هل تفكرين بإنجاب طفل آخر ... بعد تجربتك مع طفلك ذوي الإحتياجات الخاصة؟

[Lovely Smile]

كل أمهات العالم يتشابهون في مشاعرهم للطفل اللي ينتظرونه ... تسع شهور بين تعب وألم وثقل ... أكيد نبي طفل سليم و معافى صحيح الخلقة ... انصدمتي و سلمتي أمرك لله مع طفلك هذا ... و أحييك على هالشجاعه و تستاهلين بوسة على راسك ... أنت مو أي أم أنت تشوفين طفلك حبيبك قدامك يتعذب ويتألم و ودك لو تنامين و تصحين وتشوفين طفلك حالة حال الناس اللي بعمره ... و مع ذلك صابرة وربي يأجرك ...

هل تفكرين بإنجاب طفل آخر؟ أم أنك صرفتي النر و قررتي تكريس جهدك ووقتك لطفلك الحالي؟ ماذا عن زوجك و موقفه من الإنجاب؟

سؤال: هل يمكن اكتشاف التوحد قبل سن سنتين؟

(و أنا أكتب الحين تذكرت الأمهات اللي يتخيرون يبون ولد ولا بنت ... أمي دايماً تردد اللي يجي من الله حياه الله بنت ولا ولد أهم شي بصحة وسلامه)

سلام

 

[Emanova]

حبيبتي السؤال كلش مو حلو لان وايد ناس سئلوني هالسؤال ...

كل شيء بايد الله يعني لو القسمه اليهال كلهم يطلعون احتياجات خاصه راح يطلعون ...و اذا الله كاتب ان الخلقه تطلع سليمه راح يطلعون و كل شيء قسمه

يعني وايد يهال ما فيهم شيء ..اتييهم حراره او يختنق و يحوشه نقص اكسجين و يتبدل حاله

و ياما شباب بعمر الورد يمشي على ريوله و يركب سيارته و يصير له حادث عقبها لا يقدر يتكلم و لا يقدر يمشي

و الله الطف بعباده اذا الوحده فينا قالت ما ابي ااييب عيال علشان هالشيء معناته احنا ايمانه ضعييف و ما نؤمن بالله

و الله ما ياخذ من الانسان شيء و يعطيه شيء اقل ..هاليهال بركه في البيت كل ما اهتميتي فيهم كل ما الله بارك فينا

و بالنسبه حق سؤالج الثاني عاده التوحد عقب السنه و نص يبلش يبين

و كلام والدتج صح ...انا اشوف قسم النساء و الولاده كل وحده تبي ولد و لا تبي بنت و هاليومين طالعين لنا طلعه يبون توائم

ما يقولون يا رب الصحه و العافيه يا رب حسن الختام

 

[Lovely Smile]

حبيبتي Emanova

أكيد أنا مو داخلة هنا علشان أضايق أحد وأنا آسفة كثير إذا ضايقك السؤال ... بس انا بعد غلطانه لأني ماوضحت المغزى من سؤالي...بشرح سؤالي مرة ثانية هنا

الأطفال يحتاجون مصاريف ملابس وحضانات و وقت وشغل وتعب و مسؤولية و هم أصحاء ... و طبعاً ذوي الاحتيجات الخاصة يحتاج مثلهم الضعف من المصاريف و الوقت و التعب و المسؤولية ... فسؤالي ... هل تعبك ومصاريفك مع ولدك ذوي الإحتيجات الخاصة خلاك تقولين خلاص ... كفاية اللي عندي مابي عيال ... ولا لا تقولين أنا قوية وأقدر اتحمل مسؤولية عيال أكثر.

آسفة مرة ثانية

 

[الصابرة المحتسبة]

يالغالية كل دابة على الله رزقها ,,,, وهذي نعمة من رب العالمين وله حكمة فيها سبحانة وبالعكس يمكن يكونون سبب لدخولنا الجنة بإذن الله ولاانا ولاغيري يحدد جم ومتى يكون عندي عيال هذي رزقة من رب العالمين وياما ناس يحلمون ولو بضنى بس يطالعونه حتى لو مايتحرك أو يشوف واللهم يرزق كل محرومة الضنى متعافي ,,, والحمدلله الذي لايحمد على مكره سواه.

