هل تحترم المرأة بحجاب بو تفخة وعباية مخصرة ؟؟؟

[ضحـاوي]

ضحاوي حبيبتي هلا فيج وغلا مو شرط نحب اسلوب او نكره اسلوب المهم الانسان نفسه شلون اسلوبه وكيف يتعامل مع الاخرين ومع الاساليب الاخرى والاهم ايضا ان احنا نذكر بالدين والشرع وعسا ربي يهدينا ويهدي بناتنا
كل الشكر لمروركم

هلا فيج ام محمد

بالعكس انا اشوف اهم شي ان نحب اسلوب او نكره اسلوب

اذا انا ابي انصح احد وابي احببه بالنصيحه لااااااااااااازم يحب اسلوبي عشاني يتقبل

لكن اذا انا ابي اعطيه نصيحه بدون ما اراعي اسلوبي اذا كان يحبه او يكرهه فهذا الشي راح ينفر الشخص من النصيحه

واذا كانت النصيحه خوفا وحبنا في الشخص اكيد راح يهمني انه يحب الاسلوب عشان انصحه واكسب اجر توبته

يعني اكيد من باب الدين و الشرع ما راح اشجعها و امدح لها طريقتها ,, اكيد بنبهها بس بطريقة حلوه وتحبها

وبالنسبه للموضوع المطروح >> انا ما تعجبني طريقتهم ولا اسويها ,, ولكن ممكن انا ما تعجبني وبنفس الوقت

ممكن اختي او بنت عمي او بنت خالي تسويها فاكيد ما راح ارضى اسمع اي لفظ مو حلو بحقهم وممكن يجرحهم

وجهة نظري واتمنى تتقبلينها بكل رحابة صدر

 

[أم محمد A@W]

حبيبة قلبي يا ضحاوي
وربي انج صح وهذا اللي حبيت اوضحه لج
موشرط عند تقديم النصيحة اسلوبي انا المهم مش الطرف اللي قدامي يجب على مقدم النصيحة ان يركز على اسلوبه ويتفاعل مع الاخرين لانه سيجد الكاره للنصيحة والمحب لها
وصدقيني فهمتج يا الغلا واتقبل وجهة نظرج بكل ود ورحابة صدر
وشاكرة لج مشاركتج موضوعي

 

[أم محمد A@W]

يعطيج العافية ام محمد هذي الصوره الطيبه الحلوه وايد افضل من هذيج .. واذا عالشعر اذا مو متأكده من كلامي تقدرين تتصلين بشيخ وتتأكدين اكثر بنفسج ​

يعافيج ربي يا الشيخة وعسى ربي يوفقج انشالله وشاكرة لج كل الشكر لنصيحتج لي بتغيير الصورة جعلها الله في ميزان اعمالج
اما الشعر عمره ما كان حرام واكبر دليل ان الرسول صلى الله عليه وسلم كان عنده شاعر حسان بن ثابت رضي الله عنه
الشعر كلام يا ام بدر قبيحه قبيح وجميله حسن ولو كان الشعر حرام لاوقف النبي صلى الله عليه وسلم الصحابي حسان بن ثابت عن كتابة الشعر....
عموما مرة ثانية انا شاكرة لج وحياج الله يا الشيخة

 

[Super_Star]

تصدقين عاد انا ما استغرب الا انهم يدرون انا الناس يستغربون من شكلهم و يضحكون عليهم و مع هذا مصيرين على هالشكل !!

والله هالشي وايد استغرب منه لانا كذا مرة يصير موقف جدامي بنية لابسة صاروخ فوق راسها و الناس تطالعها باستغراب و ضحك و غير نغزات الشباب و تحذف التعليقات و اهيا تمشي ولا هامها ولا جنه الكلام عنها

الله يعطيني ربع هالثقة اللي عندهم انشالله !!

