هل تقبلين الزوج بواحد اصغر منج بالسن؟؟؟

[GHADEERAAT]

هلا حبيباتي خوش موضوع
في الحقيقه انا اقول ممكن ليش لا بس بشروط يكون زواج عن حب او يكون اهو شكله اكبر مني يعني ابين ناعمه اهو يبين اكبر ممكن

واهم شي يكون رزين يعني يبين كبير بالعقل لان في رياييل يكون اصغر من البنت وعقله يبين كبير ورزين ويمكن يكون طبعه شايب

ورفيجتي متزوجه واحد اكبرمنها ب9 سنين واهو مبين شايب واهي مبينه بطبعها اصغر منه مرحه وفرفوشه سبحان الله وبالتالي هو نصيب
وارسول صلى الله عليه وسلم تزوج السيده خديجه وكان بينه وبينها 15 سنه وكانت احب زوجاته الى قلبه
بعدين بزمنا المراه الكبيره اعتقد تحتوي الرجل اكثر من الصغيره في بعض الاحيان يعني تتحمله خاصه في الرياييل اللي مايتحملون مسؤوليه الزواج ...والله اعلم

 

[Dreamy G!rl]

مستحيل اقبل بواحد اصغر مني حتى لو بـ 3 ايام

 

[Dreamy G!rl]

هلا حبيباتي خوش موضوع
في الحقيقه انا اقول ممكن ليش لا بس بشروط يكون زواج عن حب او يكون اهو شكله اكبر مني يعني ابين ناعمه اهو يبين اكبر ممكن

واهم شي يكون رزين يعني يبين كبير بالعقل لان في رياييل يكون اصغر من البنت وعقله يبين كبير ورزين ويمكن يكون طبعه شايب

ورفيجتي متزوجه واحد اكبرمنها ب9 سنين واهو مبين شايب واهي مبينه بطبعها اصغر منه مرحه وفرفوشه سبحان الله وبالتالي هو نصيب
وارسول صلى الله عليه وسلم تزوج السيده خديجه وكان بينه وبينها 15 سنه وكانت احب زوجاته الى قلبه
بعدين بزمنا المراه الكبيره اعتقد تحتوي الرجل اكثر من الصغيره في بعض الاحيان يعني تتحمله خاصه في الرياييل اللي مايتحملون مسؤوليه الزواج ...والله اعلم

أحب زوجات الرسول - صلى الله عليه وسلم - أم المؤمنين عائشه - رضي الله عنها -
فقط تصحيح المعلومة :eh_s(6):

 

[chakletaA]

عااادي اتخذ االرسول عليه افضل الصلوات قدوه
زوجاته اكبر منه

محنا احسن من محمد عليه افضل الصلوات
انا ايد الفكره بقوه احسن من شايبن عاايب ولا ودروبه خبيثه وعقله بزر

حكمه لما الزوجه اكبر من زوجهاا
اهم شي الاحترام والحب المتبادل وتبادل الافكار والاراء

 

[Miss 7o7o]

أحب زوجات الرسول - صلى الله عليه وسلم - أم المؤمنين عائشه - رضي الله عنها -
فقط تصحيح المعلومة :eh_s(6):

صح كلامج انا بعد تأكدت من النعلومه احب زوجات النبي صلى الله عليه وسلم عائشة رضي الله عنها
لكنه حزن كثيرا على وفاة السيده خديجة رضي الله عنها وسمي هذا العام بعام الحزن
تسلمون كويتيات على المرور وتسلمون على ردودكم وتفاعلكم مع الموضوع

 

[قهوة برية]

يمكن يكون عقله اصغر مني

مو شرط العقل يرتبط بالعمر .!

ياما ناس طاقين ال40 وهم عقلية مراهقين .!

والعكس صحيح .!

