هل تؤيد الكتمان في القلب لفترات طويلة ؟

[manoooram]

كتم الخواطر والأحزان بالنفس لفترة طويلة حقيقة أمر متعب للنفس ومهلك
الا من تكيف مع هذا الوضع
لكنه أبرك و أفضل ..
بالبوح عن مكنون خواطرنا عند أناس لا تقدير لها للغير و فرحين لحزنك

 

[جوجوو نايس]

شـووف الكتمان آفضل من البوح بعض الناس تلقينها تفرح لمى تشوفج حزينة ..~

بس بعض مرات ماتقدرين تكتمين آكثر وتتحملين تلقين نفسج آنفجرتي لاشعورياً..~

يسلمووو ع هييييك موضووع ..~
ننتظر جديدج ..~

 

[رجااوي]

انا اذا وصلت خلااااااص ماقدر وعارفه نفسي لو تكلمت ببكي افرش سجدتي وافضفض ل ربي وابككككككككككي واشكي لربي
ان شاء الله يستجيب دعائي

 

[حبي بيرين]

الشئ اللي فيه ضرر ومامنه فائدة لو اتكلم فيه الافضل الكتمان طبعا امور ننجبران نكتماها وامور لا والله نتكلم فيها خاصه اذا كان فيه ازاله للبس او حقد

 

[صمتي سر هيبتي]

اسعدنى تواجدكم

 

[بنت البحراني]

صج انه اللجوء الى الله هو الحل الانسب
بس ترى حلو انه يكون عندج شخص تشكيله ويشكيلج تنصحينه وينصحج يهدييج وتهدييينه ( بالنسبة لي رفيجتي اقرب انسان لي وتوأم روحي ونصايحها عسل الله يذكرها بالخير )
فمو معناته اذ كانت عندج رفيجتج وتثقين فيها وتفضفضين لها انج ذليتي عمرج بمعنى المذلة !!!! اهو مجرد فضفضة تطلعين الي داخلج وبالعكس راح تحسيين برااحة اصلا
بس طبعا بنفس الوقت عشان( تنحل )اي مشكلة عندنا نلجأ الى رب العباد

 

[miss.unique]

حبيبتي سمعي انا مثلج
كتوووووووووووووومة لابعد مدى .. ما تصدقين شكثر
والسبب ان في هالزمن سهل الناس تسمعك بس صعب تحس فيك


ثاني شغلة : في طريقة اذا ما تثقين بالناس او ما تبين تشكين لاحد تقدين تسوينها
و فوزية الدريع قالتها و جربتها جم مرة تنفع

ييبي دفتر خاص فيج و كتبي شنو حاسة فيه و شنو رح تسوين و شلون رح تحلين المشكله .. كتبي كل الي تحسين فيه بالدفتر طلعي كل شي
و خبي الدفتر ابمكان خاص عشان لحد يقرى

تقبلي مروري :*

 

[Pinky -cat]

انا ضد الواحد يكون كتوم ويكبت بداخله لان هالشى راح يسبب له عواقب كبيرة مثل المرض الجسدي تعب وهالجسم ، الاحساس

بلمرض ، قولون عصبي، اضطراب المعدة والله بنات اللي تكتم بنفسها مو زين وعندج اكثر من طريقة للبوح اما لحد يؤتمن

او بالانترنت كتبي اللى تبيه ويا البنات بالمنتدا فضفضي شوية طلعي اللي بقلبج

 

[*caramel macchiato*]

شوفي يعتمد ...في اشياء عادي انج اتفضفين واتقولينها جدام الناس ...الاشياء العامه الي ممكن اتصير حق اي شخص ...بس في اشياء خاصة مو حلوة ولا من السنع امشي واتكلم عنها جدام الناس..مشاكلي مع زوجي ويلا حمولتي ويلا أهلي..لا عيب الصراحة ...ممكن اقولها حق شخص اثق فيه ثقه عمياء (اختي مثلا) ...بس ما اصير بخور السوق ...اي شي يصير اروح انشره ...علبو بفضفض وارتاح...لا مايصير...

والله يكافينا الشر اذا مرض ويلا شي ...عادي الواحد يقول عشان الناس يدعونله...انا لمن تأخرت بالحمل عمري ماجذبت وقلت احنا مأجلين ويلا احنا مانبي الحين ...بلعكس كنت اقول ودي بس الله ماكتب ...والقا الكل يدعيلي ...

