هل انا مخدوعه ؟؟

[مضاوي الزين كله]

السلام عليكم ورحمه الله وبركاته
مضاوي الزين كله اختي وعمرها 13 سنه وسجلت بالمنتدى علشان زوارة خميس فديتها
اليوم استلفت نكها ومااتمنى انها تشوف الموضوع علشان ماتنصدم
بنات انا احس اني مخدوعه مع انه للحين باقي لي خطوه علشان اتاكد اني مقصه وخبله

خل اقولكم السالفه من اولها
زوجي رقمه ذهبي وانا رقمي حجري يفشل المهم تحلطمت من الرقم
وجاب لي قبل سبع شهور اواكثر رقم مميز نفس رقمه بالضبط الاختلاف وين باول رقمين

المهم رفيجاتي ومعارفي ماعبروني كله عالرقم القديم وتكيسلت ادز الرقم الجديد للكل فاهملت الرقم ونسيته

وجت فتره دورت عليه بداري ماحصلته وما اهتميت خلاص طناش بس بلغت زوجي انه ضاع مني

معاي للحين ؟؟

المهم اليوم مدري نبشت بتلفون زوجي والا الرسائل المرسله مسجين حب ودلع للرقم اللي انا اهملته
طارت عيوني
ورحت السجل والا اتصال من الرقم الساعه تسع الصبح وقت انا بالدوام

رحت لزوجي وسولفت معاه وقلت له انا صج ماعندي سالفه لمن ضيعت الرقم اللي اشتريته لي
كل ارقام رفايجي حلوه الا انا
تهقى لو نطلعه نلقاه قال ما اتوقع
ونام وخلاني
وانا طار النوم من عيوني

اتصلت على الوطنيه 121 وكلمتهم
قلت له اخوي انا عندي رقم شريته وما استخدمته فتره طويله باتاكد اخوى للحين باسمي والا راح على
خذا الرقم قال اختي باسم منو قلت له اسم زوجي قال اختي موجود

فيني بجيه
اتصلت عاختي الكبيره وقلت لها اتصلي شوفي بنيه والا رفيجه
تقول شكوو رفيجه اكيد بنت واتصلت ماردت
قلت يمكن نايمه يعلها ماتقوم


بنات انا مقهوره
انا مومقصره عليه بشيء
يضرب في حياتنا المثل
انا ام عياله وواحد بالطريج
يحبني واحبه
نطلع نتمشى نسولف خلافاتنا قليله جدا تكاد لاتذكر

اشلون اصدق انه يلعب من وراى

واشلون اصارحه
لازم اادبه وازعل زعله جايده

بس هم مستحيه من اهلي
زوجي بوفلان مضرب المثل في وده واخلاصه يطلع لعاب

اشرايكم فيدوني
انا مخدوعه والا خبله والا شنو بالضبط

بابجي
ترى
ودي اتصل على اخوى واعلمه
ودي اقعده واقوله
ودي اتصل عليها من تلفونه يمكن ترد

شوروا علي

 

[الاحساس والطيبة]

رد : هل انا مخدوعه ؟؟

اذا تلفونه عندج دقي من تلفونه و شوفي من يرد

 

[7o0o0r]

رد : هل انا مخدوعه ؟؟

لا ماانصحج تقولين لاحد عن السالــفه لانها بينج وبين زوجج
ويمكن الموضوع فيه سوء تفاهم انتي دقي على الرقم نفسه وشوفي منو يرد عليــج واذا تاكدتي انها بنت فاتحيه بالموضوع قولي
انا شفت مسج بتلفونك من رقمي اللي انت جايبه لــي انت منو معطيه واذا قالج لا وين انتي بس مشبه ارقام قولي ياحبيبي انا تاكدت بنفسي
بـــس بغيــت اعرف شي واحد شنو اللي لقيته عندها ومالقيته عنـــدي والله والله وقتها رااح يسكت ويندم على الحركه اللي سوااها والله يوفقج وكل شي ينحل باليــن حيااتي شوي شوي تمشي الساالفه

 

[مــهــره]

رد : هل انا مخدوعه ؟؟

لاتقولين له ولا تعلمين اخوووج حلي امورج برووحج
ولا تكبرين الموضوع وتندمين
دقي اذا تلفونه عندج وتاكدي اول وعقبها حبوبتي لا تقولين لاخوانج قعدي ابو الشباب وقوليله الموضوع وشووفي ردت فعله !!!
يابنت ترى الطلاق مو لعبه وعيالج ومصلحتج
وحرام الظلم هدي نفسج واذكري الله
واذا طلعت لج بنت حاولي تخوفينها باسلوب قووي(( مثال انتي منو هذا تلفوون واحد مصري ومسوي نفسه كويتي ديربالج منه تري يلعب على البنات ويهددهم ولا تكثرين معاها بسوالف))
والله صج ترى والله تنفع اسالى مجرب!!!​