 

[مشاعل الشمري]

يالغالية كل دابة على الله رزقها ,,,, وهذي نعمة من رب العالمين وله حكمة فيها سبحانة وبالعكس يمكن يكونون سبب لدخولنا الجنة بإذن الله ولاانا ولاغيري يحدد جم ومتى يكون عندي عيال هذي رزقة من رب العالمين وياما ناس يحلمون ولو بضنى بس يطالعونه حتى لو مايتحرك أو يشوف واللهم يرزق كل محرومة الضنى متعافي ,,, والحمدلله الذي لايحمد على مكره سواه.

الحمدلله على كل حال وما ازيد على درر مشرفتنا الغاليه:eh_s(6):

 

[Emanova]

حبيبتي emanova

أكيد أنا مو داخلة هنا علشان أضايق أحد وأنا آسفة كثير إذا ضايقك السؤال ... بس انا بعد غلطانه لأني ماوضحت المغزى من سؤالي...بشرح سؤالي مرة ثانية هنا

الأطفال يحتاجون مصاريف ملابس وحضانات و وقت وشغل وتعب و مسؤولية و هم أصحاء ... و طبعاً ذوي الاحتيجات الخاصة يحتاج مثلهم الضعف من المصاريف و الوقت و التعب و المسؤولية ... فسؤالي ... هل تعبك ومصاريفك مع ولدك ذوي الإحتيجات الخاصة خلاك تقولين خلاص ... كفاية اللي عندي مابي عيال ... ولا لا تقولين أنا قوية وأقدر اتحمل مسؤولية عيال أكثر.

آسفة مرة ثانية

حبوبه انا ما ضايقني سؤالج ..انا اساسا متضايقه من ناس وايد عندهم يهال احتياجات خاصه و تقول ما ابي اييب يهال و هالكلام الفاضي ...

على المصارييف الحمدالله الدوله مو مقصره مدارس و معاشات شهريه و علاوه اطفال و حتى حفاظات و خصومات على الاجهزه موفره

بالنسبه لي مصرووف ولدي مو مضايقني كلش مثل ما قالت لج اختنا الصابره كل دابه و لها رزقها ...الله ما عطاني ولدي حمودي الا و عطانا رزقته ...

و الحمدالله معاشه مال الحكومه قاعده اوفره حقه علشان بعد عيني و عين ابوه افلوسه تشيله ...و مره ثانيه الحكومه ما تقصر


و مثل ما قلت لج هاليهال بركه كل ما سعيتي بشيء لهم او سويتي لهم الله يطرح البركه في البيت و في كل شيء

 

[توت وتين]

عندي استعداد انجب اطفال حتى لو كانوا معاقين والحمد لله هم منحة من الله وليسوا محنة


واالارزاق بيد الله وحده مايملك الانسان من أمره شئ

 

[مشاعل الشمري]

بنات ماشاء الله عليكم والله يزيدكم صبر وايمان فوقه
بس والله انا عندي عيال نعمه 7 والله اللي
فاهمني اهو يويو ويدور رضاي وما يبي يزعلني
مو قصور بعيالي ولله الحمد متربين ومتفوقين بس لا يويو غيروانتو امهات وتعرفون جيل هالوقت
والله ان شمعة بيتي يويو حتى لو فيه بعض الصعاب بس ولله الحمد نتجاوزها

 

[توت وتين]

ربي يحفظ عيالنا من كل مكروه ويصلحهم ويبارك فيهم


والله صاجه يام يوسف انهم غير باحساسهم ووتعاملهم

 

[*دانة الخليج*]

