هل انتي حاطه رمز قفل لجوالك

[أربيعينية]

لا تبوق ولا تخاف

 

[blAnK hEaRT]

مو حاطة لان موحاطه صور ولاعندي شي مابي احد يشوفه

 

[فوشية...]

انا مو حاطه بس بحط

ومااله علاقة اذا عندي شي اخشه ولا لا

بس سااعاات اختي الصغيرة تتعبث بتلفوني

وتطرش مسجااات وتدق ع الارقاام المسيفة

مرة داقة ع المطاار ومرة ع الطوارئ لووووووول

بـــــس

 

[اميره بضحكتي]

انا قبل كنت حاطة والله من بنتي الله يخليها لي كانت ماتخلي رقم ماتتصل فيه لدرجة مرة الساعة 4 الصبح مااسمع الاصوت ابوي وقاعد يقول الو الو قمت بسرعة انا ولابنتي شايلة التلفون ومتصله عليه
بس بعدين سويتله رمز قفل بس زوجي مرة عصب عشان القفل وكسر تلفوني ومن يومها ماسويت قفل

 

[Eyena]

اي حاطه
وبأمر من زوجي بعد
طبعا اهلي وبنات خالاتي يعرفونه واخواني


بس تحسبا لي ضاع
حرام عناوين وارقام رفيجاتي فيه
صور عيال عايلتنا
معلومات عني سبحان الله كنت دازتهم مسج حق احد

 

[فـآنـتـآزيـا]

ماعمري حطيت رمز قفل لجهازي

ما احس ان له داعي

حتى عندي شي عادي اذا وحده من خواتي مسكت تليفوني وفرفرت فيه

مااادري في ناس عندهم التليفون خصوصيه؟؟!!

 

[[[ عيون جابر ]]]

والله مو حاطه او ودي احط لأن اختي انباق تلفونها والحمدلله كانت حاطه قفل للجهاز وانا خايفه على يوم ينباق مني لأن كله صور وفيديوات سفر وشغلات تخصني وتخص اهلي ,,, بس بشكل عام التلفون مايفارقني كله معاي
بس هم احس القفل أأمن وأحسن

 

[$$ صعبة الوصوف $$]

اذا حطيت قفل يعني عندي شي وبخشه !!!

شهالنظريه !؟

انا حاطه قفل والحمدلله ماعندي خرابيط وهالسوالف .

 

[!LoSha]

اي حـــاطة وامي بعد تعرف الرمز وانا حاطتة مو عشان عندي سوالف
لا عشان حماية مثلا اذا انباق فوني محد يقدر يبطلة

 

[دلوعة أبوهآ]

والله ماقدر أشيل فووني بدون قفل ..,
أحب تكون لي خصوصياتي بكل شي ..
ومافي شي أخبيه أو أخاف منه ..,

يعني لو أختي أو صديقتي طلبت مني تشوف فووني عادي بوريهـا ..
المهم اللي يشوف بعلمي مو من وراي ..

 

[لوكي 22]

ايه حاطه ..
لان عندي ناس فيهم لقافه ويتعبثون بدون استئذان وهذا شي ماحبه

ثاني شي مو عشان اخش شي .. شنو اخش .. ؟؟؟؟
بس هذي خصوصيه ومافي بتلفوني عيب ؟؟ يعني سوالفي مع ريلي ورفيجاتي ماحب احد يطمش عليها


مو معقوله كل من حطت قفل صار عندها شي عيب

 

[rayare]

انا مو حاطه احس ما لا داعى