 

[مضاوي الزين كله]

رد : هل انا مخدوعه ؟؟

مشكورين

ان شاء الله ماتطلع بنت

 

[استكانه1]

هذوله الرياييل يمه

 

[monmon12]

اذا مثلا هذا الرقم حق ريفيجه وصدف وقدرالله
وردت مرته ؟؟؟
أو اخته ؟؟
ما تصير
صارحي ريلج احسن من التبشه وراه
قوليله انا جيكت مع الشركة وقالولي للحين الرقم باسم ريلج فعفيه حبيبي ابييه ))))))))))))
والله احسلج من شغل كولومبو

 

[Vouge]

رد : هل انا مخدوعه ؟؟

حبيبتي إنتي شفتي المسجات مسجات حب ودلع
يعني السالفة واضحة مو محتاجة تتأكدين

بس أنا اقول ضبطيه عدل .. دقي من رقمه و خل تكلمج البنت
عشان ما يقول لج ان هو وربعه عادي يطرشون حق بعض جذي


عقبها
واجهييـــــــــــــــــــــه

 

[عادت ذكرياتي]

إنشاءالله يفيدونج البنات
بس ما حبيت أطلع من غير رد
الله يهديه ويسخره لج

 

[كويتيه وافتخر]

رد : هل انا مخدوعه ؟؟

لاتحكمين عليه بسرعه
وفكري عدل

الله يهديه ويسخره لج

 

[om-7many]

رد : هل انا مخدوعه ؟؟

إنشاءالله يفيدونج البنات

الله يهديه ويسخره لج

ولا تستعيلين لان مو كل شي بالطلاااق

 

[eman84]

ماتخلص سوالف الريااييل افففف وهذا اللي ينخاف منه

السكوتي اللي قايم بواجباته وببيته و يطلع منه سوالف وبنات وخرابيط

انا اقول تأكدي اكثر وعدل قبل لا تفاتحينه بالموضوع علشان ماتكون له حجه

وزعلي منه في بيتج و بينج وبينه مالاداعي تطلع السالفه بره البيت اصلا انتو مو يهال

 

[انا مو هني]

رد : هل انا مخدوعه ؟؟

قعدي قعده مصارحه
قوليله ان انتي رقمج مو موجود
وبنفس الوقت ما انقطع لان ليلحين بسمي
ثاني شغله انتا داز مسج على رقمي ويبين انها بنيه
وانا دقيت طلعت بنيه
وشوف انا مو غشيمه ولا ياهل لاترقع لان كل شي واضح
الحين اقدر اكبر السالفه وافشلك عند اهلي واخليك تطيح من عيونهم
عشان وحدا زباله
بس انا ما ازعل عليها لان اهيا ما خانتني
بس زوجي الي خاني وزعلي عليه زعلت قهر ولاتحاجينه لمن يفرفر
وبعدين اكيد لابد ترظين عليه بس لازم يتعاقب اشويه
ويندم ويتحسف لان لو اهوا صايد عليج شي ترا ماراح تقعدين عنده دقيقه
انا ما اشيش
بس احس ان اذا صارحتيه وفهمتيه شالسالفه احسن من انج تخلينه بقلبج
ولا تطلعين من بيتج اهم شي زعلتج فبيتج

 

[حبيبي مالكني]

رد : هل انا مخدوعه ؟؟

حبيبتي اول شي تأكدي من شكوكج وهناك طرق وايد عشان اتأكدين بعدين قعدي مع زوجك وصارحيه بانج عرفتي بالموضوع كامل
وشوفي شنو ببررلج في كل الأحوال لا تقتنعين بكلامه ومبرراته
لان مسامحتج له بسهولة يمكن تخليه يكرر الموضوع
لا تروحين بيت هلج بس حقريه في البيت يعني روحي رقدي في حجرة اليهال مثلا
لازم تحسسينه انه غلط بحقج وااااااااااااااااااايد وانج وحده مب سهلة
إذا شفتيه صج بينت عليه الندامة سامحيه بس لا تذكرينه بهالموقف ابدا عشان ما يفكر في هالموضوع كلش

 

[ماسيتي]

عورتي قلبي حياتي الله يسخره لج انا اقول واجهي بإسلوب حلو لا تعصبين وتتهاوشين شوي شوي الله يسخركم حق بعض ويهديكم

 

[Q8stylle]

الله يهديه ويسخره لج