هل الحب حرام؟

[nani88]

ماشاء الله البنات ماقصروا.. والمشاعر صعب الواحد يتحكم فيها بس احلى شى انه ايكون بالنور والشى اللي اتخافين اتسوينه بالنور تأكدي انه غلط .. والله يوفقج

 

[SeNyOrA Q8eYa]

الحب العفيف النظيف حلااااااااال

 

[C'est La Vie]

قبل لا اجاوب اذا حلال ولا حرام
بهالوقت هل في شي اسمه حب اصلا؟

 

[um katkot]

اعرف وحده متزوجة تقولي انها شافت واحد بعرس و فز قلبها عليه و لما شافت اول مره كان قاعد يطالعها و عقب العرس حست جنها تعرفه من زمان و حست انها تحبها انا قلت لها لا تخلين الشيطان يقص عليج شلون تحبين واحد ما تعرفينه و نصحتها و عقب فترة جذيه 3 او 4 اشهر دقيت اسال عنها تقول انها قامت تحاول ما تفكر فيه لأنها تعبت وايد و كل ما يطري على بالها تتعوذ من ابليس و التزمت بصلاتها اكثر و تدعي ان الله سبحانه يشيل محبته من قلبها و تخيلو تبجي و تقول انها وايد تعبانه بحياتها ما حست هالشعور و ضعفانه ماتاكل و تقول ما تدري شتسوي زهقانه حياتها و الله كسرت خاطري

 

[اميرة-الاحجار]

اكيد حرام حبيبتي علاقه مو شرعيه بين مره وريال وفيها كلام حب وطلعات وشهوه وفتنه وخرابيط وممكن توصل للمحظور والزنا والعياذ بالله
بالنسبه لي ماتتغير نظرتي للبنت لان هاذي امور شخصيه طالما ان البنت محترمه معاي مالي شغل بقلبها .. لكن بالشرع هالشي حرام

 

[روح الدنيا]

قبل لا اجاوب اذا حلال ولا حرام
بهالوقت هل في شي اسمه حب اصلا؟

و أنا أشهد :denya:

 

[mi corazon]

بنات اللي يقولون الحب مايجوز او انه مو موجود بعهد الصحابه والنبي!!!!

ما سمعتوا عن :

الا تعجبون من حب مغيث بريرة ومن بغض بريرة مغيثا ؟ (هاذا ماهو حب؟)<---- على الرغم من طلاقهم إلا انه مازال يحبها الشي مو باليد

وما سمعتوا عن اللي حرق أصابعه بالشمعة علشان ما يرتكب الفاحشة بالفتاة بخلوتها معه ؟؟؟ ليش؟ يحاول ان يتغلب على شهوته .. دخلت البنت قلبه وتزوجها

هذا ماهو حب؟

وغيرهم ..

ألم يكن الرسول صلى الله عليه وسلم يأمر الخاطب أن يرى خطيبته .. إن وقع حبها في قلبه تزوجها !!!

وغيرها مرت علي وايد حكايات من اروع مايكون

شاب شاف وحده بالحملة أثناء الحج .. وتم يحبها واهي تدري من بعيد لي بعيد .. تخيلوا وعانوا من الحب .. ليمن الله وفقهم وتزوجوا .. لكن الفرق بينه وبين الشباب اللعابين .. إنه ما قال لها خنكلم بعض ونعرف بعض اكثر ولمن اتصير ظروفي اوكي اتزوجج

لا اللي يحبج راح يلحقج ويسأل عنج مو انتي اتدللين له عن نفسج


والخير من هذا كله انج تدعين

اللهم اكفني بحلالك عن حرامك واغنني بفضلك عمن سواء

اللهم ارزقني بالزوج الصالح الذي يملأ قلبي وعقلي

ماقول الحب قبل الزواج حلو .. لأني اعرف قصص لناس مقربين انصحوني بالحب بعد الزواج وقالوا ان شمعة الحب تطفي لو كان الحب موجود قبله

لكنها تكون احلى عقبه

وربكم يعطي كل وحده على قد نيتها

لا تقولون اكو بنات لعبوا ولعبوا وبالاخير تزوجوا احلى زواجات .. سبحان الله ماتدرون شنو متخبيلهم

ولا تقولون حظنا مو حلو...

