هل انتي حاطه رمز قفل لجوالك

[بنتي سوسو]

السلام عليكم

الحوار راح يكون مثل ما هو واضح من العنوان
ونبغى نتناقش فيه

هل انت حاطه رمز قفل لجوالك ........؟؟

ولـــــــــــــــــــيش؟؟؟!!

واللي تبغى تشارك معنا تقول لنا وجه نظرها

انا عن نقسي ماني حاطه رمز قفل لاني ماعندي شي اخبيه زي مايقولون كتاب مفتوح

وان شاء الله يكون موضوعي خفيف دم عليكم

 

[&أمواج&]

لا مو حاطة
احس ماله داعي
لأني شفافة وما عندي شي اخشة

 

[ROSE AL Q8T]

مالة دخل أن إلي حاطة قفل عندها شي تخشة ... لكن أحب يكون لي خصوصية ... وإلي يبي يفتش عادي أفج تلفوني ... بس هم إهي حرية شخصية

 

[● ταʝ ɨʟ ʀοοѕ ●]

ee 7a6a l2ana fe 9ware 3ashan le '9aa3 ma7ad ygdar yshoof shay o yba6la
D;

 

[m2q8e]

لامو حاطه بس تمنيت احطه بمرحله مرت من حياتي مع ان ماعندي شي اخشه عاااااااااااااااااااادي بس لقافه اوادم خلتني اندم اني ما حطيته بس حاليا لأ موحاطه:eh_s(6):

 

[أصدق شعور]

اي حاطه ... بتلفوني الاول كنت مصورة وكنت احط قفل اوتوماتيكي عشان لي ضاع ماتطيح بيد احد ,,,, عااد سبحان الله ضاع ومت حره وبجيت بس اشوا كان مقفل وطاح بيد وحده وردتلياه الحمدلله صج نفعني

اما الحين تلفوني ماأصور فيه وحطه قفل نفس السالفه يمكن يطيح بيد احد فأتطمن انه مايقدر يشوف شي .... وعشان اللي بيفتحه مايقدر الا بإذن ....

اعذريني ع الاطاله ...

ومشكورة ع الموضوع الحلوو ياحلوة

 

[حرية رأي]

صرااااحه

ماعندي شي مهم بجوالي

شنو فيه حتى ارقام اهلي مو مخزنتهم كلهم ههههههههههههههههه

جوالي فاااضي يالله رقم كم وحده من صديقاتي وكم واحد من اهلي وكم وحده من جماعتي

والاستديو حدث ولا حرج ههههههههههههههه

صور الاطفال الصغار التابعين للعائله الكريمه

او اناشيد

يعني ماله داعي رمز قفل

واذا حطيت احط بفتره معينه

 

[honey lust]

اي حاطه
عشان محد يتعبث فيه و احس ان من خصوصياتي

 

[احلى توتا]

اول شي جوالي كله خصوصيات

يعني في مسجات بيني وبين صديقاتي وراح تصير مشكله لو قرتهم وحده من صديقاتي
ونفس الشي في مسجات بيني وبسن خواتي وما تصير تشوفهم وحده من خواتي

بالاظافه الى مسجاتي بيني وبين خطيبي
والاهم من هذا كله صوري انا وصديقاتي يعني مايصير الجوال سبيل
يعني بختصار جوالي مهم وكله خصوصيه وهم ما اخترعوا قفل الجوال الا لزيادة الخصوصيه والامان

 

[دلـع راآايـق]

اي انا حاااطه

والسبب نفس اللي قالته

اختي احلى توتا

 

[آلسحرآلحلال]

اي احط وكل البيت داري .. شنو يعني !!!

عندي صور رفيجاتي + مسجات خاصة بينا ...

وغير جذي اخواني صغار ساعات يدزون مسجات ويتعبثون فية

 

[نـ(المطيري)ـازكـ]

لا والله مو حاطة ..

بس بخاطري احط .. لان انا وحدة نساية .. واخاف يطيح بأيد احد ؟!!

 

[روح مغليهآ]

انا حتى رقم سري مو حاطه لي ضاع اللي بيلقاه كل اللي عليه يشحنه ويتكلم!!

 

[غربــــة اِحساس]

لا مو حاطه مايحتاج

ومافيه الا صور عيال خواتي واخواني الصغار

 

[pink Engineerah]

اي والله حاطه لان عيالي الله يسلمهم جم مره يدقون ع الارقام اللي مخزنه ويدزون رسايل بعد

 

[so_what]

موحاطه مافيه الا صور يهال ، مع ان كل مره اقول ودي احط بس انسى

 

[عزوتي واااصل]

أنا حاطه عشان عيال أخوي كذا مره يفشلوني جدام الاوادم ويدقون من غير قصد
صارلي موقف محرج ومنها توبه لازم احط قفل
مسيفه أرقام مفتين وجاء ولد أخوي ودق رقم عشوائي وطلع رقم الشيخ والشيخ يقول نعم تفضل ؟
وانا من الصدمه والاحراج طلع مني سؤال مدري شلون طلع وإجابته عارفتها بس شسوي من الاحراج

 

[Bent extra 3asal]

اي حاطع قفل لان احب يكون لي خصوصيتي وهمن عشان اذا ضاع لا قدر الله

 

[manhattan girl]

اي و الله انا حاطه قفل تلفوني آيفون و حاطته لسببين الاول انه فيه العاب و اليهال ماشاءالله ما يخلون يتعبثون و يلعبون و يخلص الشحن هذا واحد و السبب الثاني ان الآيفون فيه ميزه حلوة اذا انباق او ضاع تلفونج و احد حاول يدخل الرقم بعد عشر محاولات راح يفتح معاه بس كل شي فيه راح بنمسح الارقام الصور و المعلومات كلها تنمحي جنه تلفون يديد و بس

 

[Tutti-Frutti]

عزوتي واااصل

مـت مـن الـضـحـك عـلـى سـالـفـتـج :krkrkr:
حـده احـراج



بـالـنـسـبـه لـلـمـوضـوع
اانـا مـو حـاطـه قـفـل حـق تـلـفـونـي
مـافـيـه شـي اخـشـه .. عـادي يـعـنـي :eh_s(6):