تقبل الله طاعتكم .. وعساكم من عوادة يا رب ,, وكل عام وانتوا بخير ..
موضوعي الله يسلمكم عن ( ليلة الدخلة )
انا دشيت بكذا منتدى وقعدت مع أهلي من جيلي وجيل يدتي وأمي
فا اللي اسنتجته : اتفق النص الأول - ليلة الدخلة تكون بعد العرس
والنص الثاني - ليلة الدخلة تكون بعد ( عقد القران ) الملجة
الفئة اللي قبت بويهي وقالت ( لاااااااااا وشلووووووون وحجي الناس وعيب شتقولين ) فئة ليلة الدخلة بعد العرس لمن اعترضت وقلتلهم : شرع الله محد يحدد متى الدخلة تكون ,, يعني خلاص الحين اهو زوجها رسمي لو بغاها بعد دقيقة من الملجة ماترده ..
الا اذا كان في اتفاق من قبل عالعرس .. بس مو معناته ان ما اطلع معاه او أتعشى أو..... اللي خبركم .. اهني صج كلوني :eh_s(2):
أعرف بنات مساكين من يملجون لا حفلات ولا عروس ولا أي توجيب ولا يروحون حتى العزا !! ليش ؟
انا اعتبرها عادة دخيلة صراحة واهي سبب نص المشاكل اللي الواحد يكتشفها من الزوجين خلال فترة الملجة ويصير الطلاق .. طبعا مو كل الحالات ( البعض ).
نوروني باللي ما أعرفه ..
فا اللي بعرفه من بنات المنتدى وأرجو الكل من كل الأجيال اهي تقليد والا عادة ؟ صح هاللي يصير والا غلط ؟
وجهة نظركم .. الكيبورد لكم
بعد الفطور طبعا :eh_s(22): .. هني وعافية..