 

[[[ عيون جابر ]]]

انا اقول ان هذي حرية شخصيه وكل وحده عقلها براسها تعرف خلاصها وتعرف الحلال من الحرام ولا وحده بتنام بقبر الثانيه والبنات الي يردون بألفاظ موحلوه الي سلق ووين اهلهم ويين رياييلهم اهم مو مفصخين يمشون بالشارع ولا هم بنت شوارع عشان هالحجي كلنا بنات حمايل ومافيها شي اذا وحده شافت طريقة الحجاب حلوه عليها تلبسها وبالنهايه اهي الي بتتعاقب مو انتي يا صاحبة الموضوع ولا انتي يا صاحبة الردود البايخه والدين النصيحه قلتي نصيحتج تقبلنا كان بها وجزاج الله خير بس تقولين نصيحتج مع ألفاظ بايخه هذي مو اسمها نصيحه هذي اسمها فرض رأي واحنا مانحب احد يفرض رايه علينا وعندنا اهل وعندنا رياييل ومتربين الحمدلله
عشان جذي اقول البنات الي قالو حريه شخصيه معاهم حق والبنات والبنات الي قالو ان غلط وحرام معاهم حق فعشان جذي كل وحده تحتفظ برايها لنفسها عشان مايصير نزاعات ومشاكل بالموضوع
ويااااااااااريت محد يعلق على رايي لأنه رايي الشخصي ما طلبت من احد يسوي فيه
وتسلم ايدج ام محمد حبيبتي

 

[أوركيد]

آنا مقتنعة انه حرام ...لكن مالي حق احكم على غيري ولا عمره لبس الشخص اللي جدامي حدد طريقة تعاملي معاه ..

آنا احكم على الشخص من خلال اسلوبه واحترامي له يفرضه اسلوبه وشخصيته مو لبسه ...

ثاني شي...ودي الكويت تصير نفس اوروبا والاجانب ونخلي انتقاد غيرنا ..والكل يمشي ماله شغل بغيره ..<<<الله ونااااااسه وتصير الحياة حلوة...:ggdw:

لأنه صدقوني مستحيل تتفق الديرة كلها على شي يعجب الكل ..اللي يعجبه الحجاب ما يعجبه النقاب واللي تعجبها عبايه الراس ما تعجبها عباية الجتف ....دوااامه <<<اذا جذي احترامنا لبعض بينعدم على اساس انا ما احب لبسج !!!!!!

وفيه شغلة آنا حاطتها منهج لحياتي واعلمها عيالي ..مولازم اللي افرض قناعاتي عالكل ..اقتنع بشي وانت عكسه <<<..عااادي

ويعطيج العافيه ام محمد عالموضوع

 

[أم محمد A@W]

وحياج الله يا فراولة أهلج
ومقبول رايج وبرحابة صدر يا الغالية

 

[[[ عيون جابر ]]]

وحياج الله يا فراولة أهلج
ومقبول رايج وبرحابة صدر يا الغالية

فديتج حبيبتي

 

[omnyat]

السلام عليكم ورحمة الله وبركاته
الله يهديهم ويصلحهم ويستر علينا وعليهم في الدنيا والآخرة
وعلى جميع المسلمين
اللهم آمين

 

[شووكولاته]

جزاج الله خير

 

[مـرمـر]

للأسف مو بس عندكم هذي المشكلة في كل مكان حتى عندنا في السعودية ،الحمدلله ماطلعت موضة (حجاب بوتفخة) بس الله يستر

والله اني اكره اطلع من البيت بسبب هذي المشكلة ،تطلعي خلقك يضيق وتحسي ان الدنيا مو بخير

شي يزعل

نفسي أعرف الوحده ماتغار على نفسها ؟؟فرجة للي يسوا والي مايسوا شي مره مقرف

والشباب ماينلام مساكيييييييين

اغراءات في كل مكان الله يعينهم

يمكن لو مشوا البنات بدون عباية ما احد بيطل فيهم مو محليهم غير العباية وطريقة الغطا !!