كلشي مكتوبلج من قبل لا يتخلقون اهلج حتى

فلا ادابجين وايد وتقطعين عمرج

اقول لكم شي؟ تدرون شلون افكر آنا؟

كل ما احد يقول ها بعدج ما تزوجتي؟؟ أقول اهو زوجي وحبيبي موجود بس بعده اهو ما لقاني .. قاعد يدور علي .. وربي راح يجمعنا مثل ما جمع ابونا آدم وامنا حوا من الهند لي الحجاز


وسلامتكم

شرايكم فيني؟؟ العرج اللي فيني طاغي

 

[Doha0999]

والله صدقتي مو كل بنت لعابه وتطلع طلعات ماتتزوج بالعكس في بنات يخربطون واااااايد ويتزوجون ويستقرون سبحان الله وذا الوحدة الله كاتب لها تتزوج ، بتتزوج واذا لا بعد الله كاتب هالشي الواحد مايكون ملقوف واذا ماتزوج يكتئب ، في اشياء وايد حلوة بالدنيا ،،

والله يوفق الجميع

 

[Q8.Bee]

السلام عليكم ورحمة الله و بركاته
خواتي الله يجزاكم خير و يبارك فيكم

انا ماقصدت بردي ان المشاعر محرمه و اني حرمت الاحاسيس الحلوه .....انا ردي كان واضح و صريح عن العلاقات المحرمه
يعني اللي تجمع رجال ومره بإسم الحب هذا قصدي

وبناتنا الله يهديهم و يصلحهم (( البعض )) عندها التلفون و الطلعات الهدايا و غيره اهو الحب........وانا كان كلامي موجده للفئه هذي

فهموني انا كل ردي السابق كان مبني على اساس ..ان العلاقه بين رجل و امرأه بإسم الحب...... اهي اللي محرمه


اللهم بلغت اللهم فشهد
​

 

[Blue BerrYa]

Q8.bee

بعد قلبي والله كنت فاهمه كلامج اخيتي وعسى الرحمن يبارك فيج وينور دربج

بس انتي لانه قلتي الحب وكلمه حب نفسها اهي اللي كنتي تستخدمينها بالرد وفي بعض الناس الله يهديهم ويهدينا راح يفهمونه بهالطريقه

عشان جذي حبيت اوضح الشغله


والله يوفقج ويزاج الله خير عالتوضيح

 

[كرستالهـ]

الانسان مو بيده قلبه بيد الله سبحانه وتعالى
يعني اذا البنت حبت شخص ماتقدر خلاص ماتقدر تقول لقلبها لأ
واذا حبته هاذا اعتقد شئ عادي
بـــــــــــــــــــــــــــس الغللللللط اذا بينت هالشئ له وصار بينهم نظرات وطلعات وكلام
ومشاعر
والله اعلم

 

[brettey]

لا ماتتغير نظرتي من ناحيتها عادي اهي حره

 

[noreez]

الحب .. نعمــــــــــه من الله علينا ومشاعر مخلوقه فينا
وطريقه استخدامنا للحب اهيه الي تحدد اذا حرام ولاحلال
مو بيدنا نحب الي بيدنا انه ما ننجرف وره الحرام باسم الحب


وشكرا

 

[carrot^cake]

حلال او حرام مادري

بس انا ما تتغير نظرتي للي تحب

 

[نهى أحمد]

عزيزتي
مشكووره على هذا الموضوع

الحب الطاهر العفيف اللي يكون من بعده زواج مو حرام
مثل ما قال المثل (دق الباب تسمع الجواب)
أما الحب اللي تيي من وراه المشاكل وعوار الراس وله أغراض ثانيه فاهو حرام

 

[^^اليتيمه^^]

اه يالحب

انا لما فكرت احب فكرت احب مطوع ههههههههههه يالله سخريه القدر

وقدر مشكلا كااااااااان وياي وخلاني اوووووووصله ولما قلت له
قالي

ماقدر اكلمج الشرع مايسمح لي
يابابا تزوجنيييييييييييي والله شحلالاتي وكفايه منك وفيييييييييييييييييييك ياخي حاصلك وحده نفسيييييييي

ياخي والله اناااااا ابييييييييييييييييييييييييييييك وابيييييييييييييي اعيش معااااااااااك واتمنىىىىى تهدينيييييييي بيدييييييك

بس اه قالي انا بمللللللللج
ومشكلا يابنات

معاي بالجامعه

وبشووووووووووفه باجر الله يعين:<

 

[جوري الكويت]

الحب الشريف لازم يصير من غير تلفونات و خرابيط

يعني الولد اهله يكونون متكلمين مع اهل البنت و يحجزونها

و علاقتهم تصير مثل نوع من الخطبه .. حتى لو طولت المده شوي (( مثلا على ما يتخرجون ))

على الأقل ما يصير شي من ورى الأهل

لأن الصراحه ما أدري شلون الي تتزوج واحد تكلمه قبل ما تاخذه .. و الدنيا كلها تدري

بالمستقبل .. تقول حق بنتها لا تكلمين ولا تحبين !!!!

