هل تحترم المرأة بحجاب بو تفخة وعباية مخصرة ؟؟؟

[خاشووقه]

الله يهدي الجميع

 

[amoon]

الامارات والكويت نفس الشي
الله يهدي بناتنا

 

[ام _خلودي]

الله يهدى جميع المسلمين والمسلمات

صار انكر المنكر بهالزمن جريمه

الله يعين

 

[Q8NV]

بنات ليش لهواش شي غلط وحرام الي بعض يسوويه ليش نسكت خليكم واعين يعني هذا لحجاب بوقطي والا شباصه في ناحيه جماليه والله ما فيه والله كل من يطنز والله جدامي يضحكون عليهم انا عندي خوان وادري شنو يقولون ويسولفون بس المسأله مو شي عادي لا هذا الشي حرام حرام شفتوا المصيبه الساكت عن الحق شيطان اخرس وليش نسكت ما اظن اذا حطيت صوره او تكلمت راح اكون ظالمه او اني احش في احد لا بالعكس ممكن الكلام وصور تغير من بعض نفوس الناس ويمشون بالطريج الصح الانسان خطاء بس ما يعاند ويمشي بالطريج الغلط لمجرد العناد هذا الكلام لصالحج مو لصالحنا المفروض تشكرون صاحبت الموضوع مو الاهانه وغيرها ترى مو فخر هذا لحجاب والله والي تعاند وتكابر على روحها باجر راح تتذكر كل كلمه

 

[شويهينه]

تؤ تؤ تؤ

الموضوع صار هواش؟؟؟


هدو يابنات

 

[Mariahh]

جزاج الله خير حبيبتي​

 

[أم محمد A@W]

حبيبة قلبي يا ام بدر وانا شاكرة لج نصيحتج الغالية وربي وكلامج صح
وفعلا من المفروض اني اغير الصورة الشخصية حتى تتوافق مع الموضوع
بس عندي سؤال انتي قلتي الشعر حرام؟؟
على اي اساس انتي حرمتي الشعر
وشاكره لج مرورج الكريم
ومن عيوني راح تدخلين وتشوفين الصورة متغيرة

 

[أم محمد A@W]

أول شي يا هلا ومرحبا فيج يا الشيخة يا ام الغالين عسى ربي يخليهم لج
وحياج الله في صفحتي
احترامي للبنت بأخلاقها " ماله شغل لبسها بالموضوع ؟ لاني مااحتقر الناس من لبسهم لانه تتم حريه شخصيه لهم
والحمدالله الحين الدين مو مثل قبل في وعي كامل وعارفين انه هالشغله مو حلوه وحرام "

أولا يا عزيزتي الحمدلله الموضوع بعيد كل البعد عن الاحتقار وانما كما قال الله تعالى ( ذكر فإن الذكرى تنفع المؤمنين)
ونحن على يقين بأن اللبس لا يعكس لنا شخصية الاخرين
وكم من سفور تملك من الأخلاق مالاتملكه المتحجبة
وهذا ما اردت ان اعنيه في موضوعي
حرام ان البنت تكون اخلاقها عالية وقمة في الذوق والأخلاق ولكن طريقة حجابها تعكس للاخرين امر ثاني
ماله علاقه اسوي تفرقه بين الناس
من قال لج اني بموضوعي قاعدة افرق بين الناس؟؟
بالعكس انا قاعده اجمع البنات كلها حتى يرون الاراء ويستفيد من الموضوع من في قلبه ايمان
حبيبة قلبي نحن على يقين بأننا لا نستطيع ان نحكم على شخص دون معاشرته ومعرفة اسلوبه ونواياه
ولكن المظهر الخارجي يحكم احيانا على اصحابه
كل الشكر لج عزيزتي وحياج الله مره ثانية

 

[sbee7a]

يعطيج العافيه على المووضوع اتمنى الكل يستفيد

 

[أم محمد A@W]

كل الشكر لمن شاركني في هذا الموضوع

 

[bdora]

الله يهدينا ويهدي غلا الروح على الالفاظ؟؟؟؟

 

[Namlah]