 

[smile]

يقولج التجربة خير برهان

انا خذيت واحد اصغر مني بشهور

وتندمت قد شعر راسي

انسان متسرع مثل اليهال يهب بالشي وبعدين مايبيه

وماعنده حسن تصرف

والله ان احسن منه

وماردي تطلقت

والحمدلله ربي عوضني بالريال التكانة

اللي يقدرني

ويفهم حاجات المرة

واكيد لكل قاعدة شواذ
وسلامتكم

 

[بطاط مهروس]

مشكورة على الموضوع ..... موعيب انى اتزوج واحد اصغر منى
ليش لانى بصراحة زوجى اصغر منى بوايد حيل والحمدالله عايشين بخير ونعمة

 

[Miss 7o7o]

يقولج التجربة خير برهان

انا خذيت واحد اصغر مني بشهور

وتندمت قد شعر راسي

انسان متسرع مثل اليهال يهب بالشي وبعدين مايبيه

وماعنده حسن تصرف

والله ان احسن منه

وماردي تطلقت

والحمدلله ربي عوضني بالريال التكانة

اللي يقدرني

ويفهم حاجات المرة

واكيد لكل قاعدة شواذ
وسلامتكم

يمكن تكون صدفه ؟؟؟
والا بس علشان هو اصغر منج؟؟
يسلموا على المرور والرد والتفاعل

 

[شنكولة]

انا زوجي اصغر مني وماحسيت اني اكبر منه وبشهادة الكل وشهادته هو شخصيا

 

[عادي من قلبي أشيلك]

لاطبعاً مااوافق نهائيا
افضُل يكون اكبر مني اقل شي 5 سنوااات

 

[زهرة البنفسج22]

يابنات ذكرتوني قبل دخلت موضوع نفس هالموضوع وكتبت مستحيييييييييييل اخذ واحد اصغر مني اصلا حتى لو اكبر منى بسنتين ما ابيه لازم الفرق 4سنين وياحبذا اكبر

سبحان الله دارت الدنيا وملجت على واحد اصغر مني ب9شهور وطبعا ماعرفت الا بيوم الملجه يوم شفت بطاقته



بنات هذا نصيب تكفون لا تخلوني اتحسف واكتئب والله الولد خوش واحد وشكله اكبر مني لاني نعومه حييييل وهو ضخم

 

[مشاعل الرياض]

الصغير بيكبر مابيظل صغير ..

وعن نظرة المجتمع عادي ترى .. يعني وايد حريم ريايلهم اصغر منهم ..



وكفايه مال اول البدو .. يحطون المرة في الزوليه ويطرشونها بيت عمها حق ولد عمها .. عاد صغير .. شايب ..


وبقولج العلم النفسي يقول .. عندما يعشق الرجل الصغير المرأة التي تكبره سنآ يعبدها ..

لانها مصدر الاثارة لها كونها ناضجه ..
لانها حنونة ..

لانها ذكية ..

لانها تمتلك مهارة التفكير بماذا يفكر كونها اكبر منه واكثر خبره ..

لانها تغريه ..

لانها تسعى الى تكمله النقص في مسئله انه اصغره منها ..

والاكبر من هذا كله .. انه الامر ليس عاديااا ..


اخذيه خصوصا اذا كان ذو خلق ودين .. ولاتهتمين .. هذي دنيا .. ماتحصلين فيها كلشي كامل ولا هو بيلقى كلشي كامل ..

الكمال لله ..

مع الاخت بكل كلمه فيه رجال يحبون يتزوجون الي اكبر منهم يحسون بسعاده الزوجه اكبر منه
انا بالنسبه لي عادي اتزوج اللي اصغر مني مافيها شي العمر تراه شي مو محسوس مجرد رقم اهم شي الحب والراحه انا لو اكبر منه ب10 سنوات عااااادي بس اهم شي يكون عقله كبير
طولت عليكم صح بس بقولكم سالفه لخالي ماشاء الله عليه جمال ومركز كل بنات الجماعه منهبلين عليه عمره كان 24 ومتملك على وحده من احلى بنات الجماعه عمرها 22 لمده 9شهور بنات مارتاح ابد بس متظايق والحين متزوج وحده اكبر منه 11 سنه بنات وربي منهبل عليها وعنده ولدين لدرجه اذا جانا ودخل عندنا ياحريم على طول يقوم الي جنبها ويقعد معها

 

[Miss 7o7o]

تسلمون على المرور