( المـلاك )
New member
- إنضم
- 27 أغسطس 2009
- المشاركات
- 32,479
- مستوى التفاعل
- 4
- النقاط
- 0
انا عن نفسي أفضل زواج الحب ..
يعني واحد تعرفينه و يعرفج و تفهمينله ويفهملج و تتنازلين عشانه و يتنازل عشانج و كل شي متفقين عليه وتمام ..
وتتمين لي بعد الزواج انتي رفيجته وانتي حبيبته وانتي زوجته وانتي امه وابوه بعد ..
بس لو واحد ياي خطبج وماتعرفينه ..
شدراج شمسوي من وراج ؟ شدراج شأصله شفصله ؟ شعرفج شنو نظامه ؟ شدراج شنو طبعه ؟ شنو مسوي من قبل ؟
يمكن يحب و ما زوجوه اهله ؟ يمكن راعي خرابيط ؟ يمكن ما يصلي ؟ شيضمنلي بيحبني ؟ شيضمنلي شلون يعيشني ؟
لا تقولون الاهل يسألون !! كل ريال يدش يخطب يصير ملاااااااااااااااك .. و مهما الاهل سألوا محد يدري شنو بداخل الريال ..
و انا عن نفسي ..
تزوجت ريلي من بعد حب 5 سنين !
والحمدلله عايشه احلى عيشه و مرتاحه
بالعكس احس بطعم الحب صج ..
يعني مو ريال و زوجته بس
لا العيشه مو مثل عيشه الباجي
الدنيا كلها حب بحب الوضع غيييير ..
ماراح اقدر اوصف شلون ..
و بالنسبة لوايد بنات اسمعهم يقولون
زواج الحب ما يدوم ..
والريال بعدين ما يثق فيج ..
وشلون الريال يأمن بوحده يحبها ..
هذا كلام فاضي .. ولكل قاعده شواذ ..
و تعتمد على شخصيه الريال .. وهالشي انتي تقدرين تعرفينه باللي جدامج ..
وانا صراحه مروا علي واايد حالات زواج حب ..
و زواجهم ولا اروع .. والله يهني الكل ..
بس في نقطه بوقف عندها ذكروها كل البنات اللي قبلي ..
اللي اهو السؤال ( في حب بهالزمن ؟؟ ) و ( وين اللي يحب ؟؟ )
صج ترى الحين و بهالوقت نااادر تحصلين واحد يحب
و توجهاات الشباب صايره للفريند و اللعب والخرابيط
وتلقين يعشم البنت بحبه و البنت تصدق واهو لا يحبها ولا شي ..
يعني صج تخافين من هالشي ..
و صاحبه الموضوع حبيبتي اعتقد هالموضوع مكانه قسم النقاشات الجاده مو قسم المشاكل الاجتماعيه
ياريت لو تقولين للمشرفه تنقله ..
ويعطيج العافيه عالموضوع =)
و آسفة على الإطالة =)
التعديل الأخير: