هل التوفير عن طريق البخل يؤدي إلى النجاح

[ام حلومي]

السلام عليكم





انشالله زينين






موضوعي اليوم عن




البخل














هل البخل داء ... وهل لهذا الداء دواء ... هل هو مرض خطير أم هو مجرد حرص وإدراك إيجابي ...

هل هو غباء أم هو ذكاء وحسن تدبير أم غضب ونقمه من عند الله ..

هل البخل في الماديات فقط أم يصل إلى المشاعر والأحاسيس والكلمات أيضاً ..

كيف ترى المرأة الرجل البخيل وكيف تنظر أليه ...

ماذا تفعل إذا اكتشفت هذا البخل بعد الزواج وأنها كانت تعيش مع زوج بخيل وان أيام الخطوبة كانت مجرد تمثيل ..

ماذا يفعل الرجل إذا اكتشف هو أيضاً بان زوجته بخيله مادياً وحسياً ...

هل التوفير عن طريق البخل يؤدي إلى النجاح ...

اتمني المشاركه من الكل والكل يقول اللي بقلبه

 

[ام حلومي]

شرايكم ونكممم

 

[pride&prejudice]

طبعا لأ أمي دايما تقول المره إلي ريلها بخيل لا تقعد معاه لأنه راح تتأذى ، وهذا الشي نهى عنه الله سبحانه الواحد يصرف لكن بحد المعقول ما توصل إلى حد الإسراف أو البخل ، عندي صديقتي ريلها من كثر ما اهوا بخيل ياخذ معاشها وما يشتريلهم يالا من فترة لي فترة وحرام عيالها ملابسهم تكسر الخاطر وسوت ثورة والحين عايشة اهيا وعيالها الحمد الله احسن من لمن كانت معاه ، أما اذا كان يؤدي الى النجاح فهذا لأ الله سبحانه عطانه عشان نستمتع بالدنيا والي فيها.

يسلمو على الموضوع

 

[خــجــولــه]

البخل مرض صعب يتعالج

ويعذب بعد

بس التوفير غير .... صج انه التوفير مقارب للبخل بس اهون

 

[درة ^ الكويت]

انا من رأيي انى أعيش مع فقير يغنيه الله ولا أعبش مع بخيل ينكد علي عيشتي ويحسرنى بهالدنيا والحمدلله على كل الحال احمد ربي على اللى الله أكتبه حقي

 

[ام حلومي]

انا احس البخيل انسان منبووذ لؤؤل


علي قولتهم كل حب يطلع علي بذره


الحمدالله والشكرلله

 

[عاشقه رويشد]

لا مو شي البخل مو حلو حلو انه الواحد يقتصد البخل لا كلش ماحبه

انا مره خطبني واحد امه تقول حق امي مانبي وحده تصرف وتلبس وتكشخ ههههههههههههههههههههههههههههههه اول ما قالت لي امي قتلها من امه لا لا مستحيل شنو ما البس مااكشخ بياخذ خدامه ولا مره

 

[البنفسج]

..

يع !..

مستحييييييييييل !..

أنا أكره البخيل !.. وبطبعي مسرفه لدرجه كبيييره ..

وماحب البنت البخيله !..

أحس الشخصيه تتغير كلها بعيني ..​

 

[o-2ansa candy-o]

البخل مرض
الله يكافينا الشر
والبخيل ما يتعاشر

 

[Namlah]

البخل صفه مذمومه قال رسول الله صلى الله عليه وسلم((ثلاثة يشنؤهم الله..التاجر الحلاف والفقير المختال والبخيل المنان))

والكرم والجود صفه مستحبه
ولا يرتيط التوفير بالخبل...يعني كل واحد يوفر على قد امكانياته مو يخش المعاش كله على اساس انه توفير وماظن ان هذا التوفير راح يوصل للنجاح وعلى قولتهم مال البخيل ياكله العيار
وبالذات للرجل يعني مو يكون منبوذ الا مكروه بين الناس اذا كان بخيل
واعتقد البخل كثير بالماديات نادر مايوصل للمشاعر لانه المشاعر احساس داخلي
وفي ناس كريمه بس مشاعر مافي
وصعب المراه تعيش مع زوج بخيل لانها راح تندم على اللحظه اللي رضت تعيش فيها معاه لانها راح تنحرم من ابسط شي تحتاجه
اما ذا المراه بخيله احس شوي اهون من الزوج لان الزوج المفروض ماينطر من زوجته شي لان هو المسؤل عن المصاريف وعياله

ويعطيج العافيه عالموضوع

 

[ارتيكازا]

