هل الله ينتقم من الظالمين؟

[Pinky -cat]

عندي ايمان كبير بربي وثقة بانه راح ينصرني على كل من يعاديني وبياخذ حقي الحين او باجر انا ما اتشمت بس

ربج كبير واذا خذا منج شي بيكون حكمة وصدقي انه بيعطيج اللى افضل منه واكيد خيره

 

[جوري الكويت]

الموضوع يعور القلب و حساس وايد

بس يحتاج شوي صبر و ايمان ب رب العالمين

يعني لمن تدعين لازم ما يكون عندج شك 1% ب الله سبحانه و تعالى


يمكن الله سبحانه و تعالى .. مأخر استجابه دعائج مو لانه انتي مو مظلومه

بس لانه يحب يسمعج و انتي تتوسلين و تدعينه و تطلبين منه

و ترفعين صوتج له بالدعاء عند كل اذان و ب كل صلاه و لمن تفزين الفجر و يطري على بالج الانسان اللي ظلمج


احنا البشر هذا طبعنا .. يمكن لمن تحصلين اللي تبين و تشوفين حوبتج .. راح تتوقفين عن الدعاء

و الله سبحانه و تعالى يحب يسمع دعاء عبده على طوول

فانتي لازم تدعين و تناجين ربج ... و تتعهدين له انج ما تنسينه بالدعاء حتى لو وصلتي حق اللي تبينه

و انج تحمدينه و تشكرينه على النعم اللي انتي فيها و على انه استجاب دعواتج و بين للناس انج مظلومه

 

[جوري الكويت]

عن تجربه في انسانه ظلمتني و تكلمت فيني قبل جم سنه .. و المظلوم يشوف الشهور سنين .. و السنه عشر سنين

و المطلوم يبي الله يستجيب دعوته بسرعه .. بس الله يحب يسمع مناجاه و دعاء العبد ..

و سبحان الله من تكونين مظلومه .. تحسين انج قريبه من رب العالمين ..

و كنت كل ما اشوفها .. اقول يا رب جعلتك الحكم بيني و بينها .. فأنت احكم الحاكمين



العام شفتها بالمسجد ب صلاه القيام .. لأن الظالم ترى حاله من حالنا .. مسلم يصلي و يصوم و يمكن يقوم الليل ..

و بينه و بين نفسه .. ما يشوف انه ظالم

لكن الله هو الحكم بين البشر ..

الحين اهيا طايحه ب مشكله كبيره .. و موصيه كل اللي حوالينها ان ما يوصلني خبر

لانها عارفه انها ظلمتني و خايفه اتشمت

بس اللهم لا شماته .. انا ما كنت ادعي عليها

بس الله وعد المظلوم بالاستجابه و وعد الله حق

 

[قاهره عذالي]

جوري الكويت

كلامج خلاني ابجي

واحس انها هالدنيا فعلا حقيره

ما تستاهل مننا نقضيها بهم ونكد وقهر

وربي لك الحمد على كل شي

ربي ماقصرت معاااااي

واكيد ربي مثل ما خلقني ماراح يخليني

 

[vogue grl]

انا اظلمت وايد بس وحده من مرات الي انظلمت فيها واثرت فيني وحزت بخاطري لدرجه انه بيوم من الايام نمت وحلمت بلموقف الي انظلمت فيه وبعدين قمت ابجي واشاهق بلبجي بلحلم ولم فتحت عيني اله وانا اشاهق بلصج سبحان الله اثاري وانا نايمه كنت فعلا ابجي ومن قلب وكان حزته توه ياذن اذان الفجر سبحان الله جنه اشارة الى انه الله راح ياخذ حقي وبعدها دعيت وانا واثقه بربي.

