اني احط بس داخل العين ومن بدايه الجفن من فوق وفي نهايته يعني مو خط كامل

مودري اهي مشكله ولا شنو !!

 

[reem alflla]

لا انا نهائيا ما يغيرني المكياج واحس مو وناسه

بس يمكن اذا حطيت برونز اصيرر جلحه

 

[لمى...]

انا المكياج الأوفر مو حلو علي كلش ملش

بس الرتوش والمسكرا والكونسيلر والبلاشر واللوك الديوي الخفيف يخليني وايد منورة وحلوة وكل من يعلق

ويعلق ويقول محلوه اكثر........

بس مكياج العروس سواء ثقيل والا ناعم مو حلو علي مادري ليش؟؟؟؟؟؟؟ بس احيانا قليلة يضبطوني الكوافيرات

رغم ان المكياج مايغيرني 180 درجة لا عادي...

بس اعرف بنات يصيرون لي وااااااااااااااااااايد يغيرهم المكياج ماكأنهم هم ........

واعرف بعد من بنات عمي بالمكياج يصيرون فوق حلاهم حلا ثاني يصيرون ملكات جمال....... مشاء الله

 

[ماني من الناس]

لا انا نهائيا ما يغيرني المكياج واحس مو وناسه

بس يمكن اذا حطيت برونز اصيرر جلحه

شنسوي بعد محد مرتاح ان تغيرتي مشكله

وان ماتغيرتي مشكله خخخ

 

[ماني من الناس]

انا المكياج الأوفر مو حلو علي كلش ملش

بس الرتوش والمسكرا والكونسيلر والبلاشر واللوك الديوي الخفيف يخليني وايد منورة وحلوة وكل من يعلق

ويعلق ويقول محلوه اكثر........

بس مكياج العروس سواء ثقيل والا ناعم مو حلو علي مادري ليش؟؟؟؟؟؟؟ بس احيانا قليلة يضبطوني الكوافيرات

رغم ان المكياج مايغيرني 180 درجة لا عادي...

بس اعرف بنات يصيرون لي وااااااااااااااااااايد يغيرهم المكياج ماكأنهم هم ........

واعرف بعد من بنات عمي بالمكياج يصيرون فوق حلاهم حلا ثاني يصيرون ملكات جمال....... مشاء الله

عاد انا احس المكياج الثقيل يجكر الحلوات لان يخفي الجمال خخخخ

ويجمل الممملوحات

انا اللي صجج يأثر علي الكحل وخطه العين تبرز جمال عيوني

تحسين الكحل مثل الاطار للعين يجمل اللوحه لان يحددها

اما بدون اي لاينر شكلي ناعم حده كني طفله
خخخ

 

[دانة_ دبي]

احس ان الرتووش تحليني اكثر
و اللي يغيرني مع المكياج العدسات خاصة لما احط لون رمادي

 

[مس قطريه]

ايييي وناسه أتغيب بشكل حلوووو


بس تظل الناس تعرفني

 

[ميس هارودز]

انا العدسات تحولني وتحلينني ويروح لي الميكب الثقيل اكثر رغم أني احب المكب الناعم لكن لوك النوميكب موحلو علي

 

[وردة الدوحه]

الميكاب لازم يغير بس المفروض ما يغير 180 درجه لانه بيكون في هالحاله فيك يعني مو حقيقي
بالنسسبه لي الميكاب يغيرني حتى الخفيف يحليني اكثر
واهم بروداكت عندي حتى لو مب حاطه مكياج هو (البلاشر )
لانه يعطي ويهي حيويه ونظاره بالاخص اني حنطيه وبدون اي شي نهائي ابين صفرا شوي وتعبانه
فلازم احط بلاشر بنكي مع قلوس خفيف ومسكارا هذا اهم شي عندي يوميا

 

[Pink.Barbie]

أحلو بس مو لدرجة اني اتغير واسير وحدة مختلفة

يعني ازا حطيت ميكاب او مسحتو عادي كل الناس تعرفني و ما اسمع تعليق مثلا انو شكلك غير ومن هالكلام

لا عادي يكون الوضع طبيعي

بس بنفس الوقت ازا حطيت ميكاب اسمع تعليقات انو مثلا طالعه قمر ومن هالكلام ....

والسبب اني اساسا اكره الميكاب الي يخليني مختلفه

احب انو ابرز ملامحي مو اغيرها

 

[MakeupAholic]

والله حبيبتي يتغير شكلي بس على حسب الابداع اللي اسوويه لووول
​

 

[قموووره]

الرتوشات تضيفلي بس ما تغيرني
بس المكياج انا نفسج ويهي وايد يتغير
بس انا احاول اني ما احط مكياج وايد علشان ماتغير وايد والي حوالي يتعودون على ويهي وملامحي انا بدون مكياج
الي هالنوع اذا عودتي الي حواليج على شكلج بالمكياج اذا يوم مالج خلق تحطين عبالهم انج مريضه ولا فيج شي​

 

[Laidy n3ooma]

اي وايد يتغير شكلي

بشكل عام اللي ملامحهم حاده المكياج يغيرهم اما اللي ويوهم بيبي فيس مايتغيرون وايد

 

[UNICORNA]

أنا مثلك اتغير
وخاصه مع قلم الحواجب والكحل
بدون كحل يبين أني مريضه وكبيره وعيوني تصير كنها
عيون الموناليزا مافي اي ملامح
ولكن لمن اسوي كحل واعرض حواجبي شكلي يصير
حيل ذرب وفريش
طبعا أنا اسوي بودر وروج وغيره ولكن المحل وقلم الحواجب
هذولي أساسيا تي اللي يغيروني ويعدلون مظهري ١٠٠٪

 

[دروبك يالسهر]

ااااي حتى انا سبحان لله لما احط تاتو على حواجبي وارتبها واعرضها شوي واحط كحل جاف بره العين واموهه بالريشه ومسكررره وبلاشر وردي وقلوس احس يتغير شكلي واصير مرتبه ووجهي منور بس مو لدرجة ان الناس ماتعرفني لا يقولون لي محلوووه بس بدون فونديشن يعني اكتفي بكريم مرطب ووووواي عكس لما احط مكياج بالصالون وع وع وع احس يخفون ملامحي

 

[خوخة 90]

المكياج الثقيل كلللش مو حلو علي و يغيرني وااايد خصوصا الروج الاحمر
بس بالنسبه حق المكياج العادي الي احطه يخش بعض العيوب الي فويهي مو اكثر
مشكورة ع الموضوع حبوبة

 

[....وبس]

انا احلى بدوون ميك اب

والكل قال اني احلى لما شافوني بدون مكياج واخر مناسبه حطييييت مكياااج ناااعم قلت بطلع ملاامحي الكل قعد يسالني شمسوووويه بعمرررج طااالعه غيررر

مع اني اموووت بالميك واحب التغيررر بس انصدمت من ردت فعل الناس مع الناااعم

 

[عضوا]

أمبلى يتغير شكلي بس مو 180 درجه
قولي 90
لأنه يكبر عيني بشوي

اما اذا حطيت الميك اب على اصوووله
360 درجه
ما اعرف نفسي