هل تحترم المرأة بحجاب بو تفخة وعباية مخصرة ؟؟؟

[كسرة عود]

الله يهدي الجميع

 

[حنون فنون]

الله يعطيكـــ االع ــافيهــ...

 

[كويتية 85]

الله يهديهم ان شاء الله اصلا شكلهم يضحك والله العظيم لمن تمر وحدا جدام الناس راسها واصل للسماء شبسوون الناس ...


امبيييييييييييييه لا شكلهم نكته ....

ساعات ودي من كثر مايكسرون خاطري اروح اكلمهم بس تدرون هالنوعية أغلبهم فيهم نقص ولا ما سووا جذي ...

أنا أعرف وحدا بالدوام تعبت انصحها واقولها ان الموظفين يسولفون بكبتج ويقولون شلون تتحرك ما تخاف تطيح مسكينة

والمشكلة الوحدا تجيكم عصلة وعنونه ( ما أعيب خلقة ربي ) بس بوضح لكم شلون يصير شكلها جنها مخلوق فضائي لمن تحط هالكبه ....

ولا اللي صج يبط الجبد تلقينها مغرورة والمشكلة هي عبالها إن الناس تخزها وتطالع فيها معجبين بجمالها ما تدري المسكينه إنهم مستغربين من شكلها وذوقها ...

 

[روح الرياض]

الله يهديهم

 

[قمردين]

صاحبة الموضوع انا وحده متحجبه واصلا ماالبس العبايه وكنت البس حجاب بوتفخه والحين ماقمت البس بوتفخه لاني تذكرت حادتة الاسراء والمعراج كان في وصف النبي نساء كاسيات عاريات رؤوسهم كاسنمة البخت المائله انهم من اهل النار
عشان جذي ماحبت انا يكون لي صفه من صفات الي قالها الرسول صلى الل عليه وسلم من اهل النار

 

[الكويت داري]

يزاج الله خير عالموضوع الاكثر من رائع
انا والعياذ بالله من كلمة انا عندي المو متحجبة احسن من اللي حجابها بوتفخة واللي عبايتها مخصرة بس هذا مو معناته اني اايد البنت اللي مو متحجبة لألازم البنت تكون متحجبة و محتشمه بحجابها

 

[أم محمد A@W]

كسرة عود
حنون فنون
ملاك 134
روح الرياض
قمر دين
الكويت داري
كل الشكر حبايب قلبي على مروركم الكريم
واسأل الله بكل اسم هو له ان يهدي بناتنا الى السراط المستقيم

 

[:: Diva ::]

حبيبتي الموضوع عن احترام و لا رايي بهالحجابات و العبي ؟

لان اذا احترام
اي احترم كل انواع البشر لاني اتعامل مع الناس باخلاقي !!
لكن اكيد ما يعجبني و لا اسوي مثله و تلوع جبدي منهم

 

[أم محمد A@W]

بعد قلبي يا ديفا يا الشيخة
انا اقصد لما تشوفين بنت بهذا اللبس هل تنظرين لها بنظرة احترام....؟؟؟
هل تحترمين حجابها...؟؟؟ انا ماقصد اسلوبها ولا اقصد شخصيتها ولا اقصد طريقة تعاملها وارجع واقول كم من كافرة احترمنا اسلوبها وشخصيتها وهي كافرة
انا اقصد هل هذا الحجاب محترم؟؟؟
هنا السؤال لما تحجبتي وانتي تشوهين الحجاب؟؟ هل الحجاب هذا فيه طاعة لله؟؟
وشاكرة لج مرورج يا الشيخة

 

[سكادا بلو]

سكادا بلو حياج الله يا الشيخة
انتي شفتي الصور اللي انا عرضتها....انا اقصد هل هذا هو الحجاب الصحيح؟؟
وما هي نظرتك للبنات اللواتي يلبسن هذا اللبس؟؟
وهل تحترم البنت وهذا لباسها؟؟
كم من كافرة لا تعرف الحجاب... ولكننا نحترم افكارها وطرحها واسلوبها
نحن نقصد هذا الحجاب السافر لماذا ترتدين الحجاب وانتي تشوهين منظره؟؟ هذا السؤال؟؟

هلا ام محمد يالغلا ... الله يحييج ويبقييج

ايه شفتها اكييد مو اهووو الحجااب الشرعي ...

