هل الكويتيين صج مفرورين؟؟؟؟؟

[بنت الحزن]

فينا و الله شويه بس طيبين

 

[فاطمة76]

يا ناس انا مو كويتية و احترم شعب الكويت لانه فعلا شعب طيب و كريم و اي بلد فيها الزين و الشين وفعلا فيه ناس مغرورين بالكويت مثل كل بلاد الدنيا بس الله يهداكم ليش تعتقدون انو باقي الشعوب محترة منكم او حاقدين عليكم على شنو بيحقدو عليكم على نعمة المال المال مو بس بالكويت و لا هو مرادف للرقي او التحضر او الاخلاق كل بلد فيه الغني و الفقير و بكل الدنيا فيه ناس عايشة عيشة الترف وفيه الناس ما عندها عشا ليلة االله يرزقهم و اللي عنده الله يزيده انا فعلا اضايق لما اسمع الكويتين يقولون انو العالم حاقد عليهم او يفكرون انو الجنسيات الثانية كلهم فقراء و معدومين

 

[كويتيه وبس!!]

مشكورين خواتي على الردود والتفاعل مع الموضوع فاطمه حبيبتي احنا شعب مجروح وانجرحنا من اشقااء لاتلومين بعض الخوات لمن قالوو وايد شعوب تغار مناا وانا اعتقد كلامهم صح اكبر دليل لمن صار الغزو علينا تشمتو فينا واهم معروفين منو هالشعوب ولا اجمع الكل

 

[فاطمة76]

انا اتفهم احساس الكويتيين بعد الغزو لكن الحمد لله شعوب كثير ساندت الكويت بتعاطفها المعنوي و فيه دول ماشاء الله فتحو حدودهم للاسر الكويتية الغدر و الشماتة طبع الجبناء و المعقدين و الحمد لله احنا امة مسلمة نساند بعضنا بالسراء و الضراء و نتمنى الخير يعم على الامة الاسلامية كلها ومع ذلك لايمكن ان نحكم على شعب باكمله من خلال تصرفات أناس فاسدين او ضالين او مغرورين لان الاسثتناء لا يقاس عليه
إذا كان فيه كويتين مغرورين فإن غاالبية الشعب الكويتي طيبين و كرماء و هذا مو كلام او مجاملة لاي احد بل من واقع تجربتي الشخصية

 

[كويتيه وبس!!]

مشكوره اختي فاطمه على ذوقج اثريتي الموضوع برايج ويسلمووو يالغلا

 

[girl_in_abottle]

اكثر الناس في العالم إلي عندهم ال"إغو" يعني "الأنا" عالي اهم الكويتين

يعني شوفي اشلون يخزونج لمن تروحين السوق, خزة تهز العظام جنج ذابحها امها

و يعامل الي أقل منة بدونية, يعني لو تقوليلة اعتذر للسايق لانك غلطت عليه, يقول "انا انزل من مستواى؟"
و كلة يقولون "وع كلة هنود و كلة ....." يعني اشفيهم باجي الجناسي؟؟

وصايرين عبيد للماركة
و يقيسون التطور بعدد المولات
يعني انتي شفتي البنت الي كتبت موضوع بالمنتدى تتهم الكويت في بالتخلف, ليش؟ لانة الكويت مافتحوا "سي فو را" لي الحين. وتقول "دبي تطورت و عندهم كل شي و احنا لي الحين متخلفين"

و همن قبل جم يوم اكو موضوع يقول الناس تطورت و انتوا مستانسين على الأفنيوز؟؟
يعني هذة صارت عقلية شبابنا , بس تفاخر و عل الفاضي

طبعا انا ما أعمم, لخليت لخربت
و الحمد لله على كل حل, و الله يحفظ الجميع

 

[softlady]

شوفي انا اقولج شنو الي يصير معاي

لما اروح مصر او لبنان البس لبس بسيط حق السوق واتمشى عادي


من اضيع بمكان اتكلم مع احد ويعرف اني كويتيه اهو الي يفز من مكانه ويشتط عشان يدليني


اشلون ما انغر ؟؟؟؟؟؟؟؟؟؟



والعكس صحيح لما اسافر دوله اوربيه او امريكا


عادي

ولا يعبروني


عندهم كويتي يعني عربي مسلم وبالتالي هو اما متخلف او ارهابي


وعاد اخذي من نظرات الاحتقار


وانا واهلي انطشششششش


يايين نستانس مو نتهاوش

وماني ملزومه اوقف واحد واحد اشرحله وجه نظري



بعد قلبـ قلبكمـ

مع تحياتيـ softlady


.