الله يستر علينا ويهدي الجميع

 

[مـرمـر]

أخواتي الغاليات صحيح بعض الالفاظ خارجة عن حدود اللقياقة

بس والله العظيم اذا بعض الاخوات اتلفظوا بهذي الكلمات بدون شعور منهم فهذا دليل على ان اغلب الناس ينظر للبنت الي عبايتها مخصره او شكلها مغري بنفس هذي النظره !!

طبيعة المراه تحب الزينه وتحب تكون ملفته وجذابة ،يمكن انتي ترتدي هذا الحجاب من باب الاناقه ، صح ممكن نيتك طيبة وماتفكري في شي غلط ولاتفكري في شباب وخرابيط

بس يا أختي لاترضي على نفسك تكوني فتة !!

الرسول عليه الصلاة والسلام يقول ((ماتركت فتنة اضر على الرجال من النساء))

اذا منظرك وشكلك الحلو مو فتنه أجل ايش الفتنه!!!

ياأختي والله انتي غالية ،ليش ترضى على نفسك تكوني فرجة !! منظر مغري وانتي تعرفي الرجال اي شي في المرأه يلفته مباشره فما بالك لما تكوني جذاااااابه!!

تخيلي البياع ينظرلك ؟؟ الشايب ينظرلك ؟؟ المراهق وممكن يكون في عمر ابنك برضه ينظر لك بإغراء : (

أخوتي الحبيبات /

دينا وشرع الله مافيه حرية شخصية

انتي ترضى على زوجك يكلم بنات ويطلع مع بنات ويخونك ويجي بكل قلب بارد ويقولك (حرية شخصية)

أكيد لا ماترضي

لنفسك مارضيتي ،ولربك وحدود ربك تعديتي وتقولي حرية شخصية!!!!!

كلنا فينا اخطاء وعيوب ومو معناه الي تنصح ملك لااا

{ كل ابن آدم خطاء وخير الخطائين التوابون } [رواه الترمذي وحسنه الألباني].

والله العظيم في بنات صح طريقة حجابهم ملفته وعباياتهم مخصره لكن اخلاقهم افضل من مية بنت عبايتها على راسها

هذا شي صحيح

عشان كذا ياعمري وحياتي خلي منظرك مرآه للي داخلك

لاتخلي انسان مايسوا يتكلم عليك وينعتك بألفاظ سيئه وماهي فيكِ

أختي الحبيبة أنتي الأم وانتي القدوة وعليكِ تترتب اشياء كثير

الله يهدينا جميعا ويثبت قلوبنا

((اللهم ارنا ا لحق حق وارزقنا اتباعه وارنا الباطل باطل وارزقنا اجتنابه))

وكلنا ان شاء الله فينا الخير والبركه

 

[علولي]

بالعكس يامرمر موجودة هذي العادة
حتى عند الحرم والعياذ بالله
والله شي يسد النفس

 

[ام_بدر]

يعافيج ربي يا الشيخة وعسى ربي يوفقج انشالله وشاكرة لج كل الشكر لنصيحتج لي بتغيير الصورة جعلها الله في ميزان اعمالج
اما الشعر عمره ما كان حرام واكبر دليل ان الرسول صلى الله عليه وسلم كان عنده شاعر حسان بن ثابت رضي الله عنه
الشعر كلام يا ام بدر قبيحه قبيح وجميله حسن ولو كان الشعر حرام لاوقف النبي صلى الله عليه وسلم الصحابي حسان بن ثابت عن كتابة الشعر....
عموما مرة ثانية انا شاكرة لج وحياج الله يا الشيخة

حبيبتي الغاليه ام محمد انا عارفه كل هالمعلومات الي حضرتج تفضلتي وذكرتيها ولي ورد ذكرها في كتاب تاريخ الادب اكيد وغيره من الكتب المفيده.. يعطيج العافيه وعسى الله يخليلج محمد انا كذا مره اتصل في شيخ ويقولي ان الشعر حرام والعلم عند الله عموما اختي ام محمد اشكرج بإفادتج لي مثل ماافدتج في تغيير الصورة وحبيت انبهج لشي بسيط تقدرين انج تتجنبينه وهذا اكيد خوفاً وحرصاً عليج وعلى كل بنات ديرتي الي يقعون في مثل هالخطأ البسيط هذا موضوع بالنسبه للخطأ

للأمانه منقول من إحدى المنتديات وهذا طبعاً للإفاده .. حبيت افديج فيه اتفضلي اختي
الفرق بين ان شاءالله وانشاءالله

********

ان اكثر الاخوة و الاخوات يقعون في خطأ فادح ...وهذا الخطأ يدخل في شئ من خصائص الله ، فكان
لزاما علي ان ابين هذا الخطأ ..... الا وهو كتابة (( ان شاء الله )) و (( انشاء الله ))...

. ...
فايهما اصح ؟....وايهما اوجب للكتابة ؟؟؟...وما معنى كل جملة منهما ؟؟؟... فقد جاء في كتاب((شذور الذهب )) .. لابن هشام ..ان معنى الفعل انشاء -من انشأينشئ-..اي ايجاد ...ومنه قول الله تعالى (( انا انشأناهن انشاء )) آية 35 من سورة الواقعة ...اي اوجدناها ايجادا .. فمن هذا ..لو كتبنا (( انشاء الله )) .. يعني كأننا نقول اننا أوجدنا الله - تعالى الله علوا كبيرا - وهذا غير صحيح .. اما الصحيح ...هو ان نكتب (( ان شاء الله )) ..فاننا بهذا اللفظ نحقق هنا ارادة الله عز وجل ، فقد جاء في معجم ( لسان العرب ) ...معنى الفعل شاء ..= ..اراد ، فالمشيئة هنا هي الارادة ...فعندما نكتب ((ان شاء الله )) كأننا نقول ..بارادة الله نفعل كذا ..، ومنه قول الله تعالى (( وما تشاؤن الا ان يشاء الله )) الاية 30 من سورة الانسان .. فهناك فرق بين الفعلين ( انشئ اي اوجد ) والفعل ( شاء اي اراد ) ...فيجب علينا كتابة (( ان شاء الله )) و تجنب كتابة (( انشاء الله )) للاسباب السابقة الذكر.

اتمنى اني افدتج انتي والاخوات الي يقعون بمثل هذا الخطأ

وشكرا :eh_s(17):​

 

[تـــــؤؤؤؤت]

اطيح عيني على وحده من بعيد مجبله علينا ... ومثل ماقلت كانت لا بسه حجاب بقوطي رووووب .... ظحكت وقلت حق صاحبي تهقى هل مينون راح يطوفها .. ولا يقط عليها قطه !! قالي ما اعتقد .... تخيل !!
شافها المينون من بعـــــــــــــيد جان الاهبل يفصخ عقاله وغتره ويحط فوق راسه قوطي بيبسي
الحجم لكبيـــــــر وانت عارف حجمه ... ويحط الغتره فوق البيبسي ولعقال فوقهم .... وقام من مكانه وراح يمشي يمها جنه ما يدري شسالفه !!!!!
تخـــــــــــــــــــــيل الموقف ..لووووووووووووووووووووووووول
تدري شصااااااااااااااار فينه ..... من كثر ماضحنه ماكملنه الأكل قمنه من الطاوله ومشينه مو متحملين والفقيره ما بقه أحد بالمرينا ما ضحك .... أهو ريال اهو صبي اهوه ياهل اهوه بنت اهو مره اهو شايب الكل قام يضحك لانه كان الموقف حــــــــــده غبي .... المسكينه قامت تبجي ..
وأتوقع انها قامت تلبس حجاب وبووشيه بــــــــــــــعد ...