لا طبعا ويييع اكره شي البخل هذول المحرومون في الارض و دايما البخيل نوكل عليه فلوسه مال البخيل ياكله العيار

 

[سـارهـ]

لا ويع شنو ابخل الى متى وانا ابخل
اذا بخلت اخش فلوسي الى متى لمن اموت يعني
و على قوله المثل ( مال البخيل ياكله العيار)
والحمدلله ولاشكر ع النعمه

 

[تنـــاســـانــي]

هل البخل داء ... وهل لهذا الداء دواء ... هل هو مرض خطير أم هو مجرد حرص وإدراك إيجابي ...
اي البخل داء و داء خطير بعد .. و ما اعتقد له حل .. يمكن معجزه تصير و يتغير حال البخيل ؟؟
مرض خطيييييييييييير .. و مو حرص كلش في فرق بين الحرص و بين البخل ..

هل هو غباء أم هو ذكاء وحسن تدبير أم غضب ونقمه من عند الله ..
لا والله غباااااااااااء .. اخرتها موته .. شمحصل البخيل من هالدنيا ؟؟
بياخذ فلوسه معاه يعني ؟؟
اي نقمه من الله

هل البخل في الماديات فقط أم يصل إلى المشاعر والأحاسيس والكلمات أيضاً ..
دائما يصل الى المشاعر و الاحاسيس لان بصراحه ماشفت بخيل يحب و لا بخيل حنون ..
الانسان اذا حب ما يتحسف شي باللي يحبه .. اذا كان يحب من قلب طبعا ..
علشان جذي البخل حتى بالاحاسيس


كيف ترى المرأة الرجل البخيل وكيف تنظر أليه ...
باستحقاااااااااااااااار ..

ماذا تفعل إذا اكتشفت هذا البخل بعد الزواج وأنها كانت تعيش مع زوج بخيل وان أيام الخطوبة كانت مجرد تمثيل ..
عن نفسي .. الطلاق احسن حل .. لانها راح تعيش ناقصه عمر .. راح تعيش بنكد نكد نكد


ماذا يفعل الرجل إذا اكتشف هو أيضاً بان زوجته بخيله مادياً وحسياً ...
الرجل بهاذي الحله .. اذا كان ذكي .. بيحاول يعودها ع الافضل .. لان اهوا المسيطر دائما ..
بس اذا مافي فايده هم بعد الطلاق ..

لان تأثير البخل سلبي الا ابعد حد ممكن تتصورينه ..
يكرهه العيال بابوهم و يكرهه المره بريلها .. و الزوج بزوجته و الا ماله نهايه

هل التوفير عن طريق البخل يؤدي إلى النجاح
ممكن للبخيل يؤدي الى نجاح ..بس للناس اللي حواليه .. الفشل طريجهم ..
يعني جنا عليهم


بس نسيتي تسألين عن السبب ؟؟

من راايي .. (( شبع بعد يوع ))
والعامل الوارثي يلعب دوووووووور كبييييييييييييير

و يسلمو حياتي ع الموضوع

 

[كريستال ليدي]

البخل من اسوء الأخلاق

و الانسان البخيل معروف ما يستحي ولا عنده اخلاق و ما يتعاشر

 

[ام حلومي]

اي قلت انا الحب يطلع علي بذره يعني شغله متوارثه

ذكرتوني بحلقه حياه الفهد يعني شحقه ايمعون حق القبر

 

[nazek_q8]

مرض مرض مرض الله لا يبلينه

 

[الحديث ذو شجون]

الله يعين اللى يطيح في بخيل. صج الواحد وده يوفر للمستقبل بس مو لدرجة انه يقصر على بيته و عياله.
و يقولون مال البخيل ياكله العيار

 

[ام حلومي]

اي والله في ناس تيمع بس مو جذي

 

[miss abrar]

ناس وايد اعرف استغرب منهم قمه في البخل ويشوفون نفسهم قمه بالكرم وانهم حكيمين مو بخله واهمه يحسرون على نفسهم كل شي .. ليش ضامنين ان بتعيشون 100 سنه؟ الواحد يشل للمستقبل بس يلبس ويعيش مثل الناس بعضهم رواتبهم حلوه وما عندهم التزامات ما تشوفينها لابسه شي يسوه كله خلاجين وارخص ما يكون وتلبسه مليون مره لو ظروفهم صعبه نقول اوكيه الله يعينهم بس مثلا معاشها 1000 تشيل 900 وتصرف 100 وتخش 900 ؟؟؟؟؟ لا تقولون هاذا مو بخل ؟؟؟؟