هل تفضلين السكن في بيت مستقل او السكن مع اهل الزوج ...؟

[فارسة خالد]

انا متزوجة وساكنة بسكن مستقل وتم التصويت

 

[ام نورهam]

سكن مستقل ساكنة بروحي والايجار 400 بيكسر الظهر بس راحتي بالدنيا

 

[keka89]

اكيد بروحي
الا اذا اهل ريلي محترمين وكافين خيرهم شرهم
وهذي فئه نادره الحين الناس مستجلبين اللهم ياكافي مادري شفيهم

 

[om_ibrahim]

في بيت مستقل افضل

علشان ما اتضايق ولا اضايق احد

وغير جذي اخذ راحتي معاه ونعتمد على نفسنا اكثر ونحمل المسؤوليه

 

[Daisy chain]

بيت مستقل،،،، بعدًا عن المشاكل

 

[أميرة-]

انا عند حمولة

والحمد لله مرتاحه كافي مفتكين من الاجار و مفتكين من الطباخ ومن امور واجد وان شالله اذا ولدت مااحاتي وين اخلي ولدي وقت الدوام

انا أؤيد الوحده تسكن عند حمولة اذا شقتها راهيه يعني فيها صالة وغرفتين ومطبخ تكفي حتى لما تجيبين عيال بتكفيكم والجمعة حلوة انا استانس والله اذا زوجي طلع اقعد مع خالتي وحمواتي وحريم حمويني الله لايغير علينا يارب

 

[أميرة-]

شدعوة بنات توني اقرا الردود ترا مو كل الحمولات نار والله انتي باسلوبج وطريقتج تكسبينهم بس ترا الجمعة حلوة وتخيلي بيت حمولج هو بيت اهلج شنو اللي تبين مرت اخوج تسوي لاهلج سويه لهم ومو لازم تقولين لهم تفاصيل حياتج خلج رسمية بنزلتج مو اربع وعشرين ساعة مجابلتهم وعيالج عندهم لا خلي نزلتج عزيزة وتنقصي لهم اي شي تسوينه بين وقت والثاني نزلي كيك ولا حلو ولا من العشا اللي تسوينه ومالج شغل بالسوالف وتنقل الحجي والله بتصيرين غالية عندهم

 

[تمره بحلاوتها]

أتمنى ولكن

المهم

ودي اسكن فبيت مستقل كامل متكااااااااامل في بيت اهل زوجي

مثلا شقه كامله تكفي اسرتي واحتياجاتي في بيت حمولتي

ويكون لي مدخل ومخرج للشارع خاص فيني

لان الاستقلال حلو ومريح للخاله وللجنه وبعد يقدرون يشوفون بعض على طول

بحكم انهم بنفس البيت

حتى لاسمح الله اذا تعب احد يكونون الاهل حواليكم احسن من الغرب

هذا رايي ?

 

[Pink_Roses]

السكن المستقل افضل لتجنب المشاكل

 

[حمووشه المطيري]

انا مع اميره كلامها عين العقل

انا ساكنه ببيت حمولتي طبعا شقه كامله فيها مطبخ وصاله وغرفه نوم بس الغلط فيها انها دور ثالث ومافي مصعد
بس والله اتمنى اني اسكن بروحي اريح نفسي ولا اتضايق من احد يبي يسهر ينطق يرووح ع الاقل مو كل يوم شايله هم الملبس ولازم عيالج 24 ساعه مرتبين لا عاااد انا حمولتي ما يحبون المراه قاعده يبونها تكرررف ف انا بنات اقلل من نزلتي لهم عشان مااضايقهم يمكن يبون يسولفون سوالف خاصه بينهم مرات اذا صارت مناقشه او هواش ع طوول اقوم عنهم بسسسس جد يا ليت اطلع برووحي اريح لي من المشاكل والتشره

 

[Dr.rooz]

انا مو متزوجة
بس اذا كانت خالتي المستقبلية حليله و عسل بسكن معاها و نتونس
لكن لو راعية مشاكل انحاش

 

[بمبة المفترسة]

انا مو متزوجة
وابي اسكن بروحي بعيد عن اهلي

 

[dalo0oa121]

برووووحي اكيييد
مارتاح الا بححياة تكون هادية.