ثالث واحد :
والله لو أقولك شي ما تصدق .. مرة وحدة من خواتنا بالله إللي راسها أكبر من جسمها تسولف مع رفيجتها بالاستراحة و أنا طبعا ً قاطة إذني

تقول لها من وين شارية شباصتج ؟؟

ترد عليها تقول و الله آنا لافة شعري بربطة تالي ملبسة الربطة دلاغات بعدين حطيت عاليمين كماشة و عاليسار كماشة .. عشان يثبتون !!

ردت رفيجتها و إهي مبققة عيونها : وااااااااااااااااااو إبداع .. !!

والله أنا ما أدري شالحكمة ..!!!!




وانا اتصفح بالمنتديات جبتلكم آراء الشباب عن حجاب بوقوطي روب ( السنام ) ( بو تفخه ) ( البف )



يلا أول واحد شيقول ؟...
نلاحظ ان سنه عن سنه الموضى تتغير و سنه عن سنه الناس تهب بطريقه معينه باللبس و المكياج او تسريحات الشعر، مو بس جذي.. حتى طريقه لبس الحجاب تغيرت و صارت تواكب الموضى حالها حال اي شي ثاني.


أيام طفولتي مثلا، كانت مدرسة الرياضيات تلبس حجاب واصل لي نص ظهرها و معطي اكتافها. كنت استغرب و احسبها بات مان.
بعدها قمت اشوف تعيير بالستايل، صار مو ضروري انه الحجاب يغطي الشعر و من هنا بدأت صيحة حجاب بو قذلة و بلشو البنات بصبغ قذلهم للفت الأنظار حولهم
و بعد جم سنه قمنا نشوف حجاب لو لونين و بعد بو لونين طلع الحجاب بو نسفه ( مقطوط هدد )


حجاب بو قوطي روب


اكيد مار عليكم؟ الي لابسته يكون راسها طويل من الخلف و كأنه عمارة و من هنا بدأت المنافسة بين الفتيات ( منو الي راسها طول من وره ) ولا يعلمون بأننا نموت ضحك لما نشوفهم.


في يوم من الأيام كنت راد من الدوام و كان الجو جميل ( شهر سبعة ) و الأمطار كانت عزيرة ( اي انطرني ) و اذا بصوت البريك ( فرامل )... بووووووووووووووووم.. ولا سياره داشة بالسياره الي يمي الي راكبتها آنسة مركبه اريل براسها!! سوري قصدي لابسة حجاب بو تفخه. و من قوه الحادث طار حجابها مسكينه و اذا بقوطي الروب يطير و يسقط على طبلون السيارة. و من هنا سميت هذا النوع من الحجاب بــ حجاب بو قوطي روب.
اي نعم، بو قوطي روب..

ثاني واحد :

بس على طاري حجاب بوقوطي رووب ... خل اقولك هل موقف الي موتني من
الضحـــــــــــــــك ..... تقريبا من شهرين على ما اعتقد كنت بالمرينا مووول
الساعه تقريبا 12 بليل فاصلين انا وصاحبي ومشتهين بـــاسته ...
الشاهد ان كنا قاعدين نتعشى وكان يمنه مجموعه من الشباب تتراوح اعمارهم مابين
20 و 25 قاعدين بالطاوله الي يمنه .... وكان منهم الكاجول ومنهم الي داق النسفه الطيبه
كان في بينهم واااااااااحد مينون مو مينون صج بس فاصل حده ... المهم وانا طايحله بهل باستا وسوالف مع صاحبي ولا اطيح عيني على وحده من بعيد مجبله علينا ... ومثل ماقلت كانت لا بسه حجاب بقوطي رووووب .... ظحكت وقلت حق صاحبي تهقى هل مينون راح يطوفها .. ولا يقط عليها قطه !! قالي ما اعتقد .... تخيل !!
شافها المينون من بعـــــــــــــيد جان الاهبل يفصخ عقاله وغتره ويحط فوق راسه قوطي بيبسي
الحجم لكبيـــــــر وانت عارف حجمه ... ويحط الغتره فوق البيبسي ولعقال فوقهم .... وقام من مكانه وراح يمشي يمها جنه ما يدري شسالفه !!!!!
تخـــــــــــــــــــــيل الموقف ..لووووووووووووووووووووووووول
تدري شصااااااااااااااار فينه ..... من كثر ماضحنه ماكملنه الأكل قمنه من الطاوله ومشينه مو متحملين والفقيره ما بقه أحد بالمرينا ما ضحك .... أهو ريال اهو صبي اهوه ياهل اهوه بنت اهو مره اهو شايب الكل قام يضحك لانه كان الموقف حــــــــــده غبي .... المسكينه قامت تبجي ..
وأتوقع انها قامت تلبس حجاب وبووشيه بــــــــــــــعد ...