هذا قضاء وقدر وانسان المؤمن بالله لازم يؤمن بالقضاء والقدر

وهذا انا اعتبره شي راد للام والاب
مو بس اطفال معاقين حتى الاطفال السليمين يحتاجون اهتمام ورعايه ومصاريف وايد


ومرض التوحد مرض غير معروف اسبابه لما الحين؟؟؟؟؟؟؟؟؟؟؟؟؟؟؟؟؟

 

[HearT ChocolaTe]

لا حول ولا قوة إلا بالله ... الحمد لله الذي لا يحمد على مكروه سواه
ما راح أزيد على خواتي شي .. كل وحده منكم كفت ووفت

فديت عيالكم أنا

 

[@شمس الضحى@]

الي الله كاتبه لنا بيجينااا والحمدلله على كل حال
بس احس ماله داعي هالسؤال

 

[الأماني]

بصراحه عاادي انا عندي سته ابناءوأربعه منهم من ذوالاحتياجات الخاصه خمسه اولاد وبنت وحده

و اصلا اطفالنا ذو الأحتياجات الخاصه هم بركه البيت وسبحان الله كل طفل يولد ورزقه معاه واخر شي بنتي إللي جبتها كنت شايله همها

لكن سبحان الله ولدتها وجي الرزق معاها الحمدالله


ربي يشفيهم ويعافيهم جميع اعيالنا ومرضي المسلمين

 

[مشاعل الشمري]

الله يخليهم لج ويزيدج ايمان
والله يوسع عليج من رزقه

 

[MALAAK22]

الف الحمدالله على كل حال وموضوع صج وايد مرات ودي افاتح كل ام فيه لانه وايد مراو عليي حريم يقولون لا بس كافي هالولد يبيله احياجات خاصه وعلاج خلاص لازم نوقف ومايبون عيال غيره؟! مايدرون انه الولد او البنت الثانيه ممكن تكون سبب في تشجيعه ومساعدته بالحركه والعلاج
انا عن نفسي يبت ولد بنقص اوكسجين الف الحمدالله بعدها وه عمره 4 شهور علطول حملت مره ثانيه وماكنت متوقعه هالحمل وبجيت حزتها افكر شلون بهتم بثنين صغار وخصوصا ولدي يحتاج اهتمام
بس والله اللحين عرفت كل شي صارلي خيره من الله غير هذا لو ماكنت حامل بهالوقت وولدي كبر كنت صج يمكن راح اتعب وياه اذا كنت حامل بالحط والشيل عكس لما اهو صغير وانا حامل اسهل غير هذا ماراح يحس بالغيره لانه صغير وهم بنتي وايد شجعته علي الحركه او بالاحرا اهو اللي تشجع بالحركه لانه وده يقرب منها ويطقعا و وايد حسيت فرق لانه يحب اليهال فطبيعي بيسانس وياه احد عكس لما يكون بروحه ماراح يتحرك وايد
انا جد عقب تجربتي انصح كل ام تغير تفكيرها اذا كان لازم ماتيب غيره وتهتم بالاول لانه الثاني راح يساعدها وايد بالعلاج واهي ماتدري
وسوري طولت عليكم

 

[HearT ChocolaTe]

عسى الله يخليهم لج وخليج لهم وتشوفينه معرس ان شاء الله

 

[Miss-LuLu]

الحمدلله اخوي المعوق كان اول واحد وامي يابت عقبه 4

ماله شغل كلش

 

[كرامتى تهمنى]

الحمدلله انا طفلى اصغر واحد وبتفرغ له اول بعدين افكر عندى خير من الله

 

[الصابرة المحتسبة]

للمشاركة

 

[مباركيه]

الحمد الله:eh_s(6): على كل حال وانا والحمد الله بكر أمي وأبوي الله يرحمهم00ويابوا عقبي أربعة ولله الحمد طيبين متعافين وحلوين :27d66a9c24b146327bf
أدري بتقولون مغلغصة روحها بكل مكان شسوي أحب أشارك
اذا ملقوفة قولوا لاتستحون:dddds: