هل انا عانس؟؟؟

[MHAHM-BAH]

السلام عليكم ,,,

شلووونكم يا بنات ,,,


انا عمري 22 سنه وليحين ماتزوجت ,,, هل عمري يعتبر بعمر العوانس؟؟؟ هل انا عانس ؟؟؟


ومتى يبتدي سن العنوووسة عند البنات؟؟؟

 

[Tom ♥ Jerry]

.

منو قال عانس !!
عيل الي عمرها 40 سنه و ليلحين ما تزوجت
شنو يسمونها متوفيه ؟!
ذكري ربج حياتي و اصلا ليلحين شباب
عيشي شبابج يا معودة لاحقه على الزواج وسنينة

 

[الصبر مفتاح]

لا ياحبيبتي شدعوه عليج

توووج ورزقج مكتوب بتاخذينه بالدنيا قبل الاخره ان شاء الله

الكلمه مو حلوه بعد عمري

تقدرين تبدلينها متأخرات بالزواج مو عانس

ضحكتيني والله وانا محتاجه اضحك

عسى الله يسعدج ويعطيج مافي بالج ويرضيج

 

[سفييره الكويت]

العنوسه بعد 30 سنه سنج مناسب للزواج ..

عموما نظرا لكثره الاناث وقله الذكور فالمجتمع يعاني من العنوسه خاصه مع صعوبه انها تقدر تاخذ رجل خارج عن المجتمع..

تقل فرصه الزواج بعد 30 سنه طبيعي الشاب يدور على الاصغر سنا ..

 

[-فلانة-]

إي حبيبتي عانس,,
على أساس العنوسة تبدي من عمر 11 سنة
يعني صارلج 11 سنة عانس،،
يعني ملكة العنوسة إنتي
ما أقول إلا الله يهديج بس،،
مادري من صجج ولا تتغشمرين..
وردة توج ما عرفتي الدنيا و قلتي عن نفسج عانس..
اشخليتي حق أم 30 و 40؟؟؟!!!!​

 

[~ بنت الهدى ~]

؟؟؟؟؟؟؟

 

[حبيبة أحلى زوج]

استانسي عيشي حيااااتج يبااا لاحقه علا الهم والغثا وماتدرين ترا مو شرط سعادتج بالزواج وبس في أشياء ثانيه بالحياة تخلي الوحده سعيده ومرتاحه ولاتخلين هالموضوع يستولي على تفكيرك صدقيني بتتعبين حيل وبالنهايه ترا محد ياخذ الا نصيبه يعني الزواج مثل المنيه ماتدرين متا يجي وشلون والله يرزقج بالرجال الصالح اللي يعينج علا دينك ودنياك

 

[princess-m]

22 وعانس
عيل 35 شنو ؟
الله يهديج ان شاءالله
ويرزقج بالزوج الصالح ​

 

[black rose BH]

هههههههههههه حسبي الله على ابليسج

حبيبتي انتي صغيره مو عانس

العانس الي من ثلاثين وفوق

الله يرزقج بالزوج الصالح يارب

 

[عادت ذكرياتي]

الله يرزقج الزوج الصالح

 

[أسيرة_أحزاني]

صلي عالنبي توج

 

[cba girl : )]

عز الشباب وين العنوسه بالموضوع

لووول الله يرزقج بالولد الصالح وماتمر هالسنه الا وانتي عروس

والسنه اليايه ولدج بحضنج ان شاء الله

 

[حنان الحربيه]

.

منو قال عانس !!
عيل الي عمرها 40 سنه و ليلحين ما تزوجت
شنو يسمونها متوفيه ؟!
ذكري ربج حياتي و اصلا ليلحين شباب
عيشي شبابج يا معودة لاحقه على الزواج وسنينة

ههههههههههههههههههههه لبا قلبك ردك موتني ضحك

ايوالله اذا 22 عانس اجل 30 وفوق وش يطلعون:eh_s(16)::eh_s(11):

 

[ولااء]

اي عانس













































شنو شفتي من الدنيا ياقلبي توج نونو اسم الله عليج الحياه جدام بنات موصج انتو يبه قلنا تو الناس وقلنا الارزاق بيد الله يبه لاحقه على الضيم والشقا لاحقه الله يرزقج الزوج الصالح

 

[granted]

إي حبيبتي عانس,,
على أساس العنوسة تبدي من عمر 11 سنة
يعني صارلج 11 سنة عانس،،
يعني ملكة العنوسة إنتي
ما أقول إلا الله يهديج بس،،
مادري من صجج ولا تتغشمرين..
وردة توج ما عرفتي الدنيا و قلتي عن نفسج عانس..
اشخليتي حق أم 30 و 40؟؟؟!!!!​

ههههههههههههههههههههههههههههههههههههه
ملكة العنوسة
فديتج :eh_s(7):

 

[فطوم 84]

ههههه ردودكم عجيبه حرام عليج والله انا اشوف حتي الثلاثين شباب وبداية عمرها الزمن تغير وايييد اشوف بنات بالثلاثين ياحلوهم شكلهم بالعشرينيات وبعز شبابهم بنظري مافي شي اسمه عانس الله خلقنا لكل عمر حلاته وماخلقنا الله عشان نعيش باحباط ونحاتي العمر بعكس في بنات كل ماتكبر تحلي وتبين اصغر والله يهداج توج ببداية حياتج

 

[جمآنه]

والله هم انا بعد اشوف الثلاثين شبـآآب ~~>رغم اني عمري بالعشرين

مو هذاسن أهل الجنهـ ..يدخل أهل الجنهـ...... حديث مُعَاذِ بْنِ جَبَلٍ رضي الله عنه أَنَّ النَّبِيَّ صَلَّى اللَّهُ عَلَيْهِ وَسَلَّمَ قَالَ :
( يَدْخُلُ أَهْلُ الجَنَّةِ الجَنَّةَ جُرْدًا ، مُرْدًا ، مُكَحَّلِينَ ، أَبْنَاءَ ثَلاَثِينَ أَوْ ثَلاَثٍ وَثَلاَثِينَ سَنَةً )

والرسول عليه الصلاه والسلام يقول لا يوجدفي الجنه عجوز كلهم يردون شبآآآب بأمرالله...

اذا كـــآآن الثلاثين شبآآب ...من بآب أولى العشرين عز الشبــآآب

 

[عضوا]

هههههههههههههه

يا حليلج

عاد تصدقين وحدة من قبل قالت لي اني اعتبر عانس لأني 21 و للحين ما تزوجت
عاد ضاق خلقي لأني ما اعرف معناتها
قلت لأمي جان تضحك تقول ما عليج منهم
خليها على الله
و رزقج مكتوب و ربي يرزقج و يرزقنا الزوج الصالح

 

[غرامي كويتي]

لاحبيبتي من يقول عانس
توق في عمر الزهور عيشي حياتك ولاحقه
على الزوج والعيال بيجيك يوم بتقولي ياليتني ماتزوجت ههههههههههههههههه
ريحي حالك اللحين وتمتعي بشبابك

 

[دلوعة صلوح]

هههههههههههههههههههه الله يرزقج الزوج الصالح يارب.