 

[بنت رؤس القبايل]

اصاااااابعج مو سواااااااااااا


وموكل الكويتيتن جذى


يمكن فية نسبة بس مو الكل



بعدين تعالى يحق لنا واللله نغتر شعب عايش بدموقراطية محد من الشعوب يقدر يعيش فيها

وفووووووق هذا اميرنا يبرد القلب


والى حابين نقوله نقدر نقوووولة ومانخاف من شئ



على فكرة لو احد من برا يعيش عيشة الشعب الكويتى صدقينى رااااااااااااااااااح يغتر


والله الحمد الله هذا من فضل ربي

 

[!! الواصليّـــــة !!]

( لايدخل الجنّة من كان في قلبه مثقال ذرّه من كبر )

..

لا حبيبتي ...

احنا شعب نتميز بالبساطة والأجتماعيه في العلاقات ..

..

وصدقيني

اي صفة تلاقينهاا بكل مكان !

الغرور موجود والعياذ بالله منه .

لكن هذا مايعني ان الدوله كلهااا شعب مغرور !

..

واذا كانوا الناس برّه يشوفونا جذي !!

فالعتب ع اعلامنااا !!

ومسلسلاتنا اللي متنا نقول هذي ما تمثّل الا كاتبهاا !!

ومستحيل انها تمثّل شعب الكويت الطيّب ..

..

دمتي لي

 

[فرح العجرف]

اي نعم مغروررين!!!!



الكثير منااا يتمننون علي غيرهم بقول احنا سويناا لدولة الفلانية كيت وكيت

هذا يتسمي غرور


والاعتراف بالحق فضيلة


تحياتي

 

[CuTiE PiE]

شوفى حبيبتى انا راح اقولك وجهه نظرى بما انو اكثر صحباتى بالغربه من الكويتيات....
البعض منهم مو كلهم فيهم غروووووور غير طبيعى يعنى هما يعتقدون انهم احسن من اى وحده خليجيه ثانيه.....
بس هالشى نفسه شفتو فى السعوديات ....وعلى فكره انا سعوديه بس من جد حتى بعض السعوديات فيهم الغرور الى ماله داعى....

 

[كويتيه وبس!!]

اكتشفت ان اللي انقال عنا براا صج الزبده ........... الكويتيين نعم فيهم غرور

 

[جنتي^و^ناري]

البعض فيه غرور حتى على أهل ديرته

والمشكله في البيئة اللي عايش فيها يعني غصبا عليهم مايحسون لأن الأغلبيه واشكثرهم ادققون وايد عالمظهر

يعني مايقولون مثلا فلانه حليوه وأخلاقها حلوه لا اشحلوها تشتري دايما من المحل الفلاني وماتلبس إلا ماركات


الغرور موجود عند الكل بس زاد وايد انا عندي

واعتقد و أكيد هذا جهل .. حلو الواحد يفتخر باخلاقه و أهله وترتيبه ولبسه الحلو بس مايصغر غيره عشان اطلع روحه

 

[أمواج البحر]

يعني ليش مكبرين الموضوع

الغرور صفة بطبع الانسان مالها شغل لا بجنسية ولا بدوله

عادي كل الدول فيهم ناس مغرورين وبكل بيت و بكل مجتمع

الحين شنو الاستفادة من الموضوع ؟!

 

[كويتيه وبس!!]

يعني ليش مكبرين الموضوع

الغرور صفة بطبع الانسان مالها شغل لا بجنسية ولا بدوله

عادي كل الدول فيهم ناس مغرورين وبكل بيت و بكل مجتمع

الحين شنو الاستفادة من الموضوع ؟!

لما اتصيير صفه الغرور الصفه الابرز لنا ككويتيين وباعترااف الكثيراات اصبح برايي لازم تناقش ليش الغرور ياخواتي احنا لو الله يفكنا من هالمظاهر اللي فينا اللي مالها داعي وتصرفنا بطبيعتنا وبساطتناا اللي كانوو عليهاا اهلنا قبل انا متأكده ماكان فينا هالغرور وهذا رايي

 

[DoDo2004]

الغرور نسبي

ماادري داخل الكويت الاحظ اخلاقهم عاليه جدا بس خارج الكويت فيهم شوي غرور

 

[طبيخه]

بكل ديره فيهاا الزين والشين بس الكويتى اشعرته حمره مدرى ليش !!!