هل تعتبر خيانه قبل الزواج ام مجرد طيش؟

[مطلقه وأفتخر]

بسم الله الرحمن الرحيم


مرحباا عرايس ومتزوجات..هالموضوع يخص وحده معاي بالدوام انا مطلقه »حطوا تحتها مليووون خط

هالبنت توها ملجت من فتره بسيطه وعرسها بشهر 9

مافي علاقه بينها وبين زوجها لا اتصالات ولا شي كل شي عقب العرس

المهم والموضوع اللي كدر فرحتها بعرسهاا وخلاها تصاب باحباط وكل يوم تنهار بالدوام بسببه
انها سوت بحث بالانستقرام عن اسمه ولقت اكاونته!
وحاط صورته يعني هو اكيد..المهم لاحظت تعليقاته مع وحده وانها زعلانه عليه وتحط صور واشعار عن الفراق وهو يرد على صورها سواء باللايكات او يكتب ياليت يتبدل الحال

وحطت صورة بيبي صغير وكتبت اموت فيه وقال يابخته »هييك شغلاات اتمنى تكونون استوعبتوا الموضوع


هي حاليا نفسيتها تعبانه ومحد من اهلها يدري وانا ورفيجاتي احترنا وكل وحده تعطيها نصيحه شكل
والمشكله ماقامت اتجهز وتبي الطلاااق! وهي ماراحت عنده اصلا يعني ماصار العرس قصدي



نصحتها تكمل عادي وتدعي ربها وتستغفر وانها نزوات الشباب وخرابيطهم وهي يوميا مجابله الانستقرام واتحسر ومصوره كل شي
قلت انتي تستاهلين ليش نبشتي وراه وعورتي قلبج ويمكن الله يهديه اذا شافج وهي تقول يمكن مغصوب علي ويبي هذيج



احترت معاها بنات شنو الحل جد ازمتني حيل معاها وانا بروحي متعقده من الزواج:eh_s(4):


عفيه اللي عندها حل تقوله او تدعون لها بظهر الغيب ان الله يفرج لها مصيبتها ويثبت قلبها


واسفه اذا الموضوع مو بمكانه الصحيح احترت وين احطه خصوصا انها عروس بس حزينه للاسفه:eh_s(2):



الله ييسر امرها واموركم لما يحب ويرضى

 

[وصوف]

الله يهديها ليه تنبش وراه
ع العموم من وجهة نظري هذي علاقات سايقه يعني قبل مايعرفهااااااااااا
ومن كلامه معها يعني انفصلو يعني بدت تنحل المشكله
خلها تكمل تجهيزوتقرب من زوجها
وتدعي ربها يسخره لها
والله يوفقها ياااااااااااارب

 

[مذهلة2013]

خل تنطر لما تعرفه عدل يمكن يتغير وياها والله
ربي يسخره لها

 

[قآنون كيفكـ!!]

حبيبتي اغلب الشباب جذي عطيني واخد شريف مكة
وكلهم قبل للزواج جذي ومنو الحين اللي اهلة يغصبونة !

 

[شربـــات لـــوز]

خلها تكمل تجهيز ولا تنبش بالماضي بتتعب جي عسى الله يسخره لها
خلهاا تدعي ربهاا

 

[مــرح]

مافي رجال ينغصب
اكيد قاعد يجامل هذيج لانه كان يعرفها و مايبيها تضره بزواجه استغفر الله

خليها توكل امرها لله و جنها ما شافت شي
بس تدير بالها اول الايام مو تسلمه نفسها بسرعه

الله يطمن قلبها و يملكها قلبه ياااااارب

 

[M!SS.LOBY]

الله يهديه

بعد الزواج والعرس راح يتبدل ان شاءالله

 

[فارسة]

الله يعينها

المشكله انها ماراح تقبله
خصوصا انها اعرفت ماضيه
صعبه والله

الله يهديه
ويهديها للقرار السليم

 

[*مطبخ الذواقة*]

الله يعنهأ ..