ثالث واحد :
والله لو أقولك شي ما تصدق .. مرة وحدة من خواتنا بالله إللي راسها أكبر من جسمها تسولف مع رفيجتها بالاستراحة و أنا طبعا ً قاطة إذني

تقول لها من وين شارية شباصتج ؟؟

ترد عليها تقول و الله آنا لافة شعري بربطة تالي ملبسة الربطة دلاغات بعدين حطيت عاليمين كماشة و عاليسار كماشة .. عشان يثبتون !!

ردت رفيجتها و إهي مبققة عيونها : وااااااااااااااااااو إبداع .. !!

والله أنا ما أدري شالحكمة ..!!!!


رابع واحد:
أول ما مره مرت علي وحده جذي عبالي معاقه مسكينه أو راسها وارم أو فيها شي ...

بعدين شفت السالفه صارت نص البنات صاورا جذي بعدين عرفت إنه ... موضه

وانا سمعت إنه يحطون قوطي نيدو (( حليب )) تحت الحجاب ويقولون هذا للحجم اللارج يعني لوووووووووووووووووووووووول

فلم صاروا .. إلي تييك لابسه حجاب وكم طويل .. ورافعه الكم لي فوق كوعها (( داشه هوشه ؟ ))

مساكين والله يكسرون الخاطر ... يموتون من الضحك ..

الله يستر علينا وعليكم وعلى أهلنا وأهلكم
خامس واحد :
أما على طاري أم قواطي.. هذاك اليوم بالأفنيوز وحدة لابسة هذا الحجاب وطاح قوطيها منه عاد أنا استغربت قلت شنو حاطة قوطي على راسها! لول



يلا انطر ردودكم



الله يستر علينا وعليكم وعلى أهلنا وأهلكم




هذا رأى الشباب بحجاب اخر زمن
الله يعطيج العافيه ام محمد على الموضوع الحلو

 

[B7BoOo7a]

هذا كل من علامات يو الفيامه .... سبحان الله

قال رسول الله صلى الله عليه و سلم : " ((صنفان من أهل النار لم أرهما قوم معهم سياط كأذناب البقر يضربون بها الناس، ونساء كاسيات عاريات مميلات مائلات رؤوسهن كأسنمة البخت المائلة، لا يدخلن الجنة ولا يجدن ريحها وإن ريحها ليوجد من مسيرة كذا وكذا))...

لو ان بناتنا صج يخافون ربهم لو بس يقرون هالحديث يتقون .. بس ماكو وازع ديني ...

وفي قضيه ثانيه غير قضية الحجاب والنقاب والعباة المخصرة ..


اللي اهي النمص ... يا جماعه شي مو طبيعي الحف صاير بنات على 12 و 13 سنه يحفوون

وينا عن حديث الرسول صلى الله عليه و سلم حين قال : " لعن الله النامصة و المتنمصة " ..

