هل تقبلين العيش مع زوج بخيل ؟؟؟؟؟

[al-musk]

لا يحوووووووووووووشك..

 

[دمثة]

عساني ماشوفه

 

[bride2011]

الله يكفينا شر البخل
ليه الانسان يبخل على نفسه بما اتاه الله من فضله

 

[سندس 90]

يقولون الكرم يغطي عن 70 عيب
الصراحه لأ ماأقبل بس الوحده إذا سمعت عن زوجها جذي طبعاً أهم شي تصلي استخاره عششان ربي يوفقها وثاني شي مع الدلع والذرابه والحنان والثقه وتطلب منه يعني تنتفه من اول عرسها لوووول بس صج عشان يتعود ويفهم انه هذي معنى الحياه عاد اذا تعود ووخر عن هالطبع لأ تمسك نفسها لي متى

 

[black rose BH]

سواء بخل بالفلوس ولا بخل بالمشاعر

ماقدر بصراحه اعيش وياه

اعيش مع ريال فقير وعلى قده بس كريم

ولا اعيش مع واحد بخيل !!

 

[Zaina-al-zaina]

الشكوى لله حبوبه

المساله انج تزوجتي وخلصتي ):

بخيل الله يعينج بس شالحل !!!

1- ياتعزين نفسج وتدورين مدخول لج .
2-او تسعين انج تغيرينه .
3- اوتطلبين الطلاق .

وكل وحده يبيلها جهد وصبر وتعب !!!!

وانتي نقي شنو يناسبج *

 

[* بنت المطر *]

والله محد كثري جرب الزوج البخيل اخذيها مني صج يعرف نكي ويمكن يقرا كلامي بس انا قايلتها بوجهه

اول شي البخيل مايشوف بخله يشوفج انتي البخيله ويشوف انج قاعده تنصبين عليه وبتاكلين فلوسه وانه ذكي ومصحصح لج

انا عندي شخص بخيل بكل شي حتى على نفسه لايلبس لايطلع موشايف الدنيا بعين حلوه وكله بسبة البخل والله بخيل حتى بمشاعره

بعطاءاته حتى المعنويه حتى وصلت للمبادره الزوجيه يبخل !! توظفت قلت اشيل نفسي بلا مذله قام مايجيب شي بالبيت شال ايده

من كل شي كله حسد علي ودايما يسالني وين اودي معاشي واني اصرف ع الناس ولمن اطلبه شي حق العيال وين معاشج !!

قام يوفر على نفسه ويقط فلوسه بس ع السفر والخربطه يعني حياة لاتحتمل لاتحتمل بس ااااااااخ ياصبر ايوب على بلواه

 

[ازمه وتعدي]

شووووفى اختى لا تحكمين على شخص من وجهه نظر الا خرين

لانهم ممكن يظلمونه ويختلف مفهوم البخل من شخص لاخر او خل نقول

الصرف

يااقلبي انا عن نفسي اقول لك كلمه وحدة

انا اقتلنى

ايه اقتلنى ...

ولا اعيش مع بخيل او انسانه بخيله

بصرااااااااحه الرجل يفقد رجوولته بنظرى لا صار معاااه وبخيل

لكن فى فرق بين الانسان المقتصد والبخيل اللى يجمع عشان يشترى شى لمرته وعياله

او يقتصد بدون ما يحرمهم على طوووول

اتمنى تكون وجهه نظرى وااااضحه

وان ما شفتى بعينج لا تصدقين انتى اللى بتعاشرينه وبتعرفين من كلامه وصرفهه

ان كان بخيل او كريم من وجهه نظرج لطريقه الصرف ..

وربي لا يكتبها علينا نعيش مع بخيل ااااعوذ بالله

قبل فترة شفت مواااقف لوحدة تقرب لى بصرااحه الود ودى اقتل ريلها البخيل

الفلوس فلوسها ويحاسبها على الصرف يااربى ارحمنا​

 

[* بنت المطر *]

طبعا سفر انسي حتى لوعمره وحج طلعات انسي يخرب شي بالبيت انسي يتصلح اذا ماتقطين معاشج كله وتعتازين بعد وتسلفين

ماتعيشين يعني موسند لج بهالدنيا لان دايما البخيل اناااااااااااااني ف لايحوشك فكي عمرج

 

[صديقت قوقل]

لو عندي معاشي

بس فيه صفه البخل بحد ذاتها مصيبه
مستحيل يتعاشر

ومستحيل اوافق حتى لو خواتي


ماااقبله لان قبل كل شي الرسوول اللهم صلي وسلم عليه تعووذ من هالصفه

 

[ليه الجفآ]

فعلا الكرم صفه الريال السنع

:eh_s(15):

 

[الزيـــــ^^ـــــن]

مستحييييييل ...
قال الامام علي عليه السلام (( • إياكَ ومُصادَقةَ البخيل؛ فإنّه يَقعُدُ عنك أحوَجَ ما تكون إليه. ))

 

[amami al-kuwai]

شوفي حبيبتي لازم تفرقين بين الحريص والبخيل

الحريص هو اللي مايوفر الكماليات يعني بدال مايشتري لج ايفون يشتري لج نوكيا عادي

بدال ماتشترين ملابسج وجناطج بمحلات غاليه وماركه يخليج تشترينها من المحلات العاديه واللي اسعارها مقبوله

اما البخيل

فهو مايشتري لج حتى الاكل او كسة العيد او الصيف تو الشتا والفلس يطلع منه بالحسره واذا انتي موظفه يتكل عليج حتى بمعاش الخدم وحتى ان انتي اللي تطلبينهم من المكتب

الحريص مقبول لانه يكون موفر لج الاساسيات بس البخيل الاساسيات زين تحصلينها منه بالطلايب

 

[bride2011]

للرفع

 

[bride2011]

رفع اراىكم
ودي اعرف اراء المجربات

 

[عسوله معسوله]

بالنسبة لي لاااااا و ألف لا
بالحالتين ما يتعاشر و لا يمكن اني اتحمله

 

[bride2011]

ابي الي ريلها بخيل شلون متحمله وشلون ممشيه امورها

 

[قاهره عذالي]

رفع

 

[اميره1980]

البخيل

مو بس بالفلوس

حتى بمشاعره

حتى بعطاءه

حتى بالمعامله الزينه

ويكون اناني اهم شي نفسه
والعيشه معاه عزر
مو بس قهر ان مايصرف عليج
حتى بمعاملته بتحصلين قهر منه

معاج بكل كلمة

 

[يـاسمين]

مستحيل اعاشر البخيل
لانه هم يحرم اشياء من نفسه
عندي صديقتي كانت متزوجه بخيل وتطلقت منه
تقول زوجها كان يبي يشتري تلفون اي فون
قام يجمع من كل شهر 50 دينار لما كمل المبلغ وشرى ولا بعد متحسف علي السعر
واهو ماشاء الله وضيفته معاشها قوي