هل تتشابه اعراض الحمل مع اعراض الدوره ؟؟

[قرة عيونه]

السلام عليكم ورحمة الله وبركاته

انا متزوجه من 6 شهور وللحين الله ماكتبلي احمل

لكن في شيء محيرني وحبيت استفسر من اللي مجربين الحمل من قبل

انا قبل الزواج دورتي كانت منتظمه يعني كل 28 يوم ومرات تتاخر يوم او يومين او تقدم يوم

وكنت احس بنغزة قبل موعدها باسبوع وبس ماحس فيها الا وهي نازله وعلد يبدي المها

لكن بعد الزواج قامت تتاخر ع 4 ايام وغير جذي قبلها باسبوع احس بالمها كانها علي

عوار ظهر وبطن وكل شي مع انها ماتكون نازله وكله عبالي انها اعراض حمل بس انصدم لما تنزل

والحين متاخره 3 ايام وحللت دم ماكو شيء بس احس بظهري جنه بينقص حيل يعورني :eh_s(*):

هل هالاعراض طبيعيه وهل اعراض الحمل تتشابه مع اعراض الدوره ؟؟

وليش بعد الزواج قمت احس بعوارها قبل لا تنزل ؟؟

ياليت ماتبخلون علي بخبرتكم ومشكورين مقدما :eh_s(7):



في شغله نسيت اقولها هالشهر هذا واللي طاف بموعد الدوره تنزل علي افرازات : /

 

[زبــــــــدة]

عادي عقب الزواج الهرمونات تتغير ..

واعراض الدورة تشابه اعراض الحمل ...


وللحينج عروس تو الناس ...

 

[al_kadee]

حبيبتي استمتعي توج عروس و مايعتبر تٲخير شي طبيعي اول سنه زواج و التغييرات اللي قاعده تصير بالدوره هذا رحمج يتهيٲ للحمل،،


واعراض الدوره نفس الحمل بالضبط ماتفرقين بينهم بس الفرق ماتنزل

 

[كويت شوب]

حبيبتي نفس ما صار فيني
انا كنت جذي وكانت تتاخر عقب الزواج 3 اسابيع
هذا كله تغيير هرمونات
متى تعرفين ان خلاص احتمال هالشهر تحملين
باول الزواج تتخربط جم شهر
لما تبلش تنتظم جم شهر وتثبتين على انتظامها
هني بلشي جيكي اذا تاخرت عليج
انا نفسج 6 اشهر متزوجة وللحين ما حملت
بس للحين ما انتظمت
بس قاعدة تقل فترة التاخير
اسفة طولت عليج
بس انتي شيلي فكرة الحمال من راسج وان شاء الله بتحملين
انا هم بسوي نفسج والله يكتبلي ويكتبلج الذرية الصالحة

 

[الأميرة جوري]

علي سنه لاسمح الله ما حملتي راجعي الدكتوره وأعراض الحمل نفس أعراض دوره

 

[Mrs.H]

اي عادي الدورة تتغير قبل عرسي كنت خامس يوم اغسل بعد العرس 8 يوم ومرة 9 يوم هههههههههه

تتغير الهرمونان

واعراض الحمل اهيا نفسها اعراض الدورة

 

[ملح الكون]

توج عروس استانسي لاحقه ع المسؤوليه والحمل نفس اعراض الدوره ..
والله يرزقج بالذريه الصالحه

 

[قرة عيونه]

فديتكم بنات ريحتوني بكلامكم


ماقصرتوا وان شاء الله الله يرزق كل اللي يتمنون الذرية الصالحة عاجلا غير اجل

 

[Lady85]

حبيبتي أنا مثلج بالضبط الم مؤ طبيعي قبل الدوره بكم يوم توقعته حمل بس نزلت مدري شالسالفه وماصارلي هالشي إلا لما تزوجت :eh_s(11):

 

[بقلآوه،]

الله يرزقج بالذريه الصالحه،،،أي حبيبتي أعراض الحمل تشبه أعراض الدوره

 

[شهد العسل ومر]

نصيحه مني روحي شيكي يمكن معاج التهابات وسببت الم الدوره انا مثلج الم بطني وظهري مو طبيعي كانها دوره اخر شي طلع معاي التهابات

 

[@سيدة نفسي@]

بالضببببط .. يعني ممكن تحسين بدوخة ولوعة وعوار ظهر

وتتغير ريحة البول وانتي بكرامة وتنزل عليج افرازات بيضاا

وتحسين بنغزات بالصدر وتعيشين أجوااااء الحمل بالكااامل

بعدين تتفاجئين ان الدورة نزلت عليج ..

 

[M!SS.LOBY]

الله يرزقج بالذرية الصالحة

 

[امـ خــزامـى]

مع البنات


انبسطي حبيبتي وشيلي هالفكره

وشيكي على الالتهابات

الله يحقق اللي ببالك

 

[^^ananasa^^]

حبيبتي توج عروس

واذا عالدوره عادي تتاخر جم يوم انا بعد ماتزوجت قامت تتاخر بالاسابيع
واخر مره تاخرت 18يوم ونزلت
وبعدها حملت الحمدلله

بعد 9 شهور من زواجي حملت ورفيجتي نفسي تتاخر دورتها بعد عرسها وبالضبط بعد 9 شهور حملت
في بنات رحمهم يتهيأ للحمل
نصيحتي لج نطري لا تلعبين بنفسج عند الدكاتره
والله يرزقج باللي تتمنينه

 

[قرة عيونه]

مشكوووورين ع ردودكم بنات

سبحان الله الايام مرت بسرعه اصلا نسيت موضوعي هذا

بس حبيت ابشركم اني حملت بعد هالموضوع بشهر والله يتمم علي وعلى كل الحوامل يارب

بس باخر دوره لي حسيت بالم قوي طلع معاي التهاب بالبول عطوني حبوب للالتهاب خذتها ثلاث ايام وخف

واخذته من المستوصف مو من عيادة نساء لان كانت كليتي تعورني

وبعدها ماجتني الدوره وحملت وبعد فتره يوم تذكرت سالفة التهاب البول وشلون من عالجته ع طول حملت قلت يمكن هوالسبب بتاخير الحمل وبالم الدوره

وطبعاً كل شيء بارادة ربي والحمدلله ياارب العالمين

والله يرزق كل اللي يتمنون بالذريه الصالحه عن قريب العاجل يارب