 

[صمتي سر هيبتي]

اسعدنى تواجدكم

 

[PuPa^^SWeeT]

ممكن ان افضفض


لكن اختار الشخص المناسب

الذي سيسمع حديثي و فضفضتي


ومنذ لحظة خروجه سينسى ماسمعه

 

[روانتي 12]

سلام عليكم . .

بصراحه انا اكتم كل شي . . ما احب اقول لحد . . حتى لو مشكله كبيره . . احب اكتم هالشي و احل مشكلتي بنفسي . .
والحمدالله هالطريقه عاجبتني بحياتي . . وماتعبت ولا شي . .

 

[البرنسيسة غلا]

_



على حسب شخصية الإنسان نفسه
في بعضهم يكتم و يقدر على الكتمان
و في بعضهم ما يقدر و لا يتحمل يكتم


أنا عن نفسي ما أقدر أكتم و لآزم أفضفض



_​

 

[* ليــــدي *]

آتمنى اتعلم شلون افضفض !!
اروح مع البنآت يسولفون لي يشكون يبجون ..
انا بصراحه اتمنى اكون جذي اني افضفض ..
مآعرف كلش اذا تضايقت اسكت واكون على اعصابي طول الوقت ويبيّن علي واضح ..
ماعرف افضفض مره جربت بس قعدت اتاتا و انسى الكلام واتلعثم لكن الحمدلله اللي وياي قدرت الوضع وقالت لي اخذي راحتج انا اسمعج ..
ومع هذا كله ماقدرت جآن انحرج و اسكت

هذآ طبع ..

 

[فلنتينو]

ياويل قلبي

ماقدر اطلع شي

 

[صمتي سر هيبتي]

اسعدنى ارائكم
لاعدمناكم

 

[ميـــم]

أناااا فييني طبببع لووو شنوو ما ابووح بمشااعري اكتتم حيييل حيييل اكتتتم

بالاخيير شنو استفدت ( عمممـــى مفااجئ ) إذاا ضقت حييل حييل بسم الله علييكم انعميي فجأه مااشوووف شيي بعدين شوي شوي يرجع لي النظر

بس الحيين خلااص ماعدت اهتم لــآمـبـالـاه هذي الدنيا وهذي الناس
ألزم ماعلي صحتييييي وراحتيي

 

[لحظآتَ]

انا مااحب افضفض إلا نادراً ,
وغالباً في الواقع انا مُستمعه , يمكن لإني اذا شفت شخص مو مكترث لسالفتي
ومو مظهر اهتمام , مستحيل ارد افضفض له لو اني احترق من داخل
اكون مستمعه بس وللعلم الناس يحبون اللي يسمع لهم , ونوعيتي اظهر للشخص اني حيييييييييييييييل
مهتمه بسالفته وأعبّر وانفعل وياهم , عشان جذيه عمري ماقعدت مع احد الا ولقيته لاشعورياً يفضفض لي بأدق تفاصيله !!

والحمدلله خل نكسب أجر بهالناس اللي مولاقيه حد تكلمه !

,


ولقيت بالآونه الأخيره فكرة ,
اذا لاعت جبدي من شيء , وحسيت اني بفضفض
أفتح مفكرة وأكتب فيها كل شيء قاهرني ,
بعدين امسحها
بمجرد الكتابه احس جزء من القهر يتلاشى !


ورفيقتي قالت لي عن تجربتها مع الوضوء بعد
قالت انها تطفي اي غضب واي هم وحزن !
بس ها ,, بماي بارد .!!

والله يعين

 

[لحظآتَ]

مرايم !
اسم الله عليج !!!
والله خرعتيني بسم الله عليج ياقلبي ؟
غريب امرج رحتي طبيب راجعتي ولا بس قاعده وساكته ؟
يختي ماتشوفين شر

 

[ميـــم]

مرايم !
اسم الله عليج !!!
والله خرعتيني بسم الله عليج ياقلبي ؟
غريب امرج رحتي طبيب راجعتي ولا بس قاعده وساكته ؟
يختي ماتشوفين شر

بسسم الله علييج الرحمن من الخرررعة
والششر مايجييييييج ..
لـآ والله يا الغالية ماراجعت طبيب ولا شيي وهذذا فيني من زماان لمن انقهههههر وااضيييق حيييل حييل يجييني فجأة مرات بقيت ادعم من هالحالة اللي تجيني بس الله ستتتر
الله يبعد عناا وعنكم كل شر واذذذى