تبي تصيرين احسن منهم لاتشيلين بقلبج خلي كل شي على الله ومثل ماهم قلوبهم سوده انتي قلبج نظيف الله سبحانه لمن يشوفج تدعين لهم بلخير تبادلين الاسائه بلأحسان الله سبحانه يرفعج سواء بدنيا والاخر"

والله ينصرج على اعدائج ويحفظج امين

 

[قفشـه]

اي وحده انظلمت وكثر عليها البلاء تدعي بهالادعيه

رب اني قد مسني الضر وانت ارحم الراحمين

اللهم انا نعوذبك من جهد البلاء ودرك الشقاء

 

[متى يتغير الحال]

ولد عم ابوي رجال عود يعني بحدود 70 تزوج من بنت عمرها تقريبا 25 طبعا هو له بنات وعيال من زيجاته السابقه المهم زوجته دلعته واهتمت فيه وصار يسمع منها كلام حلو عمره ماسمعه ...غير المساج اللي تسويه له كل ليله يعني دلع دلع ..حملت منه وجابت بنت غارو عيال وبنات الشايب وصارو يدبرو لها المكايد ويشيشوه عليها بس ماكان يطيعهم وهم خايفين تجيب ولد ويسجل كل املاكه لها ..قدر الله ويصير حادث عليه ويتوفى الله يرحمه تخيلو والله العظيم عياله فرحو ومانزلت دمعة حزن من عيونه عقوق مابعده .
الزوجه المسكينه قررت تقضي فترة حدادها في بيتها تخيلو عيال زوجها اللي مايخافو من ربهم باعو عفش البيت قطعه قطعه وهي فيه حتى الثلاجه والغساله وحبسوها بغرفه يبونها تموت من الجوع والقهر ماخلصت فترة حدادها الا عقلها فاصل هربت من البيت وصارت عايشه بالشارع ومع هذا ماتركوها بحالها صارو يتكلمو بعرضها البنت اخذوها اهلها وودوها لمصحه نفسيه بالرياض جلسو يعالجوها 6 سنوات وبعدين رجعت لتبوك تبي تشوف بنتها هند تخيلو الظلام ماخلوها تشوفها دخلت المستشفى وهناك راح لها احد ابناء زوجها اللي هو عبد الله واعتدى عليها بالضرب الين اغمى عليها وبعدين هرب ولما صحت خبرت اللي بالمستشفى عن المعتدي ...ومسكته الشرطه وانكر الاعتداء وقال هذي مريضه نفسيا وهي اللي سوت بنفسها كذا سجن لمدة شهر واطلق صراحه
الحين ام هند بين الحياه والموت مشلوله ولا تتكلم .
عبد الله ومريم هم السبب باللي صار لها والله يابنات ام هند انسانه كانت محترمه وطيوبه ماتقدر تجرح احد وحساسه حيل مره كنت بجنبها مرت مريم ولا سلمت عليها قالت لي شوفي كيف تعاملني وانا ماسويت لها شي .......
الغريب السالفه هذي مر عليها تقريبا 8 سنوات ولا صار فيهم شي ماجا عدل الله فيهم .
بنات والله قلبي يتقطع ...........وام هند محتاجه دعواتكم ان الله ياخذ حقها من مريم وعبد الله
ناس واجد اذوهم وظلموهم غير ام هند
ياااااااااااااااااااااااااااااااااااااارب انصرعليهم ام هند وكل الناس اللي انظلمو منهم يارب عاجلا غير اجل

 

[قاهره عذالي]

الله ينصر ام هند
وخليها تحسب الله
لا مصحه نفسيه تنفعها ولا مستشفى

ولا حول ولا قوة الا بالله

حسبي الله ونعم الوكيل فيهم

 

[حبيبه قلبي نانا]

لااله الاالله محمد رسول الله حسبي الله حسبي الله حسبي الله حسبي الله حسبي الله حسبي الله حسبي الله

 

[نونو العصله]

http://www.youtube.com/watch?v=lylZamhsckU&feature=related

الظالم له يوم

 

[قاهره عذالي]

سمعت قصة الفيديو نونو
وظليت يومين افكر واتخيل القصه
فقدت بصرها من التعذيب
وان خف نظري من الحزن والدموع
مع ان اغلى شي بالانسان نظره
الله يكملنا بس بالصحه والعافيه ويكفينا شر خلقهم
اللهم انا نعوذ بك من شرورهم