كبرياء امراة
New member
- إنضم
- 25 يناير 2008
- المشاركات
- 505
- مستوى التفاعل
- 0
- النقاط
- 0
السلام عليكم
شخباركم وشلونكم وشمسوييييين
أتمنى إنكم كلم بخير وبصحة وبعافية
ياأعضاء ياكرام طبعاً
&& اكثر اهل الكويت &&
مشهوريييين بالطيبة والأخلاق والكرم وكل الصفات الحميدة والزينة
يعني ماشاءالله على هذه الشعب مشهور بهذه الصفات وهذا من فضل الله تعالى علينا
وخلوني أشوي أركز على
** صفة الطيبة **
من خلال وجهة نظري الطيبة خلق حسن وبالعكس الانسانه إذا تميزت بالطيبة
راح تكون محل احترام الجميع وخصوصا اللي يثمن مثل هذه الصفات
وطبعا أنا ماأتكلم عن الطيبه اللي تنوكل حقها وتكون على نياتها ويمشونها الناس يمين
ويسار ,,,
أنا أتكلم عن صفة الطيبه اللي تقدر تتخذ موقف صحيح في أي ظرف من الظروف
يعني
&& أتقي شر الحليم إذا غضب &&
للأسف أحيانا تكون الطيبة ضدك مو معك وتخلي بعض الناس تتطاول عليك
ولا يعطونك أي إعتبار ... لأنج في نظرهم مو طيبه , لا , إنتي في نظرهم إنسانه عاديه
ومالك أي تأثير ولا راح يعطونك أي اعتبار اذا أرادوا أن يتصرفوا أي تصرف حتى لو كان ضدك
فالمشكلة في أمرين :-
الأول
إن الانسانه الطيبه مو عارفه كيف ومتى تستخدم طيبته فيصير طيبه على طول مما يسمح للغير
إن يتجرأون عليها ويمكن يتطاولون عليها
الثاني
إن الانسانه الآخره تستغل طيبتك لأن مو فاهمه معنى طيبه فهي تشوف الطيبه إنسانه (( ماتخوف ))
ولا له أي هيبه ,,,عشان هالشيء مايكون عندها أي خوف أو ردع من هذا الانسانه الطيبه
وطبعا هذا أمر معروف حتى في المدارس تشوفون المدرسه الطيبه يلعبون عليه الطلابات
ولا يخافونه ,,,
أما المدرسه النذله والشينه واللي مسويها روحه شخصية كيف الطلابات يخافون منها .
ياأعضاء ياكرام بصراحة كثير من الاحيان ودي أطبق المثل اللي يقول :-
&& كن نذلاً تعيش ملكاً &&
وهذا أمر شبه صحيح في هذا الزمن وللأسف
الشينه والنذله واللي ماتتنازل عن حقوقه والشديده واللي تعرف كيف تاخذ حقها اهي اللي تعيش
وهي اللي الناس تحترمها وهي الانسانه اللي الناس تخاف تحتك معااه او تنصب عليها
في الأخير أقول
الدنيا تغيرت والنفوس تغيرت والمجاملة والضحك مع كل الناس صار في رأيي خطأ
لاتصيرين طيبه زيادة عن اللزوم ,,, الدنيا صارت دنيا المصالح وكل وحدها تعيش لمصلحتها
وهذه مو دعوه بعدم التعاون مع الناس والمجتمعات الثانية ..لا والله مو هذا قصدي
بالعكس الاجتماعات المفروض تبقى والجمعيات المفروض تبقى ومساعدة أبناء الكويت المحتاجين
المفروض تبقى وخصوصا كمجتمع يتصف بالوحدة والتماسك ولله الحمد ,,,
بس الطيبة الزايدة في هالزمن مو من صالحج ... لازم تكونين اشوي أنانيه ونذله وشينها وشديد ولا تجاملين حيل وتعرفين تردين على اللي يغلط عليج أو يحاول يتطاول عليج ولو بكلمه لأنه بكل صراحة فيه ناس ماتجي الا بالعين الحمراء ...
وأأسفه على الاطالة
يعطيكم العافية
التعديل الأخير:
