من الزين انه الوحده يصير بحياتها شيين ,, خطوبة ,, مافيها دخول ,, بغض النظر عن اذا طلعوا مع بعض وصارت امور خفيفة , بس انها بالخطوبة وطول الخطوبة بنت (( بنت )) ..
وحلو انه بعد ليلة الزفاف ,, يصير لها الدخول سواء في هالليلة او بعدها بأيام ..
ولكن كل واحد وله ظروفه ,, والناس من كثر الظروف والسرعه وعدم التركيز ومن كثر الرقي صاروا مايركزون بهالشي ,,
ولا قبل كانوا يعدون للوحده حملتها عشان يصيدون هل دخل الرجال باملجه ولا بعد العرس ..
انا اختي دخلت بالملجه ,, وطقتها امي طققققققققق ,, مع انهم كانوا متفقين انه مايصير عرس وشاهرين هالشي بس امي لالحين شايله بقلبها هالسالفه لانها تقول ,, حتى لو ما كان في عرس بيصير بس ما تستعجل سيده من عقب الملجه من ملج عليهم الشيخ ماصار اسبوع الا اهي نامت في بيته ..
على الاقل جان تمت شهر ,, جان عاشت جو خطوبة جدام الناس ,, وعقب سافرة مكان واحنا بنشهر انها راحت شهر العسل ولين رجعت بنسويي عزيمة عشا بالبيت (( استقبال )) , ليش انا بنتي تعرفه ولا مسويه شي عشان افتك منها ..
وكنت اقول شفيها امي كبرت المسائل ,,
بس عقب لما شافت عيني وايد امور بالمجتمعات الخليجية , مثل بعض من اغلاط البنات المستهترات قبل الزواج كالحب والطلعات وشلون تتغربل عشان تتزوج حبيبها وتقوله مو مشكلة حتى عقب طلقني بس عشان تفتك من مسئلة سمعتها اللي راحت عند الناس على انها حبيبته ,, او علشان فقدت اعز ماعندها ..
قلت بقلبي يا سلام اكاهم يغطون ويتزوجون بسرعه ,, ليش الرجال مايتعب على المرة , ليش هي تتعب عليه ,, دام ماتعرفه ,,
والقصد انه مو يتعب عليها بفلوس لا بس في مسائل السنع ..
بس هم ارجع واقول كل واحد له ظروفه ’’ انا بيت عمي مطاوعه ماعندهم شي اسمه طبول ولا اعراس بفندق ومحد يروح منهم ,,
والحين صاروا بناتهم على هالستايل ملجه في البيت وسفر وحفل استقبل في البيت او في قاعه وبس ..
وارجع من وجهت نظري انه البنت الكبيرة اللي طافت الثلاثين حلو لها تسوي ملجه خفيفة او ملجه وسفر ,, احس اكشخ ,,
اما الصغيرة اللي توها قلبها غير ,, تبي تشوف مدرساتها بالمدرسة وصديقاتها والبنات الصغار اللي معاها وبتهدهم ..