 

[أميره بلا قصور]

انا ما ابي افتي
بس عمري ماقريت و لا سمعة من احد ان السنه النبويه او التاريخ الاسلامي
يقول ان البنت حلال تحب
واحنا نقتدي بمنو غير امنا عايشه و بنت نبينا عليه افضل الصلاة و السلام فاطمه
عمري ماقريت ان فاطمه بنت الرسول عليه الصلاة و السلام كانت تحب او اي وحده عاصرت زمن الرسول عليه الصلاة و السلام
اقصد الصاحبيات و بنات الصحابه و اخواتهم
ماذكر التاريخ انهم حبوا ؟؟؟؟؟؟

و لا قريت بالقران ان الحب حلال و لا بالسنه اقصد الاحاديث

اللي اعرف وتعلمته من دينا و من عاداتنا و تقاليدنا
ان الوحده مايجوز يكون لها علاقه برجل حتى لو كان ولد عمها او خالتها يعني بالعربي لا قريب و لا غريب
و لا يجوز احد يشوفها او يسمع صوتها غير محارمها

و احنا كبار وورانا حساب و عقاب
احنا امة لا اله الا الله
و احنا احفاد الرسول عليه الصلاة و السلام و احنا خلفاء الله بالارض .....شلون نمشي بطريج الشيطان اللي اهو عدو انبيائنا و امتنا و عدو الله ...شلون نعصي الله اللي خلقنا و انعم عليها من كنا في بطون امهاتنا بنعم كثيره لا تعد و لا تحصى

شلون نكون ناكرين الجميل و المعروف و النعمه ؟؟ّ!!

انا بعرف اللي تخون ربها ماتخاف يغضب عليها و يعاقبها بالدنيا و الاخره؟؟؟؟
اللي تخون اهلها ..ماتخاف باجر بناتها يخونونها و ينزلون راسها بالارض
ما تخاف تنزل روس ابوها و اخوانها و توقف نصيب خواتها و بنات عمها

................

انا ادري ان الكلام هذا عارفينه و ادري ان مايحرك في البعض شي
...........

بس من ناحية العقل
امسكي ورقه و قلم
و قسميها نصين
نص ايجابيات العلاقه المحرمه و سلبياتها
وانا واثقه ان مالها ايجابيات ابدا وواثقه ان الورقه ماراح تشيل سلبياتها لانها كثيره


يا بنات كلمتكم بدين و بالعقل فتعضوا
اذا الرسول عليه افضل الصلاة و السلام يقول اكثر اهل النار نساء و يبجي علينا و على حالنا
وقبل وفاته يبجي تدرون ليش؟؟؟يقول اشتقت الى اخواني ...؟ تدرون من اخوانه ؟؟؟؟............. امه تأتي من بعده تؤمن فيه و لم تره

يعني احنا ..النبي الكريم مشتاق لنا يبي يشوفنا بالجنه

بس احنا لا غارتنا الدنيا و غرنا الشيطان و اتابعه من الانس و الجن


الواحد مايدري متى منيته يمكن انا اموت قبل لا ارسل ردي هذا ..بس راح تكون خاتمه زينه بإذن الله
عكس اللي ماتتقي الله في ردودها يمكن الله يقبض روحها على كلمه سيئه تكتبها ..الله المستعان
أسأل الله لي و لكم حسن الخاتمه و الجنه و ان يجيرنا من النار يارب العالمين


يا اخواتي محد عنده صك متى يومه و لا بيجيه خبر قبل وفاته بوقت عشان يمديه يتوب لا والله ان الموت يجي فجأه و بغته

فعملوا لقبركم

تزودوا فإن خير الزاد التقوى

مافدرارد او ازيد شي لان الاخت كفت ووفت..جزاج الله خير واسأل الله الهدايه للجميع

 

[Doha0999]

اللهم امين​

 

[yassoo]

بوجهة نظري حلال لو كان بنية زواج
اما تليفونات ومواعد وطلعات لأ