تبين الجد نظرتي لهاا عاديه لان الحين اغلب البنااات لبسهم جذي فصارت النظره عاديه وتعودت عليها ..

اكيييد مالبسته الا للفت النظررر وعلى قووولة وحده من رفيجاتي ((مدااام بو تفخه موجود اذن انا موجووووه ))


يعطيييج العاافيه ومشكووره

 

[عبق الورد]

الله لا يبلانا .. وصج ظاهره تعور القلب .. انا اللي مستغربه منه البنت هذي اللي تطلع ولابسه هالحجاب امها اختها اخوها ما قالوا لها شلابسه ؟؟ ما انصحوها ان حجابها غلط وشكله مسخره ؟؟؟؟؟؟!!!!!!!!

 

[عبق الورد]

هذي موضة مثل اي موضة يبدون فيها وبعدين تندثر..وكل فترة والناس يهبون بشي

وموحلوة الفاظ (السلق) وهذوله بنات ديرتنا بنات حمايل ماينقال عنهم جذي حتى لو شسوو

والديرة في الملتزمات باللبس وفي المنقبات وفي العبي وفي المحجبات وفي سفور

وربي يهدي الجميع


تقبلو مروري

حبيبتي لو بنات حمايل صج جان ما رضوا اهلهم ان بناتهم يلبسون هاللبس !! وين الدين وين الاخلاق هذولي مو محترمات الدين
الرسول صلى الله عليه وسلم قالها صريحه : ( نساء كاسيات عاريات مائلات مميلات رءوسهن كأسنمة البخت المائلة لا يدخلن الجنة ولا يجدن ريحها)

نسال الله العفو والعافيه

 

[Saroon]

منو يهتم ومنو يسمع والله متنا واحنا نقوول وييع مو حلوو حراام شكله التفخة مقزز شكل التفخة مو حضاري شكل التفخة يسوي الوحدة جنها ياية من الفضااااااااااااااء !!!

بس منو يسمع والله يفشلوون بلبنااان اللبنانيين اللي هناك يطالعونهم مستغربين وعلياا !! وحدة من اهلنا عايشة بأمريكا زارتنا بلبنان مسكينة واحنا نمشي بالسووق شافتهم مسكينة انبهرت عيوونها طلعت @@ تقوولي سارة هذا شنو يعني اللي براسهم ؟؟ موضة؟ قتلها الله يلعنها من مووووضة شي حده وييييييييع هابين فيه البنات !!

جان تقووولي غريب شكل راسهم يخرعووون والحواجب طايرة واللبس والترصرص .. السفووور شكلها استر منهم يخرعوون شوهوا سمعة كل المتحجبات !!

ادري طولت سامحيني وترا في موديل يديد مادري اذا مر عليكم ولا لا ألا وهو جينز وقميص ونقاااااااااااااااااااااااب من غير عباة !! متخيلة للحين شايفة منهم 3 !! وحدة بالكويت و2 كويتيات بلبنان صعقت يووم شفتهم ابووي يوم شافهم يقوولي جنه ناقصهم شي يووم ركزنا بأشكالهم ولا فعلا ناقصتهم عباااه جيييييييييينز ونقااااب !! شنو هذا بعد ؟؟؟

 

[أم محمد A@W]

جينز ونقاب ؟ومن غير عبايه؟
الخوف من بكره بعد نقاب بدون شيله وعبايد
والخوف من بكره بعد بنت من غير ملابس
وهذا كله تحت شعار شي اسمه موضه
انا يا خواتي قصدت من موضوعي هذا ان الحجاب نوع واحد وليس له اشكال اخرى ولكننا للاسف راينا الحجاب وقد تفرع الى شعب كثيره
الله يهدينا جميعا الى طاعته

 

[الشاهينه]

الله يهدينا ويهدي الجميع

 

[[[ عيون جابر ]]]