يعطيج العافيه...اختي بس الحين صعب تكلمين وحده او تنصحينها ...مايرضون كيفي تقول
والله بالدوام وحده مناشبتي مناشب كل تقول ليش ماتسوون كبه احلى اللملفع يصير ودايما ارد عليها ماحب ولا اعرف اسوي بس علشان مادش معاها بنزاع بس في النهايه شتقول عنا (((معقدين))
الله يهديهم انشاءالله

 

[بنت الحساوي]

مشكورة يا ام محمد على الموضوع الرائع والله كلامج عدل وصح

وطبعا الي مو عاجبهم الموضوع لأن حسوا هالشي يمسهم بس انتي ما غلطتي بشي والصور معبرة عن الواقع

عموما النقاش يبين مستوى كل وحدة سواء بالكلمات الغير لائقة اوالأسلوب

واتمنى تتقبلون كلامي بصدر رحب

 

[ضحـاوي]

يعطيج العافيه اختي

وبارك الله فيج على هالطرح المهم

ما احب هالطريقه ولا تعجبني ( التفخه ) ولا العبي المخصره ,, وان شالله البنات يستفيدون من الموضوع

هذي موضة مثل اي موضة يبدون فيها وبعدين تندثر..وكل فترة والناس يهبون بشي

وموحلوة الفاظ (السلق) وهذوله بنات ديرتنا بنات حمايل ماينقال عنهم جذي حتى لو شسوو

والديرة في الملتزمات باللبس وفي المنقبات وفي العبي وفي المحجبات وفي سفور

وربي يهدي الجميع


تقبلو مروري

عجبني كلامج وايد واتفق معاج

كل الي نقدر نقوله : الله يهدي بناتنا

 

[ATOoOMA]

هههههههههههههههههههههههه ضابطين الرسمة عدل :krkrkr:

 

[أم محمد A@W]

حبيبة قلبي (نمله ) انا قريت الاسم بهالصيغة عسا لابي يكبر قدرج عنده انشالله
والله بالدوام وحده مناشبتي مناشب كل تقول ليش ماتسوون كبه احلى اللملفع يصير ودايما ارد عليها ماحب ولا اعرف اسوي بس علشان مادش معاها بنزاع بس في النهايه شتقول عنا (((معقدين))
الله يهديهم انشاءالله
لما وحده تقول لج الملفع بهالطريقة احلى قولي لها احلى بنظر من ربي والا الناس....خليها تختار...اكيد ماراح ترد عليج وقولي انا ادور اللي حلو بعين ربي وعسا ربي يوفقج ويسهل امورج..
بنت الحساوي اسعدني مرورج وكل الشكر لج لمساندتي
ضحاوي حبيبتي هلا فيج وغلا مو شرط نحب اسلوب او نكره اسلوب المهم الانسان نفسه شلون اسلوبه وكيف يتعامل مع الاخرين ومع الاساليب الاخرى والاهم ايضا ان احنا نذكر بالدين والشرع وعسا ربي يهدينا ويهدي بناتنا
كل الشكر لمروركم

 

[أم محمد A@W]

ما يلفظ من قول إلا لديه رقيب عتيد

 

[dantella]

بس انا ودي افهم ... شالهدف من الرفع الدايم للموضوع ....... يعني ياصاحبه الموضوع انتي عرفتي راي البنات ... انزين وبعدين .. انا ماشوف الا كل ما انرفع الموضوع صار في اختلاف اكثر وتوتر

 

[أم محمد A@W]

هلا وغلا يا دانتيلا
ممكن اعرف ليش متضايقه من رفع الموضوع؟
قال تعالى(ذكر فان الذكرى تنفع المؤمنين)
واعتقد ان الموضوع مايستاهل كل هالتوتر
موضوع للمناقشه ولا احد منا يعرف حقيقة الاشخاص اللي كتبت الموضوع او اللي ردت عليه
عموما حياج الله وزوري موضوعي مره ثانيه عشان انتي ترفعينه وينكتب لج اجر فيه

 

[ام_بدر]

يعطيج العافية ام محمد هذي الصوره الطيبه الحلوه وايد افضل من هذيج .. واذا عالشعر اذا مو متأكده من كلامي تقدرين تتصلين بشيخ وتتأكدين اكثر بنفسج ​