وانا ما اقول ما احترمهم لا ما لا شغل الاحترام بالموضوع وهاذي مثل ما يسمونها الحريه الشخصيه من نظري اشوفها متخلفه

وصحيح ما احب اشوف حجاب بو تفخه و لكن ما اقول انا اكرهكم ولا ما احبكم بالعكس

أقول الله يهديكم إن شاء الله ونفس الشي حق اللي تحف ...

الله يهدي الجميع و تسلمين حبيبتي على الموضوع وجزاج الله خير

في ميزان حسناتج يا رب

 

[ام شيوخه]

انا ما أأيد الحجاب بوتفخه كلللللللللشششششششششش
بس بصراحه حجاب بوتفخه والعبايه المخصره وايد وايد اهون وارحم واستر من البنطلون الضيج والتي شيرت قصير ولابسه حجاب بذمتكم هذا حجاب عيل ؟؟؟؟؟

 

[Hado0ol]

انا صراحه منهم :ggdw:

بس بدون عبايه طبعا

ماقريت كل الموضوع بس قريت ألفاظ مثل ويه اللي كاتبتها

ذابحتكم الديانه نقرا الموضوع علبالنا داعيات ومحترمينكم وآخرتها هذا أسلوبكم..؟!

وبعدين تدرون أن الحش والسخرية وانتهاك أعراض الناس حرام ولا ما تدرون ..؟ :eh_s(6):

أتوقع نحط شباصه ولا سنام ولا بعد جمل كامل بكبره فوق روسنا محد له شغل

أتوقع أكو شي اسمه

"حرية شخصية"

جان سامعين فيها ...؟؟!

خلكم بنفسكم بدال لا كل وحده حاشره خشمها بشغل الثانيه

واللي قصدها شريف وتبي تنصح ما اتوقع النصيحة بهالاسلوب ..؟

واعتقد الله ما راح يسألكم عن أعمالنا وكلنا كبار وكل واحد مسئول عن نفسه... أوكيه حبايبي ..؟

انا اقول اللي مسويه روحها داعية على غفلة تروح تقرالها جم صفحة من القرآن أشرفلها من هالخرابيط

..

فديييييييييييييييييييييييييييييييييييييييييييييتج والله



وانا بعد الصراحة وحده منهم وبدون عبايه وعيب هالكلام في اسلوب ارقى من جذي
بس انتو اللي يعجبكم صار حلال واللي مايعجبكم حرام
الحين شكو سلق ومو متربين وريلها شلون يرضاها ورخيصه شكوووووووووووووووووو امبي اي شي
هاذي اسمها حرية شخصيه كل واحد عنده عقل ويعرف الحلال والحرام
واللي مو عاجبها موووولازم تحر نفسها وتحرنا واترد هالرد السلق على قولتها
ويعطيج العافيه صاحبة الموضوع

 

[أم محمد A@W]

كل الشكر لج يا ام بدر عسا ربي يسخر لج بدر واهله وبجد افدتيني بالنقطه هذي جعلها الله في ميزان اعمالج...وادعي ربي انه يكثر من امثالج اللي يحبون الفايده تعم على الكل...
طبعا حبايب قلبي اللي شاركوا في الموضوع عسا ربي يستر عليكم دنيا واخره...

 

[zqertya]

حبيبتي مشكوره على موضوعج الحلووووو

انا الصراحه متحجبه بس كلش ماعجبتني موضة حجاب بو تفخه والحمدالله ماسويتها ولا مره معه ان يقولون ان وااايد حلوه لاتطلع علي بس ماحبيتهاااا كلش وشفت البنات بعد يبالغون بالتفخه مره مدوره مره مربعه وشكبرهااااااا ياريت صغيره ويييييييييييييييييييييييييييييييييع صج ويييييييع وانشالله الكل يستفيد من هالموضوع يعني مو كل شي هبوا فيه صار موضه انا الصراحه ما اهب باي موضه يعني مو اي شي قالوا عنه موضه لازم احنا نسويه ولا نلبسه