حبيبتي لو بنات حمايل صج جان ما رضوا اهلهم ان بناتهم يلبسون هاللبس !! وين الدين وين الاخلاق هذولي مو محترمات الدين
الرسول صلى الله عليه وسلم قالها صريحه : ( نساء كاسيات عاريات مائلات مميلات رءوسهن كأسنمة البخت المائلة لا يدخلن الجنة ولا يجدن ريحها)

نسال الله العفو والعافيه

ماني فاهمه ليش الغلط
كل وحده عقلها براسها
وكلنا بنات حمايل والحجاب بو كبه مو مقياس لأخلاق البنت ولاعشان تعرفين اصلها وفصلها ولا انتي قاعده ابيتهم ولا تعرفين من اهلها ولا شلون عايشه حياتها شلون حكمتي انهم مو بنات حمايل؟ اهي مجرررررررررد هبه مو أكثر ولا أقل اشحقه الغلط ماني فاهمه ليلحين
احنا محنا مجبورين نقتنع برايج لو تختارين أتفه الألفاظ كل وحده لها رايها واسمهاااااااا حريه شخصيه
كل واحد له شغل بنفسه ماله شغل بشغل غيره
والدين النصيحه نصحتي ومشكوره ماقصرتي الغلط لييييييييييييييييييييش @@​

 

[عبق الورد]

ماني فاهمه ليش الغلط ​

كل وحده عقلها براسها
وكلنا بنات حمايل والحجاب بو كبه مو مقياس لأخلاق البنت ولاعشان تعرفين اصلها وفصلها ولا انتي قاعده ابيتهم ولا تعرفين من اهلها ولا شلون عايشه حياتها شلون حكمتي انهم مو بنات حمايل؟ اهي مجرررررررررد هبه مو أكثر ولا أقل اشحقه الغلط ماني فاهمه ليلحين
احنا محنا مجبورين نقتنع برايج لو تختارين أتفه الألفاظ كل وحده لها رايها واسمهاااااااا حريه شخصيه
كل واحد له شغل بنفسه ماله شغل بشغل غيره​

والدين النصيحه نصحتي ومشكوره ماقصرتي الغلط لييييييييييييييييييييش @@​

اول شيء ما اشوف اني غلطت .... شفيج معصبه هدي حبيبتي
وهذا رايي وما اجبرت احد عليه ... بس بقولج نقطه ...
شلون حكمت انها مو بنت حمايل لان بكل بساطه بنات الحمايل معروف لبسهم حتى لو مو متحجبات. . عمرهم ما كانوا سخييفين لهدرجه .. مع الخيل يالشقرا ... اقل شيء حبيبتي وين الدين .؟؟ وينهم عن حديث الرسول ؟؟
على فكره قريت توقيعج وقلت اميــــــن يارب العالمين ... مثل ما طلبتي

 

[قلبي ابيض]

لأ

ما احترم اللي تلبس بو تفخة وام الكحل والعباة الضيجة :eh_s(6):

 

[شغـــف]

اللـــه يهديــــــــهم

وشكـــرا على هالمووووووضووووووع

 

[[[ عيون جابر ]]]

اول شيء ما اشوف اني غلطت .... شفيج معصبه هدي حبيبتي
وهذا رايي وما اجبرت احد عليه ... بس بقولج نقطه ...
شلون حكمت انها مو بنت حمايل لان بكل بساطه بنات الحمايل معروف لبسهم حتى لو مو متحجبات. . عمرهم ما كانوا سخييفين لهدرجه .. مع الخيل يالشقرا ... اقل شيء حبيبتي وين الدين .؟؟ وينهم عن حديث الرسول ؟؟
على فكره قريت توقيعج وقلت اميــــــن يارب العالمين ... مثل ما طلبتي

اول شي فيج الخير حبيبتي انج دعيتي لي
مو معصبه قاعده اناقشج @@
بس ماني شايفه ان الحجاب مقياس عشان الوحده تكون بنت حمايل اذا بتخلين الحجاب مقياس بيصيرون نص بنات الكويت مو بنات حمايل لأن مثل ما انتي شايفه هالموضه منشتره
فهي مجرد موضه وهبه مالها علاقه بأصل وفصل البنت والله يهدي الجميع بعيد عن الألفاظ الجارحه​