ابتشلو بنات الناس بهالتافهات اللي في كل بيت لهم بصمه ..! خربو بيوت .. الله يهديهم


مافي شي اسمه طيش ..ما ودرنا غير هالكلمات ." توها صغيره وتوه صغير ، ، يهال باجر يعقلون ...


كل خطوة بحياة البنت أو الشاب محسوبه عليهم بالقلم والمسطرة مثل ما يقولون

هي خيانه ...فعلا
. لكن قبل ما تكون خيانه لرفيجتج هي
خيانه لله عزوجل

اما بالنسبه للبنت اللي يحاجيها ..
أكبر طراق لها انه لما فكر يتزوج .ما خذها

و رفيجتج خل تعرف هالشي .. واضح ان زوجها قاعد يسلي نفسه مع هالاشكال اللي بالانسقرام ... ان شالله باجر ..هي تشغل وقته ..


هذيل شله الانستقرام "التعيسه "
مدري متى يفهمون ان

يا ماشي درب الزلق لا تأمن الطيحه " ..حتى لو بنك نيم ..كل اعمالنا محاسبين عليها ..امام الله ..والصور العري والتفصخ والملاقه كلها بكتاب عند رب شديد العذاب



الله يهدي كل بنت ..هذا ممشاها وكل شاب

وان شالله مقبلين على أيام كلها خير وبكره حرام نضيعها بالمعصيه ... وباب التوبه مفتوح من رب رحيم ارحم من الأم على عيالها ..

أتمنى يكون عندنا جيل .. مافيه هالنوع من الفساد .. أمنية وعسى ربنا يحققها


خليها تكثر الاستغفار والدعاء ... وان شالله ماراح تشوف الا اللي يسرها .








نسال الله الهدايه لنا ولكم .. والستر في الدنيا والاخره

واالفال لج ...يرزقج ربي بزوج صالح عاجلا غير أجل

 

[سبحآن الله"]

حل المشكله انها تتجاهل وتكمل مع اني ما اظن بتتجاهل لان لو انا مكانها بقول لأمي وبوريها الصور والردود بعد
....

 

[حناينq8]

تم نقل الموضوع الي القسم المختص

 

[نوف الصقعبي]

اللي تقولها خل تسكت ولاتنبش ولاتهتمين وين قاعدين ترضين على نفسج هالشي

شنو الزوجه طمبور طين
وله جماد ماعندها مشاعر وآحاسيس وكرامه


لو اهو اللي طايح عليها على طول بيطلقها

ليش تحللون للزوج كأنه هالشي طبيعي وعادي والأمور سهالات

هالشي ماينسكت عنه لازم تواجهه وتدخل ريال بالموضوع عشان ماتنصدم بخيانته بعد مايدخل عليها انه يعاشر غيرها

الله يلعن هالبرامج اللي من حطوها مافي ريال الا ما انجرف ورا بنات الليل والشات والوصاخه والزنا​

 

[نوف الصقعبي]

اذا ماحطت له حد من الحين ماراح تقدر تقضبه بعد مايدخل عليها لو شنو​

 

[نوف الصقعبي]

شاللي مخلي الازواج يتمادون غير الزوجه الضعيفه والجبانه والساذجه اللى قاعده تقص على عمرها​

 

[Dr.Nouf]

وين طيش والأخ مالج ؟

 

[نونه المنكوشه]

مدامها بالبر خل اتحط النقط ع الحروف وتكلم امها وله احد من خوانها وتحل الموضوع بصراحه ريلها غبي مافكر انه مرته ممكن اطيح ع سوالفه ع الاقل يخليه برايڤت وله يغير اسمه يمكن الله يبيلها الخير وفتح عيونها قبل لاتدبس الله يعينها بس لاتمشي الموضوع ولوانه دخل عليها وعيلت منه بيكون ردي لها غير بس مدامها ع البر لأ لاتسكت كلش هذا زواج مولعبه

 

[جنوني عيونك]

بصرآحه رفيجتج المفروض ماتتصرف جي شلون تنبش من وراه هذا يعني من بدايتها ماتثق فيه ثاني شي ممكن هالبنت من زمان مو من الحين
صج شي يكسر القلب الله يعينها ويساعدها بس برضو اذا محروم من شي بيروح يعوضه بشي ثاني ! يعني خطوبه ومايكلمها شنو تبونه يسوي اذا هو محتاج من يسمعه من يكون معاه مافي سبب الا بمسبب
خل تراجع نمط خطوبتهم وآسفه اذا كلامي جارح بس صج شنو هذا مايكلمها حتى يعني وين التعارف بينهم شلون تتزوجه ماتعرف عنه شي غير كلام الناس وقت ماخطبوها !
بس كمان هذا شي ماينسكت عنه ومن رأيي مو اهي الي تواجهه بالشي لأنه لوكان صج قاصد علاقته بهاديك راح يووهمها وجذي ان موصج
خل ريال يكلممه يقوله حنا مانرضى نزوج بناتنا لزوج مايقدرها ويفهم منه بالبدايه هذا ماضي او شنو

 

[Pinky -cat]

يعني الحبيب راح يتزوج وللحين الحياة سعيدة ويكلمها ، شنو على بونه للحين مو عنده سهالات وباجر ليه تهاوش ويا زوجته
يروح يشتكي للصدر الحنون الزفته اللي بالاستقرام ؟؟؟ شنو اللي يضمن ما يكمل وياها وييب تليفون ويخشه والحياة سعيده
ويكمل ويكون ماسك العصاه من النص زوجه وحبيبة وقازره

لا طبعا خل تحط حد ولو يبي المصخرة خل يتم فيها ولا تحطم بنت ناس بسبته ، مالت ومليون مالت على هالاشكال ووووووووع

 

[أإلع ـشق دلع ـهـأإ]

امممممم

لو بنتكلم بالواقع ٩٩،٩ ٪ كل الشباب جذي

واذا تزوج ترك كل شيً الا القليل اللي يظل يخربط لانه تعود على هذا الشي

الولد للحين مادخل ع زوجته ومايعرفها فللحين بخرابيطه ومن كلامج واضح انهم مخططينن ع الفراق من كلام البنت والولد

وشكله الولد قالها ترا راح اتزوج وجذي فاهي متضايقه

فالولد بشكل عام يخافون من البنات يخربون بيوتهم فيسايرها عرفتي

لانه الحين البنت اهي اللي تنشب بالولد حتى لو تزوج تلاحقه وتخرب حياته وتدقدق عليه وتبجبج واحبك وابييك

والولد يقدر يسحب عليها بس يخاف انه البنت تجي لي بيته وتوصل لمرته

هذا كلام الشباب قبل البنت تخاف من الولد لانه ينبلها صار العكس

فانا اقول خليها اول تستخير

بعدها تدعي ربها ان يبعد زوجها عن بنات الحرام ولا يجعل في قلبه احدا سواها ويصب في قلبه حبها ومن هالادعيه

وتتوكل ع الله وتدعي ان ربي يصرف البنت عنه

ولا تزوجت بيتغير الرجل وبيحبها باذن الله والبنت بتصير ماضي وفتره طيش باذن الله

 

[انسام الكويت]

وي الله يعينها مايمدي من ملجت عليه علطول راحت تنبش ورآه شكلها متعقده من مشاكل الخيانة اللي تسمعها

بعدين بنات ليش مسوينها سالفه وقصه انستغرام برنامج الكل عنده ومسجل فيه من كب نوع والكل بيعلق او بيحط لايك

هاذي ظريبة تطور التكنولوجيا ... اهو ما واعد وحده ولا كمل وحده ولا نام ويا وحده .. وإذا بتطلق عشان مسجل بانستغرام ويعلق ويحط

لابكات لا بالله كدينا هير أصلا منو اللي ما عنده تويتر وانستغرام أغلبية شباب والبنات والمتزوجين والمتزوجات بعد طايحين بهالبرامج

فليش مهولين الموضوع اذا على جذي مراح اتزوج وخليها تستخير ربها وتفكر مليون مره ... واهم شئ لاتتسرع هذا طيش بعد زواج بيركد

وبيعرف حدوده